MIA 2nd ver MS-06C/CA 馬沙專用渣古II C型 - 魯姆戰役版 -

siegheil

MIA MS-06C/CA 馬沙專用渣古II-C型 - 魯姆戰役版 -


馬沙少尉就係靠佢喺魯姆單人擊沉聯邦軍5艘戰艦，不過就機體性能而言，基本上呢部專用機，同其他量產機係冇分別，只係顏色唔同咗，至於3倍速嘅傳說...我當然唔會話係劇情需要咁掃興啦~其實有補充資料解釋過，係因為馬沙駕駛技術高超，充份利用咗AMBAC系統，加上聯邦軍士兵因恐懼而產生錯覺得嚟...
今次有準備，一早影定啲未完成品嘅相，可以等埋完成品一齊放，今次呢隻，係MIA 2nd ver MS-06C 馬沙專用渣古II - 魯姆戰役版 - 製作概念係來自一隻等咗好耐都未等到嘅限定版，今次嘅作品，其實無意中整咗出嚟，事緣早一排，為咗整隻MS-06F Mine Layer，於是買咗隻2nd ver嘅MS-06S/CA，淨係囉咗佢附送果個Mine Layer背包(反正馬沙用唔著)，成隻MS，就封返盒，擺擺吓，又囉咗佢個頭俾早前整起果隻MS-06R-1A 黑色三連星蓋亞專用機...於是，呢隻冇頭嘅MS-06S/CA就更加冇人理...最後，某年某月某日某人食飽飯未有「唔唔」痾得出，就將隻MS-06S/CA個身、MS-06R-1A換咗落嚟個頭、整賈圖專用MS-06R-1A用淨嘅一對EMIA MS-06F嘅腳同埋整咗Mine Layer果部EMIA MS-06F嘅原裝背包，砌砌埋埋變成一部MS-06C/CA 馬沙專用渣古II C型 - 魯姆戰役版 - 呢段路，真係好漫長...

未上色，初步成型嘅MS-06C/CA，頭部同背包轉換完全冇問題，對腳就因為關節唔啱位，要做小改造。上色方面，只係打算用罐裝高達油噴上去就算，對腳打算滲返線，文章出街果時(上面果後)，個頭已經噴咗色，效果唔錯，同其他部份隻色都夾。

MIA 2nd ver MS-06S/CA(圖片為美版，顏色比較偏紫紅，我買果隻係日版，顏色較偏粉紅)

MIA 2nd ver MS-06S/CA附屬武器，右邊就係Mine Layer個背包，當然，馬沙部機點都唔會用得著，於是就俾咗第隻MS-06F去做Mine Layer，下面支90mm機鎗俾咗隻大魔用，圖片為美版，我買果盒日版仲有一支MS-06F2用機鎗附送。
製作嘅時候，最大難題就係設定方面嘅妥協處理，要妥協嘅部份主要有兩樣：
1. 頭部嘅角
關於隻角，手上有3份資料可供証明MS-06C/CA係冇角；1份資料証明有角，全部都算係官式資料。我第一次接觸到MS-06C/CA的設定來自PS2遊戲基力之野望，遊戲OP動畫當中有一「格」(無錯！真係一格！唔係一架！)馬沙喺機庫準備出擊嘅畫面，背後就係一部紅色嘅渣古頭部，相信就係指呢架MS-06C/CA，點解？因為佢冇角！MS-06S/CA馬沙專用渣古(TV版一開始出場就係呢部)，係一定有角嘅！所以如果有一部冇角，就只能夠係MS-06C/CA，此外，亦有傳話MSV設定當中，MS-06C/CA都係冇角，不過我冇見過，所以唔係100%肯定，另外，1/400 Gundam Collection 系列中嘅MS-06C/CA都係冇角嘅。但動畫MS IGLOO•一年戰爭秘錄中，馬沙於魯姆戰役中使用嘅MS-06C/CA，就係有角嘅。

1/400 Gundam Collection MS-06C/CA
最後「冇角」以3 : 1大勝「有角」！
2. 腳部引擎噴咀

(左)MIA 2nd ver. MS-06F腳部有兩組噴咀
(中)EMIA MS-06F腳部只有中間一組噴咀
(右)MIA 2nd ver. MS-06S腳部有兩組噴咀(EMIA也是兩組)
我之前儲開嘅MIA 2nd ver MS-06F系列，產品對腳係有左右兩組引擎噴咀，而EMIA嘅MS-06F，就只有中間一組...反而EMIA MS-06S/CA就係左右兩組...設定上，MS-06F同MS-06C外型上係一樣嘅(起碼以MIA嘅細節精密度，肯定唔會睇得出有分別)而EMIA採用咗F型同S型唔相同嘅設定，所以，理論上，MS-06C係應該跟MS-06F一樣，只有中間一組噴咀，但MIA 2nd ver對腳，就有兩組...真係好難揀...最後，妥協方案就係採用EMIA嘅設定，MS-06C只有中間一組噴咀，於是，就將一對之前用淨咗嘅EMIA MS-06F嘅腳，砌落去部MIA 2nd ver MS-06S/CA度，加埋冇角嘅頭同F型背包，就「變」成咗呢隻MS-06C/CA...
由於時間關係，喺你地睇上面果段文章嘅時候(因為上面果段係上晝出街嘅，而figure就係下晝先完成嘅)，我已經將佢完成咗啦~
登登登登！

完成後嘅MIA 2nd ver MS-06C/CA

MIA 2nd ver MS-06C/CA 頭部、背包、腳部特寫

EMIA MS-06S/CA 頭部、背包、腳部特寫

EMIA MS-06F 頭部、背包、腳部特寫

MIA-2 MS-06C/CA VS EMIA MS-06S/CA

EMIA MS-06F VS MIA-2 MS-06C/CA
呢隻Figure其實唔算難整，只不過係噴吓色就交得功課，主要趣味都係來自構思要點想整佢出嚟，效果嘛....我個人覺得真係唔錯，低成本(不論金錢同時間、工程都係)，一日之內就已經完成，噴色方面直接用罐裝高達油就OK，噴完之後顏色同成色膠好接近，如果係美版就出事啦~隻色會完全唔同，不過因為噴油係半光澤，而成色膠就明顯好有光澤，所以望落去質感分別都幾大，對腳同個頭原本有打算試吓滲線，不過今日噴油已經犧牲咗一對EMIA MS-06F嘅腳(我前後一共噴咗兩對腳，第二對先至收得貨，第一對出哂事...去咗垃圾筒，其實等於犧牲咗多咗一隻EMIA！)，所以真係冇信心再搏啦~放棄咗，水貼都係，原本已經買咗一堆水貼返嚟，不過真係冇勇氣去試，遲啲先啦~
後記一：

呢盒就係MIA 2nd ver. MS-06C/CA馬沙專用渣古II C型嘅真品啦~我等咗好耐，老細一味話下批貨，下批之後又下批，下批之後又下批...三年都嚟緊頭啦老細！不過，我已經考慮過，就算返到貨，我一定會買，但唔會開盒，同其他特別版，限定版都係，反正羅浮宮擺出嚟俾你睇果幅蒙羅麗莎都係COPY，真品俾人收埋咗，咁嘅大智慧，我一於照跟！真品收埋佢，擺COPY出嚟...哈哈~下一隻，就輪到MS-09R馬沙專用大魔！
後記二：
大家係咪覺得封面張相好型呢？(你咪諗住話唔係呀！朕堂堂一國之君，講得出口就係聖旨，你say no，即係違抗聖旨，輕則發配邊疆，重則抄家...)不過你睇埋下面果張，我諗你會笑出嚟，我諗起一個好抵死嘅情況...就係當你喺夜店釣到個靚女，然後佢返到屋企變身(落妝)之後...大概...就係呢種貨不對辦嘅感覺...唔信？自己搵鑽石夜總會片段睇吓啦！

恆例都會有條link俾大家睇返啲相架啦~今次都唔會例外啦~而且有啲相本身冇用到，要去相簿睇先有~
http://hk.myblog.yahoo.com/siegheil.leoyeung/gallery?fid=164

siegheil

各位大大，不如高抬貴手教教我點樣整水貼丫？咁我咪可以快啲整埋佢，又post出嚟囉~
http://www.toysdaily.com/discuz/thread-125297-1-1.html

Thanks！

ZEONIC

多謝分享 !

siegheil

執手尾編...

(左)MS-06R-1A大脾~(中)MS-06S/CA 原裝小腿~(右) 完成後MS-06C/CA對腳~
前兩日開開心心整完隻MS-06C/CA，以為好掂...話哂都係第一隻整得出嚟似似樣樣嘅「成品」(之前果啲都只係殘骸)，點知睇真啲，都係漏咗野...對腳！原來MS-06R-1A嘅膝蓋轉軸位，係黐住喺大脾度，而MS-06S/CA呢？就係黐住喺小腿度...我頂...於是，我之前整好果隻腳，就變成冇咗個轉軸位，今日放工返到屋企，第一件事就梗係瞓覺啦！因為好眼瞓丫嘛~瞓醒之後就係執返啲手尾...將之前用餘嘅MS-06R-1A對大脾囉返出嚟，噴噴噴...呢部份算係比較簡單，一Take過，冇翻噴~good~裝好之後，諗諗吓，不如都係噴埋個背包；呢吓就出事啦~第一次噴果時，個效果好好！因為紅油下面仲透出好薄嘅一層灰色，而且啲滲線位仲好清晰，效果真係一流...但因為手多，想用Thinner抺走上面出氣口果啲紅油，等佢自然出現返灰色，點知因為隻手指沾到有Thinner，於是成個背包都係指紋...唉~好彩我有背包多...拿拿臨再噴多一個...不過今次手勢就冇咁好啦~算啦~都過得好，今次精啦~唔用手囉起個背包，用個夾！成功用Thinner+綿花棒抺走要抺走紅油嘅地方，效果？就係相裡面咁囉...

完成後嘅背包，唔係燈光效果，而係真係淺色咗...是但啦~算數啦~我唔理佢啦...
其實整體個效果，冇之前咁滿意，因為大脾噴果時，手勢唔好，左右邊唔同色，一邊比較深而且有光澤，擺明就係噴多咗，同埋噴果時心急，擺得太近，而另一邊，就比較粉色，明顯啞色好多...勝在我個櫃多MS，遮遮吓就唔多覺，但效果已經唔及之前果個，算啦~由佢啦~反正尋晚老細打咗電話嚟，話隻原裝嘅MIA 2nd ver MS-06C/CS 限定版已經返咗貨，叫得落去囉~真係激到朕駕崩...佢早兩日講，我就噴咗隻大魔先啦~頂！

今次真係完成啦~我諗冇錯冇漏啦掛？

siegheil

唔知yahoo blog成日都死圖，修咗幾次都係咁，如果有死圖，就直接click落底底條link度睇啦~

ROGERHUIHK

多相
文字豐富
非常有心的文章
GOOD