|
本帖最後由 nkr 於 1-3-2021 02:37 PM 編輯
Hello 各位朋友新年好~ 祝大家身體健康，可以留喺屋企砌模型之餘仲可以出去行街睇戲食飯。 人在公司無乜心機辦公，偷跳出嚟補番 2020年作品分享文，HEHE。
今次分享既係舊模1/144 GUN BLASTOR，唔係RE 1/100。 近年惹上惡習，一係會買D市面較難買到既模型，即使唔係太鍾意都好； 二係會上網 收二手既素組模型。變相就係屋企既山積愈嚟愈厚，愈嚟愈無能為力… 而今次既GUN BLASTOR，正正就係呢個條件下既產物。 所以呢，鐘愛…無嘞，唯有對高達模型既大愛推使我將佢完成。
首先介紹吓收佢番嚟時既狀態 – 渣渣的水口、缺光劍同光盾、軟DEI DEI 損蝕晒既關節，無圖無盒。 細個有砌過V高達1/144系列既朋友，相信都會被騙去將兩塊板件合起再一次過剪件，剪到D件一岩一慚咁。 今次絕對係典型原物主細過時既玩具大個之後要送走，點知俾個垃圾佬執起當寶。
老老實實，細個時我無見過呢盒模型有喺舖頭賣過，即使大個而家連個盒都未見過。 不過好奇怪V高達1/144呢條線盒繪個風格出到尾係轉晒做黑色底，唔知點解。 番正題，既然渣水口，咪用筆刀修靚，水畢地填窿磨平，當練吓手。 另外仲買到套專用武器包，加強裝備先。 下圖係修正後既相。
到諗配色，RE 1/100 嗰隻配色係幾好既，手上既油又有差唔多既色，去馬。 上色前有個小插曲，就係套件呢膠係特別腍身，起手前驚係PC 關節軟膠咁唔食色。最後證明無事。 上完沙、深綠兩隻主色再做補色，攪埋武器上色，全程手油，YEAH~~
武器包裏面除咗武器之外，仲有特別既徽章貼紙。無特別研究，跟說明書貼完自己開心就好。 仲有喺兩個膊頭上面加咗噴口，覺得靚咗(汗)，哈。
我係鍾意舊化機體既，所以珐瑯油洗塗走唔甩。
登登，完成了，搵個支架出嚟，擺個POSE，影相~笑~~~~~
最後個人對作品感想﹕因乜解究宇宙戰機體會有沙漠配色……HEA HEA
| 
發表於 1-3-2021 14:36:02
樓主