|
本帖最後由 FRX-00 於 1-8-2010 12:31 AM 編輯
我同幾個上海朋友排咗10個鐘,去到入口前在120位左右,點知去到HT前面亂0西。好啦,等一陣睇吓HT點處理啦。先宣佈今日唔賣,叫人唔駛等,眼見其他人小貓拆蟹,同D朋友怕有不愉快事發生,决定走開,跟手走開去EB攞吓贈品、行吓。你老闆你轉頭又賣番,仲要賣埋聽日0既,而且眼見買倒0既大部份都係排隊黨D人。唔係話好嬲不過對HT做法極度失望同反感。
喺到順便有個提議比HT下次賣會場限定時考慮吓(前題係HT會重視真正玩家及打撃炒家同排隊黨)
你HT想有人排隊做勢,可以,一樣要排隊及先到先得。但買家(VIP及非VIP)需出示一定數量HT門市訂單(如5張),同一姓氏及電話只可買1set(要本人即場對ID姓氏),我相信各玩家應該唔止有5張訂單喺身,雖然排隊時間可能會耐D。
而且哩個提議一舉數得 :
1.真正玩家可以比較放心排隊,可以買倒0既機會增加。
2.可令只有3至4張訂單0既玩家因限定版而考慮多訂1至2隻冇咁鍾意0既。(HT生意升,正)
3.炒家同排隊黨成本大增(排隊黨人工),再加30人排隊乘每人5張訂單。(HT生意再升,正正正)
如果炒家咁都大手掃貨,咁真係抵佢發喇!!!
小小意見,望HT考慮考慮。 |
|