抄牌變襲警 旅巴司機疑遭警摑 日團友: 香港警察很暴力

呂品器

【明報專訊】尖沙嘴    發生抄牌演變成襲警事件。一輛旅遊巴疑違例停泊被票控，司機先發惡咒罵警員是「乞兒」，其後與警員發生推撞，涉嫌襲警被鎖上手銬拘捕，遇襲警員眼部受傷送院。目擊事件經過的女導遊，在車上等候的日本    團友均異口同聲指過程中警員曾使用暴力，掌摑拉扯被捕司機，質疑警方有否濫用暴力，有日本女團友更說︰「香港警察好暴力。」

涉案司機被鎖上手銬帶署

涉嫌襲警被捕旅遊巴司機李×明（37歲），被警方鎖上手銬拘捕帶署後，亦報稱不適送院檢驗，事後再被帶署錄取口供，至昨晚仍未獲釋。李的妻子，律師及目睹事件的姓范女導遊，昨晚亦先後到警署處理事件。遇襲警員面部及左眼輕微擦傷，送院治療後無礙。

警方發言人回應事件時稱，警方在上址執行交通管制向4輛汽車作票控，一名司機不合作導致一名警員受傷，警方以襲警罪名拘捕。至於被捕男子被警員掌摑一事，以及警員是否濫用暴力，發言人則未有回應。

被抄牌罵警員「乞兒」

目睹事件日本旅遊團有13人，行程包括港澳深圳    4天遊，來港後一直由姓李司機駕車接送，未料最後一日目睹警民衝突場面。事發現場為尖沙嘴香港基督教青年會對開漢口道，上址為巴士站，並非合法泊車位。昨晨11時許，李駕駛旅遊巴泊在巴士站等候，大部分團友到附近商場購物，約6名團友在車上休息，當時旅遊巴前後另泊有3輛不同類型汽車。其間有警車駛至，3名警員即時落車抄牌，現場4輛汽車被票控違例泊車，當中包括李的旅遊巴。

其間，李與警員激烈爭執後，上車取回證件交予警員時咒罵說︰「畀你啦，乞兒，抄（牌）啦！」雙方口角推撞，李繼而被拉扯衣服推向大廈外牆，混亂中一名警員報稱遇襲，而目擊者則稱見李被警員掌摑。多名警員到場增援，經調查以襲警罪名將李拘捕。

目睹事件的姓范女導遊說︰「差人確有掌摑司機，司機被抄牌要自己比畀罰款，一定好勞氣。」另一名站在對面馬路的旅遊巴司機，以及多名日本團友均目擊警員掌摑司機場面，部分人用手機拍攝過程，女導遊拍攝的照片顯示，事發後現場最少有10名軍裝警員。

范女曾向警員提出要求做證人，但有警員說︰「你諗清楚，如果你講口野有差錯，可能會告你誤導。」范女被嚇怕，加上要照顧團友，未再作爭取。范女又說︰「政府話要搞好香港旅遊業，司機連泊車都無地方，停車等團友又畀人抄牌，咁點算搞好旅遊？」。

目擊事件的日本團友後來以手勢比劃警員掌摑司機情况，團友指連日相處下覺得李某「幾好人」，但認為香港警察則「很暴力」，團友午膳後乘航機離港。

呂品器

乞兒！

yugi

前幾日警隊又召募了千幾人,其實警察唔係唔夠人手,只係唔夠做到野的人手:42:太多行行企企亂查身份證交數的:*

原罪

樹大有枯枝，族大有乞衣。

lovecomicgirl

大家都係討餐飯食, 何必斷人米路呢~
漢口道已經係離開最繁忙的廣東道-中間道-彌敦道

路政署不如在這一區的橫街小行多加些『旅遊巴專用待客區』，方便遊客
以客為本，才是好客之道

Gerbera

依法辦事，就俾人話斷人米路濫用職權(即使無都會話你有)

唔理佢，就俾人話行行企企唔做野

警察都係討餐飯食，就要老馮俾人鬧乞兒，俾人打，俾人出氣

咁吃力不討好既工作都仲有大把人去做，真可悲可笑可嘆:ar:

ekim11

:56:

冬暖夏涼小恐龍

做好份工都吾容易:o

呂品器

公道講句，而家d警察普遍都友善左好多。

不過「假如」呢單新聞係真，我就覺得10個軍裝黎圍，而家警力過盛呀？

司機鬧人乞兒唔可以話冇錯，但警察因為咁打人就一定錯多好多。

有邊行唔洗受氣？

Gerbera

本人工作上都要經常面對公眾，故對公職人員感同情，純為有感而發：


假如呢單新聞案情係真，警察主動打人當然百份百唔岩，被處分亦唔底幫，害群之馬度度都有，除之而後快:blame:

一粒老鼠屎整衰一窩粥，而且唔係一兩粒咁少，加上報紙雜誌最鐘意搵負面野報道，大眾多數只會記得衰野而唔會記得好野，人地就唔當你係一窩粥而係一窩屎

出社會做事要受氣絕對應同，但因為依法辦事係眾目睽睽下俾刁民打一巴，無得還手固之然，鬧佢佢又食住你投訴你，就算專業地控制倒自己情緒都自專極度受損，之後上級仲插你唔尊業，處理不當俾麻煩佢

加上現今社會點做都會有人鬧，點做都錯:cool:

討餐飯食，罵不還口可以，但俾人打之餘仲要好似自己做錯，咁無癮咁無尊嚴，自問接受不了:(

果汁先生

香港警察入行多為人工而非為正義.
再經過咁多單 強姦 屈人等scandal
香港市民同警察已經差唔多被放係對立面上...
所以d人搵警察出氣好平常...
但鬧人係唔岩..但無犯法..
而打人就一定唔岩同犯法..
我支持拉個差佬去坐監

呂品器

討餐飯食，罵不還口可以，但俾人打之餘仲要好似自己做錯，咁無癮咁無尊嚴，自問接受不了
Gerbera 發表於 16-7-2010 11:34 AM

我唔係跟得好足呢單野...  警察比人打先咩？

係就當然告佢襲警！但警察都無理由掌摑返轉頭。十個軍裝黎「增援」，更加令人覺得係比壓力當事人同potential證人。

Gerbera

' 俾人打之餘仲要好似自己做錯 ' 一句並非指上述案情，而係指警察平時執勤經常遇到的情況，拉唔拉佢襲警係一件事，我既point 係做野要俾人打俾人發洩都幾慘幾無奈。令ching誤會了:64:

比人打先又好，還手又好，警察純粹因按奈不住情緒而郁手（出於自衛或為制服暴力既人就另計）就點都唔岩

至於警察多人增援，我諗佢地都主要係控制場面防止情況惡化，否則更多人圍觀，又起哄又性，越搞越大，到時新聞價值更高，警方最怕咁