本帖最後由 Toro 於 5-7-2010 07:43 AM 編輯
怨怨相報既風氣真係有問題架,香港好重戾氣.
但而家D死小孩,用返以前個套教係唔會聽,利用新既工具去教精D衰仔衰女,有何不可.
打個比喻,"魚"一個小朋友,等佢知衰其實係一種好簡單易明既教學法
以前D死小孩(我個代)單純好多,比如你去其他小朋友面前笑佢XXX,佢會話,唔好講啦~~~
唔聽話D既,就除清佢D衫,推佢出冷巷去遊街,等佢樣衰一次,以後記住
今時今日,點解唔可以拍佢條片上YOUTUBE,等全世界睇佢有幾樣衰.
最少呢幾條白痴以後唔敢再明目張擔搞事,會知道呢d野唔光彩.
最記得以前返學,唔聽話?早會當住全校面前打pat,幾咁震撼!
但而家個D老鬼餘既教育家,就話呢樣唔得,個樣會自殺....頂,將D問題複雜化,咁佢D咪可以做顧問,開下D討論會,賺晒你D錢囉!
而家D家長,真係唔識教,一味聽D不知所謂教育家,心理醫生兇你.拋你!
老師體罰會冇野撈,長輩在學校郁都唔肯郁,只求保住工作.
家長鬧兩句又會跳樓,怕影響心理發展,唔教.
雙線唔教,雙雙推波,最終D教育家又係懶落網絡,電視,TV Game,係社會既錯,超錯!
最好笑係近排D幼粉廣告,乜野偏食會影響發育,快D食奶粉
妖,以前邊有得畀我揀野食,偏食咪乜都冇得食,半夜肚餓屎我都食.
但家呢D奶粉,維他命丸,只係家長唔想花時間去教小朋友,快快趣趣解決件事既捷徑.
好似呢件事咁,第一時間唔係話D死小孩點解蝦細路,而係驚人網上欺凌D靚妹~~~
呢D係乜野道理?同世界盃入面D無作為球星賴地硬,賴高原問題,賴個波唔好踢有乜分別? |