Pose+ 宇宙戰士 小報告

Hawk

Hawk

隻玩具造型真係幾懷舊，四四方方咁但比例係靚既，顏色方面因為主要都係深藍深灰，所以都順眼既，金屬方面集中係小腿同身體咁。

先講變形，pose+而家擺哂啲變形片上網，說明書係冇教既，所以焗住要一路睇片一路變，有好有唔好啦。 兩隻腳變形基本上冇乜問題，但個身變飛機就真係有難度，兩對手反上去拍極都唔似片咁，可以拍得直同齊，繼而就會影響之後既接合位都争少少，不過我放棄架喇，廢事整爛……

再講下變形合體後，可動其實都唔錯，特別係腳眼，可以拉出左右扭同轉，上下郁係齒輪式，關節都夠實，可以擺到好貼地。盤骨位都係齒輪式亦好實正， 腰亦可前傾同旋轉，但對手都争少少喇！ 膊頭既齒輪關節好實，建議拉出少少再扭就好啲，另外手臂灰色件亦都實，同埋係膠嚟，如果要轉隻手既方向最好都係揸住灰色件嚟借力，唔好就咁扭隻手，驚爛。

武器方面，啲劍造型就差喇，一面靚仔但另一面就全部都係夾口，好礙眼！ 個盾接位亦都唔夠實容易甩，其他就冇乜特別。

總括嚟講，隻玩具比我想像中好玩，造型係老土但比例真心靚，變形好多接嚟接去既位都幾過癮，不過武器就真係差啲，劍既夾口真係好肉酸。

嚟緊希望pose+可以出多啲好玩具啦，同埋改善下啲客服同出貨期啦，成日話出又冇嘢出又冇交代……

taifat

如果駕駛倉改透明件，紙盒改用質地比較硬瓦通紙，再加一個以前DX版合金先有嘅手抽位咁就完美

Hawk

其實駕駛倉係邊？ 我真係唔知因為冇睇過套嘢，不過盒我就影完相就掉咗，買得太多玩具冇可能儲盒呢…

fallout8

Hawk 發表於 4-11-2023 08:06 PM
其實駕駛倉係邊？ 我真係唔知因為冇睇過套嘢，不過盒我就影完相就掉咗，買得太多玩具冇可能儲盒呢… ...

駕駛倉我估係腳指位，依樣亦係我覺得P+一真係細節位做得唔好既地方，駕駛倉無透明窗，駕車無做履帶或至少係假履帶上加車look...

Hawk

笨大以前合金魂啲履帶已經爆哂，怕怕……

Pose+我覺得佢比較着重係變形細節方面，你見佢會專登做啲細件嚟遮啲穿崩位咁，變形後既可動佢都有研究，但其他武器同外觀細節就争啲

fallout8

Hawk 發表於 4-11-2023 09:25 PM
笨大以前合金魂啲履帶已經爆哂，怕怕……

Pose+我覺得佢比較着重係變形細節方面，你見佢會專登做啲細件嚟 ...

舊昭和合金味就係依d覆帶/透明窗駕駛倉元素，依方面合金魂做得足好多。

fallout8

不過依隻宇宙戰士真係造得幾靚，雙腳變型又好有創意，可惜我對佢完全無愛.....

wwwkcc

呢隻啲摺紙式變形幾過癮，試想像佢出大武士嘅話可將個大貨櫃摺吓摺吓就收咗喺個身度，仲可扭腰高可動.....嘩......

Hawk

我好鍾意大武士，都想佢出，合金魂果隻我好唔鍾佢對超厚既腳板，好核凸……