雖然荒木而家有新嘅娃娃推出，不過，始終愛前期作品多啲，佢嘅體態同比例真係好靚，好辛苦之下，終於喺日本搵度一個新嘅素體。到港之後，立刻託付一位大師幫 Lusis 上妝，好多謝哩位大師父肯抽空幫忙！！佢就係 Gary (D x3)~ 好多謝佢唔嫌棄我諸多要求，比鬼死咁多相佢，又話要哩個樣嘅眉、嗰個樣嘅咀、哩隻款嘅眼線．．．．．接娃嗰日，一眼望埋去，完全就係我想要嘅樣，個 body 仲噴得好靚，我真係好開心，亦估唔度佢真係做到我各樣嘅要求，唔誠心講句『多謝，唔該晒』都唔得！Gary 知我鐘意同公仔影相，所以上色上得好細緻，望住實物，感覺「淼妃」好似真人咁好似有好多嘢想同我講，佢真係好鬼靚女！可惜我攝影技術有限，不過都想同大家分享一吓我嘅喜悅（爛相一大堆）∼
發表於 25-9-2009 05:20:23
