MG 新安洲 Titanium Finish,初版 Unicorn

Garycharm

新安洲 90分，今年最愛穩佔一位；獨角獸嘛..........


MG模型其實冇乜好講，不過呢兩隻傢伙極得我歡心，就先來點背景吧。


新安洲在故事中是要團結自護餘黨的偶像機，以MS來說，極盡誇張豪華之能事；在現實世界，是動漫迷自京寶梵後，闊別二十年的自護系新作。新安洲外型就似一隻結合了雄鷹特徵、修身了的沙煞比。當然，他那仿德軍/舊自護軍官服飾浮雕，更非常耀眼。

另一邊廂，我們的新高達主角獨角獸運用全腦波傳導框體（唔好問我係咩o黎），設定是新安洲的姊妹機，擺明了把 Nu Gundam/沙煞比翻了個版。在現今一眾「乜高達物高達」的人海中，是能少有地配以「RX-0」尊稱的傢伙，可見官方對他的期望。外型嘛，就似平成拉打中的古迦，獨角獸下定「承先啟後」的雄心，要經典又要創新，討好又具話題性。
就寫到這裡好了，高達系列資料向來又長又多，大家有興趣的話自己睇電擊。

睇邊期？信我，未來一年期期都會講。

看吧，看吧，兩隻 MG 一次過，新安洲與獨角獸！！！

我這隻新安洲是Titanium Finish版，色澤靚得沒話說.....其實如果你無視水口，自己勉強也可以噴，後記再述。又，玩特別色版大家無非都是想素組唔駛煩，最介意的當然是水口，我們稍後也一起看看。




MG版新安洲真係有型到暈，本來機設已經好靚，加上現今MG水平，就咁企o係度，已經唔會輸俾我屋企任何一套合金。






大家對新安洲機身浮雕都又愛又恨。要砌MG新安洲，一定要面對這些浮雕。模型是附有金面貼紙、水貼兩種貼紙給玩迷選擇。老老實實，那種「金貼紙」我就一定唔用，因為要將佢黐好我就覺得仲難過用筆油。水貼嘛，隻色硬係差 D..............我最後選擇自己用筆油。先用噴罐把部件噴消光黑，然後逐件油，油錯了，用 Gundam marker 補補。油呀油的，比想像中易，原來還很好玩。不過我唔多識搞 D金色，硬係唔夠金~~~




水口方面，由於膠件本來底色已是深紅色，加上MG的分件法，水口大都不算礙眼。數致命處有兩個，一個是獨角頭部，另一個是上手臂。
手臂都算喇，你明知隻角個水口位咁經典，點解出T F，你唔諗下送多一隻新角呢？
我因為懶，所有水口都未經處理，大家睇下自己接唔接受到喇。









和電鍍沙煞比相比，Titanium Finish新安洲色澤更漂亮呢~~~


看Unicorn。這陣子為考慮那套 GFFMC#1006 獨角獸我掙扎了好久。看品質是不錯的，但太貴了。惟有找隻陳年 MG來止咳。


這隻初版 MG Unicorn 是當年我「一出即入、即入即砌」的作品，是我人生第二隻MG模型。砌得差（也是我不敢把這篇登在模型版的原因），而模型本身又不能算沒缺點（變型煩、件易鬆、關節範圍細）。令我極掙扎買合金版~~~~~~~~





舊物粗玩，水貼都浮起了~~~~論外型，獨角獸會輸俾新安洲，不過武器方面，獨角獸就較為豐富。尤其鐳射槍，好細緻好靚。




和Nu 合照..........Nu Gundam幾時肯出Ver 2.0啊？！！！！！



特地自家裡的玩具盒山腳把獨角獸找出來，自然想要他和新安洲開開波，想拍些打鬥。不過模型始終不如合金、更不能和山口比邊玩邊甩甩離離的，好難拍，加上.....





又有不速之客..............


還給我企定定拍照？
勃勃，你同我死開！！！！！！！



後記：

原本買隻 Titanium Finish回來，是打算奉旨素組，玩過痛快。不過開盒後，還是覺得要好好把浮雕製作，完成，又抵唔住頸，乖乖的把骨架打磨上色。當砌外殼時，倒真的又爽又興奮。然後是刮貼地獄.......

所謂 Titanium Finish 不同於電鍍，其實是在膠件上一氣焗噴了一層漆油。既然是噴漆，大家大可以自己噴---------懶人把模型買回來，在剪件製作前把紅色件一氣噴上銀色，待乾透，再噴上透明紅便是。

我這隻？三日工程，合共玩了十小時左右。


值！

補充一句，新安洲實物色澤比相片更靚！


某天和玩具網友晚飯閒聊，
閒談間，除了我之外，那四人中倒有三個已買了新安洲，
不過只有一個完成.....



你買新安洲了嗎，開工吧，
放太耐，模型會哭的~~~~~~~~~~

zombie

very nice!
push :71:

小恩

勃勃  几好听喔
放太耐，模型會哭的~~~~~~~~~~说得好知心！

fourson

是動漫迷自京寶梵後，闊別二十年的自護系新作
Garycharm 發表於 13-4-2010 01:04 PM

你當0083果D機死架....

fourson

整得好靚
Thanks

chlycab

我也以近5算買入，check件時已覺得隻電鍍色非唔錯:71:

回樓上，我覺得0083只有AGX-04 Gerbera Tetra比較好

Garycharm

回復 4# fourson

我睇電擊講o家o乍，
可能佢o地當「自護之殘光」係「你已經係一個死人」啦...........

AK30

thx for sharing!

juwan

:71:..我都買左佢...
樓主個post令我好想完成左佢...

fourson

我始終接受唔到佢d水口

fourson

回復  fourson

我睇電擊講o家o乍，
可能佢o地當「自護之殘光」係「你已經係一個死人」啦...........
Garycharm 發表於 13-4-2010 01:34 PM

重有08小隊既Gouf B3 同佢:

ZIN

:71::71::71:多謝分享

dragonman

放太耐，模型會哭的 :$

fourson

放太耐，模型會哭的
dragonman 發表於 13-4-2010 02:58 PM

係放太耐, 會提唔起勁搞的