數碼單鏡反光相機和普通的數碼相機有何區別?

kingtoy

各位大大，本人是相機初哥，請問各位數碼單鏡反光相機和普通的數碼相機有何區別啊？多謝各位大大指教！ :64:

Noctilux

一部重D一部輕D, 重D果部貴D, 輕D果部又會平D... 越重越大碌就越受歡迎, 係全球一體化+輕量化既年代, 數碼相機係非常理可以推算既產品之一...

簡單D講, 部機越大部, 入面既"菲林"就越大塊, 再簡單D講, 菲林越大塊影出來就越立體, 光學/物理因素樽頸限制下, 大機永遠都好過細機的

K66

原帖由 Noctilux 於 11-10-2009 19:02 發表
一部重D一部輕D, 重D果部貴D, 輕D果部又會平D... 越重越大碌就越受歡迎, 係全球一體化+輕量化既年代, 數碼相機係非常理可以推算既產品之一...

簡單D講, 部機越大部, 入面既"菲林"就越大塊, 再簡單D講, 菲林越大塊 ...

菲林越大塊影出來就越立體
呢句簡單易明,受用受用,thx

kingtoy

原帖由 Noctilux 於 11-10-2009 07:02 PM 發表
一部重D一部輕D, 重D果部貴D, 輕D果部又會平D... 越重越大碌就越受歡迎, 係全球一體化+輕量化既年代, 數碼相機係非常理可以推算既產品之一...

簡單D講, 部機越大部, 入面既"菲林"就越大塊, 再簡單D講, 菲林越大塊 ...

但是請問Sony的TX1好像也是單反相機呢！這部是不是符合又輕又有單反的效果呢？

Noctilux

原帖由 kingtoy 於 12-10-2009 09:24 AM 發表

但是請問Sony的TX1好像也是單反相機呢！這部是不是符合又輕又有單反的效果呢？

你被SONY欺騙了, TX-1只係掛羊頭賣DC仔內涵而已:34:

kingtoy

哦，明白了！多謝各位大大~！

K66

原帖由 Noctilux 於 12-10-2009 15:31 發表



你被SONY欺騙了, TX-1只係掛羊頭賣DC仔內涵而已:34:

不是啦Noctilux,TX-1真係一部DC仔.


我估你心目中以為佢講緊HX-1:34:

[ 本帖最後由 K66 於 13-10-2009 12:27 AM 編輯 ]

Noctilux

我真係以為佢講緊HX-1 LOL

kkchung

原帖由 kingtoy 於 11-10-2009 06:55 PM 發表
各位大大，本人是相機初哥，請問各位數碼單鏡反光相機和普通的數碼相機有何區別啊？多謝各位大大指教！ :64:

兩者大家也是單鏡頭的數碼DC相機. 最主要分類是DC和DSLR主要分別在那(反光)字代表有一組光學單軸反射式取景。而(Single Lens Reflex)是從菲林時代流轉下來的產物.這光學單軸反射式取景設計主要是為了能做到經過鏡頭拍到什麼,光學取景器便能同樣看到一樣的境像. 而這類設計不好的地方有鏡頭和菲林中央雖要有一定空間放置反射用反光板或固定式鏡,這樣令在做短焦距鏡頭有很大的限制.(2)如用反光板方法有兩種問題是本身活動時的震動和活動時也會用上一定時間.或如好像OM E10那類用固定式鏡組會有一定減光和成像下降.

[ 本帖最後由 kkchung 於 13-10-2009 09:08 PM 編輯 ]

KATO

good question, 真是說來話長喎:Q , 唔想寫到水蛇春咁長:( , 簡單的說, 唔計兩者ccd or cmos 的size, 鏡頭 & 光圈 的分別, 你可以當 dslr 是 dc 的高階機種吧:shy:

K66

我學人影相都只係2,3年內既事,所以試下用初哥級文字去解釋下

其實以前單鏡反光機影相,原理係被撮物既影像,經由鏡頭射入相機,打開快門,令菲林曝光.
點人又點用雙眼去取景呢?原來單反內面係有一塊鏡片,將被撮物影像90度折射上去View finder度（即係你見人用隻眼對焦那個窗仔）
對好焦,睇岩位就按快門,鏡片反起,同時亦會打開快門,被撮物影像就會直接射落菲林度啦.

DC仔就飛起晒反光鏡片同View finder,鏡頭影像直接射落去CCD感光原件
OK就按一下快門,Save底佢.

而DSLR就係用返菲林單反既原理,只係菲林位換左做CCD
用家同樣需要用View finder取景
咁做可以用返以前推出既單反鏡頭,因為鏡口徑大左,而CCD既SIZE又大左,張相比DC仔更靚,更有立體感.

Noctilux

搞搞下好似變左[D-S-L-R] 4個字既解釋討論...:58:

SLR, 即係單鏡機, 5個字講曬===>所見即所得


係FILM年代係好先進既design, 因為當年用既係rangefinder/雙鏡/6x6等等既fomat,
唔明唔緊要, 考試唔會考, 你有冇用過d仲係入菲林既傻瓜機? 果d機你放隻眼入去, 望到既同影出來會有分別, 道理就係度啦~
今時今日仲有DSLR, 係因為相機公司泥足深陷,無論鏡群同AF-SYSTEM都已經行左幾廿年,你要見到DSLR沒落睇怕全球水位上升10米都未出現...
雖然LIVE VIEW越來越強, 但人始終都鐘意睇"第一手資訊",當然仲有"扮PRO"元素, 渣住部DSLR放係面前度影, 唔影得都"型"得...
你唔明點解咁"型"??? 其實我都唔明, 就好似你唔明你女友點解要幾叉野用LV一樣...
講番"第一手資訊", 係因為SLR原理係靠光學折射所投影出來既影像, 唔同DC仔既LCD要經過CCD再出一樣, 即係帶眼鏡睇現場VS睇電視直播...

睇現場梗係好D啦!

咁當然... 但其實SLR呢個系統仲有好多缺點, 首先佢因為要安裝一個棱鏡係機內投射, 機身一定有個"死人頭"突出來,
唔好睇少呢個頭, 好多女仔個袋就因為呢個頭而室唔入部機.... 有D人一機3鏡放入袋仲要分左體先放得入.... 拎出來又要合體, 仲冇手拎前後CAP...
仲有就係"反光版", 姐係機身入面有塊鏡, 又係用作投射用, 有佢係度, 你影一張相佢就要"彈"一次, 10萬張就彈10萬次,
佢有咩唔好? 咁高速既物理移動, 你估下會產生多少震動呢?~~~~
初學耆不外孚3個字>>>"鬆 郁 朦", 好多人手震當藝術, OUTFOCU當LOMO, 當中因為"震動"而出現既情況多達99%...

咁當然, 今時今日, 數碼黑房, 影左先講, 仲有5級防震, 唔用就笨!
其實有好多基本功, 問返而家D影相佬/仔, 佢地都未必識得曬... 因為佢地有既係16GB卡! 一張唔得影夠36張! 爆你幾筒菲林機關槍一定得....

越講越離題, 算數, 呢幾年身邊太多新屎坑有錢冇定使既人買部機用兩用收左皮, 一時有感講多左...:45:
最後贈有緣人幾隻字... 玩影相唔同玩相機, 買機唔會送技術, 買鏡唔會送構圖, 成功非必然.... 加油加油...

hevangel

單反機同DC機的最大分別就是size﹐有些功能因為物理條件的限制﹐細機永遠也不可做到單反機的質素。
CMOS size大﹐所以雜音小﹐解像高﹐有景深。
鏡頭size大﹐所以鏡片清﹐光圈大﹐有廣角也有長遠。
閃燈size大﹐有內置外置﹐出力高。

若果相片的源頭file的質素不清﹐不論用photoshop怎救也救不到﹐這就是二萬蚊同二千蚊的分別了。

kingtoy

多謝禁多位大大的解答！:64:

warxv

原帖由 Noctilux 於 14-10-2009 01:25 AM 發表 搞搞下好似變左[D-S-L-R] 4個字既解釋討論...:58: SLR, 即係單鏡機, 5個字講曬===>所見即所得係FILM年代係好先進既design, 因為當年用既係rangefinder/雙鏡/6x6等等既fomat, 唔明唔緊要, 考試唔會考, 你 ...

[其實有好多基本功, 問返而家D影相佬/仔, 佢地都未必識得曬... 因為佢地有既係16GB卡! 一張唔得影夠36張! 爆你幾筒菲林機關槍一定得....

越講越離題, 算數, 呢幾年身邊太多新屎坑有錢冇定使既人買部機用兩用收左皮, 一時有感講多左...
最後贈有緣人幾隻字... 玩影相唔同玩相機, 買機唔會送技術, 買鏡唔會送構圖, 成功非必然.... 加油加油...]


好欣賞又贊同的一段.
DC同DSLR係有好多分別,不過影一張相出來吸引與否根用什麼機是沒有關係的,因為這是看[人]本身的.