《其實我是想向共產黨投誠的~ 起錨：我所知的功能組別二三事》

marxistneo

是咁的，小弟第一次聽「功能組別」呢四個字，係o係F.2 時有科叫EPA (Economics and Public Affairs, 係咪好似一科 Double degree呢) 有位講野好快的「超音鼠」老師教我既。細個講書，不求甚解，以為所有香港市民都有權投票俾番自己所屬的行業，即係好似某位港督話齋咁，連係Intel掃地個阿嬸都有一票投選IT界既功能組別議員。大個咗，有一段時間係旺角返工，遇啱政府放風話要擴大功能組別，見到旺角周圍貼咗好多海報，構圖呢就好似古惑仔第十二集咁，有一班過期死臭飛咁上下的人，話要代表麻雀館、夜場、桑拿等業界加入立法會。雖然我唾覺得(短期內) 可以有人o係立會提出娼妓合法化咁激既議題，但我心諗都好丫，最少有人嘗試撥亂反正，咁以後有D野要規範化，警察都有D正式D既渠道去諮詢丫。同期，仲有香港最大僱主~香港政府的公務員們要求爭取一議席。當然，呢班熱情既五/六十後，最後梗係俾人點到通透啦。(不過我是很尊敬你們的!! 感謝你們走出來嘗試!!) 講咁耐，諗清楚，香港其實最多人係私營公司做野，所以香港從來只需要商界! 爭取商界加多10席!! 另外咁多解防軍係香港，佢地的權益都係要維護既，所以解防軍加一席；隱性、陽性、陰性共產黨共200萬，所以計我話共產黨應該有50席，由人大代表兼任，咁就最具民為基礎啦。