紅色惡魔小隊~!!

siegheil

紅色惡魔中期報告~MS-17a HGUC化始動！
未有咁快交到件住...不過，交住啲中期報告先啦~

胸部組件比較，上面係Zeongraphy，下面係HGUC MS-14A，外型上，ZG好明顯比較纖瘦，而HGUC比較肥大；結構方面，ZG嘅肩膊關節根本就冇得郁，只可以前後回轉，HGUC肩膊關節則比較靈活，前後橫向活動範圍較大，原本以為只要改少少就可以將ZG個殼放落HGUC度，不過，依家發覺完全唔可行，正打算將HGUC嘅肩膊關節改落去ZG度...不過工程超大~希望可以一邊整一邊影，好似Hobby咁將成個過程紀錄落嚟~

右手係HGUC，左手係ZG，兩隻比較，HGUC明顯「大隻」少少，唔止長咗，亦粗咗，線條方面就ZG比較優勝，但活動關節就肯定HGUC贏哂~
個膊頭裝甲難得出奇地夾，直接放返ZG果兩個落去就可以，慳返唔少工夫同時間~

ZG嘅腰部同股關節，右圖左手邊果件係HGUC嘅股關節，因為ZG線條比較好，比較過之後發現即使更換成HGUC嘅組件，活動範圍亦差唔多，考慮到胸部都要用ZG嘅parts，所以腰部都直接用ZG組件，但股關節就改用HGUC，因為HGUC股關節比較闊，雙腿活動範圍比較大。
另外圖片睇唔到嘅係要將ZG腰部組件前面同側面裝甲位切開，分返開前、側、後嘅裝甲，否則改咗股關節都冇用，會俾「條裙」包住對鄆，一樣唔郁得...
  
右腳係HGUC，左腳係ZG，HGUC都係長咗啲啲，而且小腿亦比較粗，好在腳掌連接設計兩件產品真係似到不得了，連改都唔駛改，可以直接用返，又慳唔少工夫~

大腿方面，ZG股間關節嘅活動範圍好細，因為佢個接口開得比較近頂端，大動作唔受力，會成隻腳甩出嚟，而HGUC就開得比較深入一啲，所以活動範圍較大，兩件產品嘅大腿尺寸幾乎一樣，但關節設計就完全唔同。
  
左邊係HGUC，右邊係ZG，面對原裝腳嘅比較，HGUC關節位開得比較大，所以活動範圍都大啲，而且用雙重關節設計，而ZG只有一重關節位。

完成後嘅預想圖，雖然比HGUC原裝還是少了一點，但關節位效果不錯~

腳掌部份，可以直接使用ZG組件，圖左邊嘅關節位係HGUC嘅，設計上非常相似，而且Ball Joint大細啱啱好，直接用落去ZG腳掌度都得，只係，對腳就多咗一重關節，只要連接位夠堅固，相信可以承受成隻MS(HGUC)嘅重量...呵呵呵~

另外打算幫哥邦廸配多個MS-14C砲擊型背包，可以同原本嘅背包互換，當然，又係搵著自己嚟搞之作...因為兩件產品設計完全唔同，要加返個連接位，仲要夠堅固一啲都唔易，因為未開工到果個位，所以仲未有相~有相再post啦~


可憐隻哥邦廸a，依家只係得返個胸像...嗚嗚嗚~希望可以快啲完成見人啦~

如果今次成功~好大機會會砌埋菲利斯隻親衛隊機~睇落真係幾型...哈哈~

睇住咁多先啦~未開工嘅大大好快手啦~

Rickylego

回復 16# siegheil
大大~好波呀~!!!我都想開工,但係。。Exam將至~:unhappy:我部MS-06就你KEEP住先喇:help:

Rickylego

活動日期確定會係12月尾(18,19)舉行:),請各位有玩的大大加油:*,而有興趣玩的宜家都仲可以報名的:77:

PRIMUS

:? ????

Rickylego

????
PRIMUS 發表於 5-10-2010 01:59 PM

   係唔係有興趣??