城巴 Van Hool 再度歸隊 (12 圖)
原本已經有一架城巴 Van Hool 車身嘅 Volvo B10M 客車,因為車頭擋風玻璃出現白化現象, 被迫放棄比左人,
但係始終對呢架車依然有一份特別嘅鍾情, 最近終於再入番
雖然未曾坐過呢款車, 但係佢的確係非常特別嘅車款, 因為真車城巴只得十架,
而且車身設計, 以依家嘅眼光睇亦覺得佢地好高尚, 一D都唔 Out,
每逢喺街見到佢地行過都一定會望多幾眼, 仲希望有朝一日會出模型添,
直至 1998 年, 呢個夢想終於實現!
城巴當時買呢 10 部 B10M 客車, 的確教人眼前一亮,
亦可以見證當時城巴為左提供最優質嘅巴士服務, 係幾咁積極進取,
城巴購入首批 5 部 Van Hool Alizee 高車身嘅 Volvo B10M 客車,
主要推廣當時行走沙田第一城往上環嘅 88R 早餐巴士服務,
以抗衡九巴當時開辦嘅 182 非空調巴士線, 城巴 88R 當時車費為 $15,
每位乘客除左有早餐一份之外, 仲有報紙一份,
再加上 B10M 當時嘅全天候配備, 的確令人覺得, "比多少少錢坐一程舒服D嘅都抵!"
依家呢批 B10M 已經唔喺城巴車隊, 而且全數賣哂比其他巴士公司, 唔知佢地依家點呢...?
城巴嘅李日新在位之時, 佢旗下嘅車隊真係多姿多采, 服務標準亦係全港首創,
有D甚至令香港其他巴士公司亦爭相仿傚, 大概係因為佢本身都係巴士迷,
從而令佢對巴士工作有一份熱誠, 令城巴可以咁有聲有色啦,
不過城巴依家已經係新創建旗下, 同新巴同一天空下,
李日新依家又已經退左休, 個人覺得依家嘅城巴同以前已經係兩回事...
隨九巴新車 Enviro 400 一齊到埗
http://i6.photobucket.com/albums/y206/super-bus/My%20collection-4/IMG_8172.jpg
http://i6.photobucket.com/albums/y206/super-bus/My%20collection-4/IMG_8173.jpg
http://i6.photobucket.com/albums/y206/super-bus/My%20collection-4/IMG_8174.jpg
證書編號 05457, 全球限量 7500 架
http://i6.photobucket.com/albums/y206/super-bus/My%20collection-4/IMG_8175.jpg
隆重歡迎! 城巴 Van Hool 車身 Volvo B10M 再度歸隊!!
http://i6.photobucket.com/albums/y206/super-bus/My%20collection-4/IMG_8177.jpg
http://i6.photobucket.com/albums/y206/super-bus/My%20collection-4/IMG_8178.jpg
http://i6.photobucket.com/albums/y206/super-bus/My%20collection-4/IMG_8179.jpg
http://i6.photobucket.com/albums/y206/super-bus/My%20collection-4/IMG_8180.jpg
http://i6.photobucket.com/albums/y206/super-bus/My%20collection-4/IMG_8181.jpg
http://i6.photobucket.com/albums/y206/super-bus/My%20collection-4/IMG_8182.jpg
真車相, 姊妹車 1271 攝於 1994 年中環
http://i6.photobucket.com/albums/y206/super-bus/My%20collection-4/IMG_8183.jpg
http://i6.photobucket.com/albums/y206/super-bus/My%20collection-4/IMG_8184.jpg
九巴 E400 稍後送上~
Thanks for reading~
頁:
[1]