|
|
|
本帖最後由 insomniac 於 4-5-2010 03:49 PM 編輯
3月份靜靜的過去了, 但係到到4月份, 笨大開始發力喇.
續ROBOT魂既 F91 後, 笨大既另一搖錢樹 S.H. Figuarts 同時亦推出了佳作. 就係來自 Masked Rider Agito 既 幪面超人Gills.
我未睇過 AGITO (而家睇緊 Kuuga), 但係Gills 單憑外型已經十分吸引. 係平成拉打少有睇一眼就已經覺得造型無得彈個隻 (Ultimate Kuuga, Kabuto, Dark Kiva, Sasword 對我黎講都係屬於一眼就覺得正). 雖然係平成拉打既一份子, 但係擁有昭和拉打既特質, 應該得到兩邊fans 既歡心.
由於未睇過套劇既關係, 無咩可以介紹, 講下玩具本身吧. 實在係SHF系列之中, 上上既佳品! 造型同比例上可以話係完美. 擺脫了早期款色個種瘦, 亦唔會好似新公報隻 Faiz 肥腫加頭細, 做到最好既balance.
不過唔知點解同 Another Agito 一樣, 遍遍出得最正既款色用上了膠腳同ball joint 關節. 有D平時輕易擺到既合腳姿勢會變得有D難企得穩.
背件十足, 總共有四對手, 兩個頭, 手腳起角既背件, 以及每邊分開三節既鞭. 可玩性非常高, 實玩到你停唔到手. 但係如過條鞭可以好似神話隻天蠍條尾咁可以全可動就更加正喇, 鍾意點擺都得.
隻figure 每一方面都彫得好好, 心後更上了輕輕既黑色陰影. 膊頭令令地, 同心口隻啞色對比又掙加了生化感. 關節亦收得好好睇睇. 腰帶粒石亦用上了透明件, 抵讚! 因為同樣定價既Another Agito 係無既.
額頭粒石用上了透明件又係驚喜, 面相好有氣勢. 對眼超清透, 今年出過既SHF Ixa 同W 對眼都係咁靚, 真係唔知笨大用咩才料做. 如過 S.I.C. 都係咁就好.
由則面睇, Gill屎原來好大波.
手腳D尖位可以換件加長, 但係咁細粒又D難抽出黎.
都係加長左型D.
個頭同對角可以交換黎用. 細個對角令我諗起初生KUUGA. 猛左對角個樣好 cutie, 好似初待戰隊咁...
個開口樣原本應該係比人一個惡既咁覺吧? 但係效過好囧...都係流返黎攪 gag 吧. 4幅排埋一齊攪到好似影 passport 相咁.
膊頭可動估唔到咁正.
要蹲都無問題.
上身可動 very good, 膊頭諗住舊甲會頂住, 但係今次個關節真係設計得好好, 完全無問題. 鬆緊度都岩岩好. 知於下本身, 同官方 show 出黎既一樣, 個起腳 pose 係做到既! 屈上前最好將隻腳大腿/HIP 位個關節拉下先, 跳要向前少少, 另外對腳向後, 就做到 180度 既感覺.
條鞭係用軟膠做既, 應該唔講都估到吧...
唔洗開口都已經氣勢十足.
我自己最鍾意呢張.
雖然以3,000 yen 身價既 Gills 比最早期既SHF 貴了一些. 但係今次真係 SHF佳品中既佳品, 絕對係做得最好既 Top 5 . 可見笨大SHF 系列越戰越勇. 如過 keep得起呢個質數, 我覺得呢個價係值得既!
玩完呢隻更加期待7月推出既 Exceed Gills. 那隻比起Gills 還要貴多300 yen, 希望到時會有更多驚喜.
未入既你, 唔好諗咁多喇. 換定衫出門口啦. :he:
今次送兩張大大 wallpaper 比大家, 岩既就隨便邏去啦! 做野都可以對住嘛.
 |
|
發表於 4-5-2010 15:44:55
發表於 4-5-2010 15:54:16
樓主
