|
|
|
近年推出既初音Miku figure真係越黎越多...
電子歌姬既人氣, 真係咁厲害, 出極都有, 出極都賣得去?!
雖算係Miku既fans, figma / nendoroid / Game / CD都有買, 但家中竟然一隻硬直PVC都無, 連自己都覺得不可思議...
初音Miku既PVC係先由Good Smile Company推出, 完成度亦十分高而且不斷再版不斷售清;
Volks既Miku率先採用金屬色上色, 帶出另一種感覺;
但最近Sega景品造型, 上色直迫貴價PVC質素, 但價錢只係1/4;
往後推出既Miku PVC figure既生存空間究竟會係點?!
起初我對Max Factory版Miku係無乜感覺,
開始睇相覺得...又係盒面姿勢? 又係側側地頭, 側側地身既招牌pose, 仲要係之前cast版改PVC?!
腦裡好自然skip左...直到有一日睇日本毒網既product sample...
.....完全被秒殺了......:o
大家睇睇相, 可能會同我一樣中招呢:shy:
同其他公司既Miku唔同, Max Factory版大膽地用上大量透明物料去塑造Miku,
情況有點似以前推出既Max Factory版夏娜一樣, 頭髮都係透明,
但上色卻刻意地弄至只有髮尾有一點點透, 感覺好自然而非現實, 亦好襯身為virtual idol既Miku!
應可以講, 透明物料加上令面既金屬色為呢一隻Miku PVC既最大賣點!
packing如下....
全身正面: 係陽光充佩既早上, 可見半透明既頭髮發色良好:shy:
背面: 衣服紋理有較誇張既表現, 亦可見上色既光澤..
除左頭髮之外, 頭飾用上透明物料塑造既miku都係第一次見! 靚!!! :handshake:
headphone亦好精細!
手袖上既yamaha panel: pattern印係透明膠上係幾好既idea, 如果可以做到有點點發光既感覺可能會更好呢....
連裙邊都用上透明膠:$
衣服紋理表現雖然誇張, 但亦好detail...略為纖瘦既Miku身型線條亦做得很美...
地台係黑色膠上燙銀, 唔錯的! 可惜唔用地台係唔可以自立:oh:又要佔據唔少display位...
從唔同各度去攝影, 微笑既面相亦好討好:love:
總括而言, Max Factory出品既PVC, 暫時我都未中過地雷
造型, 上色, QC都算係top class!
如果諗住只收藏一隻Miku PVC既話, 呢隻都係一個好好既選擇...
不過Max Factory版Miku係1:7, 設置面積比其他版本略大...而且唔用台座真係企唔到...真係要諗一諗擺放既位置:60:
謝謝觀賞:64::64:
[ 本帖最後由 yui_style 於 27-12-2009 04:47 AM 編輯 ] |
|
發表於 26-12-2009 23:26:11
發表於 27-12-2009 14:19:44
