Goodsmile DANCOUGA

Hawk

Hawk

哩隻嘢未拎就心驚驚，好彩開盒後冇乜問題，玩完亦覺得都唔錯，覺得暫時最好係佢添！

超獸變形其實都冇乜好講，出過咁多次，變形都係大同小異，同埋今次比例有番咁上下大，多啲空間俾設計做好啲，靚過好過以前都係應該既。

今次機艙用咗紅色透明膠，可以隱約見到少少駕駛艙 ，另外隻鷹因為大隻咗，多咗位做關節，人面口亦可以拉下，同埋都有少少重量。 但出得最好都係隻象，最衰既戰車形態佢居然都變得幾好，冇乜多餘空位，但大家記得睇說明書或者睇片，大腿關節變形轉90度果度有啲複雜，要小心慢慢試以免整爛。

大合體比較奇怪既係2隻腳掌既合體方法，用拉出大象既腳底關節，再扣實2隻獅豹既凸出部件，睇落就好似有啲牙煙，好處係個關節係獨立俾腳掌用，可動性會大啲咁，但實際合體後成隻嘢好重下，做太大既活動驚會斷，膠嚟架咋～

飛行背包、鎗、斷空炮、劍真係零驚喜，同超合金魂一樣設計咁滯，冇誠意。 仲有哩排玩開啲玩具都有燈，佢乜都冇，雖然一早知但都係有啲失望。

又到總結，隻嘢夠大，冇乜魔改，比例唔錯，象同鷹變形靚仔，暫時合體後亦都四平八穩，收貨～

Vince

我仲等緊貨 ... 今次貪平, 有排等 ... 只好睇大家 report 止下癢

Hawk

千值訂，3040，不過佢話如有問題自己搵goodsmile……

遊俠

Hawk 發表於 4-6-2023 09:55 PM
哩隻嘢未拎就心驚驚，好彩開盒後冇乜問題，玩完亦覺得都唔錯，覺得暫時最好係佢添！

超獸變形其實都冇乜好 ...

始終一啪即合體嘅mechanism只有笨大做到同做得好, 其他廠大部分用插件扣住, 技術原因

fallout8

屋企已經有隻自己好滿意既GX-13，依隻超獸重未毒到令我去入手第二隻同款機械人，始終空間有限....師兄你影d相好靚，想八吓用咩相機影。

wwwkcc

睇相師兄今次真係抽到隻靚蛋

Hawk

fallout8 發表於 5-6-2023 07:22 AM
屋企已經有隻自己好滿意既GX-13，依隻超獸重未毒到令我去入手第二隻同款機械人，始終空間有限....師兄你影d ...

邊有靚相機，都係用手機啲內建模式影，我覺得不過不失啦，你試多啲手機既唔同模式，揀隻唔自己啱心水影咪得，不過重點係要夠光，而且相既嘢都係留下紀錄，始終玩時既感覺係影唔到出嚟

Hawk

wwwkcc 發表於 5-6-2023 08:54 AM
睇相師兄今次真係抽到隻靚蛋

我都覺得自己好彩，成隻嘢都冇乜問題咁，之前睇人留言都驚中獎

熱狗OO

從多個POST看合體後個頭都係覺得正方形得滯兼大了少少

Lawchee

日後如果頭細少少，手肘關節不再似條條 fing, 某些位改上色或電鍍色，那就可能會買，我有千值連黑翼版。