【TOYZONE 黃金聖鬥士白羊座穆先生 動畫色•中獎篇】
本帖最後由 iorik 於 22-2-2015 10:32 AM 編輯由於上一次幸運地淘到盒冇中獎嘅oce原色白羊穆，心雄又想添多盒動畫色白羊穆，再加上賣家樂意開盒check件以防中獎，結果就帶咗盒動畫版返屋企。
有咗oce原色版嘅經驗，我已經純熟地處理好頭雕披風羊頭等問題，有關以上問題，在oce白羊穆帖中已略有說明，有興趣可以睇睇。
http://www.toysdaily.com/discuz/forum.php?mod=viewthread&tid=235155&extra=page%3D1&page=1
修正好問題之後，遂一上件，但當上到背面羊頭嘅時候，咦!!!!!!! 點解插唔實，唔單止係插唔實，簡直好似就咁放入去但一鬆手就甩出嚟。
冷靜啲，換個披風件再試，喂!!!!!! 都係唔得，情況同羊頭一模一樣，心想冇理由會鬆到咁，後來發現係素體內部缺件導致無法固定披風同羊頭插頭。
於是我犧牲咗樂創天秤，將佢肢解取走零件再裝入白羊穆身上，可惜始終唔係原廠出品，大細總有差異，結果修正完之後係插得實，但強度唔足以固定胸甲。
在無計可施嘅情況下，我唯有出絕招AA膠先攪得掂。
盒面設計簡陋，封面嘅白羊穆根本就係正版，留意對角嘅水口外露就知道，仲要成隻左右調轉印上盒面。
除咗原裝膠角之外，仲附送多兩對金屬羊角，上係膠角，中係動畫版金屬角，下係漫畫版帶紋角，可見中間對金屬角有色差。
先上原裝膠角，感覺唔錯，同正版好接近，仲要冇水口外露，係有色差問題，特別係拳頭，用返oce版，好心就配另一隻色啦。
然後就裝上我最鍾意嘅動畫版金屬羊角。
再換對帶紋金屬角，順便戴上頭盔。
同oce版本比較一下，邊款靚啲。
師徒合照，留意薜安係正版。
以上圖片可以睇到正版同TOYZONE版有咩分別，首先正版嘅上下臂甲，前胸甲，所有腰甲凸出嚟嘅花紋係好淺嘅香檳金，而TOYZONE版就只係銀色。
肩甲方面，正版嘅花紋同底部係有分色，反觀TOYZONE版就只係單一金色，仲要比臂甲較深，色差更明顯。胸甲方面，正版覆蓋面較大，而TOYZONE
版明顯較少，素體綠色部份外露很大。你可能會發現點解唔見有裝上披風嘅圖片，就因為出咗絕招用AA膠固定羊頭同素體背而插槽，導致不能拆除換上
披風，我揀羊頭因為披風件唔靚，廠方將邊緣位都上埋藍色，冇晒立體感。
最後順便影吓隻星矢，當然唔係正版啦。
多謝分享。{:1_226:} 其實都算唔錯...但價錢就爭一大截呀{:1_214:} 想問下師兄最後個星矢係邊間既貨? umg 發表於 22-2-2015 10:49 PM
想問下師兄最後個星矢係邊間既貨?
king模型，金屬分佈同正版一樣。 iorik 發表於 22-2-2015 11:23 PM
king模型，金屬分佈同正版一樣。
thx師兄! 因為小弟正想買個星矢,睇緊買邊間既貨{:1_215:} 同原廠已經分別不大了 翻版翻得幾靚都係翻版 :67: umg 發表於 23-2-2015 01:02 AM
thx師兄! 因為小弟正想買個星矢,睇緊買邊間既貨
我覺得king模版最好，不過要買埋暗黑天馬先有金屬件。
師兄，可否告知哪裡有上述天馬及暗黑天馬售買呢？ 三四郎 發表於 25-2-2015 01:53 PM
師兄，可否告知哪裡有上述天馬及暗黑天馬售買呢？
y拍有，不過貴咗少少。
唔該師兄，兩隻我都入手了。質素真的不錯。我想問有冇紫龍呢？ 三四郎 發表於 1-3-2015 07:06 PM
唔該師兄，兩隻我都入手了。質素真的不錯。我想問有冇紫龍呢？
未有，佢好似講過會出，聽聞下一隻係冰河。
頁:
[1]