Teddy，開始倒數！仲有5個月就有S.I.C.新電玩la！

mai003

玩物分享不斷更新----http://hk.myblog.yahoo.com/mai_yiu/
詳細版可以到小弟個blog度睇！


又忙完一輪，終於抽到時間出post，今次輪到S.H.Figuarts ge新電王出場！話說呢隻新電王入左都有大半年時間，果陣時ge價錢已經好唔理智，之不過一拎上手又真係覺得佢值咁ge價。加上近日有消息話9月出新電S.I.C.搞到我鬼咁興奮，今日拿拿聲走去訂，好彩趕得切，轉個頭個fd就話冇得訂，嘩，S.I.C. d野真係越黎越恐怖，前後唔夠兩日就截訂，犀利！為左慶祝9月終於有得玩新電S.I.C.，宜家就搵隻shf新電黎賀一賀佢先！

新電王係良太郎果孫仔幸太郎同姨媽精Teddy所變成，自從劇場版出場後就一直人氣高企，雖然角色發揮唔多，但外型設計就真係一絕，有型程度爆燈，加上性格設定為年少氣盛ge串小子，真係非常之吸引 ge rider！

呢隻新電王亦都不負眾望，好成功地將rider角色轉移到玩具產品之上，可以話係Shf數一數二高質素的rider玩具。無論係心口複雜ge電車軌設計，定係大size複眼造型，抑或腰帶細緻度都處理得非常之好，配合高可動靈活關節同極高質素的上色功夫，新電王絕對係同系列極品中ge極品！


無論正面背面，應有ge details位都做到95% ge程度，付出左限定ge價錢，除左買到心愛ge角色之外，玩具本身ge質素亦都好令人滿意！全身比例準確，冇乜要挑剔ge地方。全身大部份的珍珠配色非常搶眼，配上金線條，又華麗又特別！

串pose之一，叉腰！幸太郎出場時係威係勢，叉腰歪頭的招牌pose令人印象極之深刻。到左玩具化時，呢個極為人性化ge動作只能勉強做到，一黎雙手叉腰唔夠自然，再加上雙腳翹腳也未能100%做到。所以，做到以上動作小弟都已經心足了！

心口的火車軌亦都好細緻，可以畫得出的都已出現了，更加細微ge部份就留俾高手們自行改造了！腰帶亦都係應有盡有了，小弟要求不高，清晰比例好就okay啦，更莫講話個四個小button的上色，真係bouns黎架啦！

極大size複眼，比起一貫shfge複眼技術更加優勝，非常通透之餘，反射程度亦令複眼實物有更出色的表現！面相同上色都冇大問題，後腦的上色也絕不馬虎！
任扭唔嬲，不過貴價品點都會扭得小心一d，腰旁的小武器略歉過大，有少許阻礙活動範圍。同裝著的是一樣的吧！

比例好，動作自然可以做得靚，加埋shf一貫高水準ge可動性，屈膝飛踢耍太極都絕對難唔到佢！唯一偷懶在係手指上色，冇記錯應該是金色的吧？

歪頭幸太郎，小弟第一眼見到他已非常鐘意，不可一世黎打救爺爺，但係多數都唔係咁夠打（汗）。背部有配件供呈現劇中掛teddy刀的裝備。

Teddy大刀係小弟極鐘意ge電王系什至Rider系的武器之一，比電王那五種小武器要好千倍，比kiva魔皇的劍好萬倍！掛左背後的方式亦很武士feel！好正！

雙手活動範圍極大，可以做出雙手握劍且能夠傾向一方的活動性，又再輕易做出新電的招牌攻擊pose了！Teddy！開始倒數！

雙腿的關節採用了二段模式，可輕易就屈膝飛腿前衝！腳板的關節亦都非常實用，加強了貼地性！Teddy刀有teddy的臉孔，搞笑有餘，一路打一路傾也不錯。
持劍的手首也沒有太大太鬆的問題，夠用就是了！Teddy的刀鋒咁厚，斬到人嗎？還是扑傻就算了。

玩物分享不斷更新----http://hk.myblog.yahoo.com/mai_yiu/
詳細版可以到小弟個blog度睇！

F-14

:71:Support!  Good photos.

aesopq

正野~:71:
我都訂左9月果隻new電王:52:
不過shf依隻我就無緣了:56:

insomniac

唔錯既report :)

呢隻我都放棄了, 唯有將希望轉投去S.I.C 啦, 雖然好玩極有限

roystoy

thx for sharing, Great pic & report! 激讚!:71:

kuris_021

SHF都上左天，SIC大家都唔敢怠慢訂左先算:(

山吹老師

正相正物:71::71::71:

roundbun

By the way, how come there's no Teddy in SHF or SIC series....

自由之翼

甘早倒數?!haha~~~~
呢隻係咪皆旺出品?

deepz

頑X 5月3日再開訂........
我仲未訂....:cool:

mai003

F-14,insomniac,roystoy,山吹老師
多謝欣賞！

mai003

其他朋友：
未訂快訂，訂左等玩，正！:71:

aesopq

其他朋友：
未訂快訂，訂左等玩，正！
mai003 發表於 24-4-2010 11:36 PM

    頑X ：SIC限定 新電王 因反應超出預期 及 本店規模實在太少 , 暫時不會再受訂 , 不好意思 P.S. 訂貨前請三思 , 本店沒曾標明訂價一定是最抵 , 本店標榜的是訂貨後不加價及一定給貨到各顧客手上 , 謝謝

暫時無地方有了:cool:

Borbor

:71: