|
本帖最後由 隨感一亡魂 於 19-6-2016 08:32 PM 編輯
嘩, 你可以無中生有到扯埋HT黎講, 我幾時有搵HT黎講呢? 阿詭辯大師, 你講完自己唔笑果下好野喎? 咁點解你唔考慮下拉埋Chris Evans黎講? 「我唔想1:1唔化妝唔keep住操fit可以有上鏡咁掂? 唔操完全唔X掂?」
阿大哥, 唔該, 真係唔該, 睇下我寫左乜你先吠好無?
仲有, 我好心野, 你果套小學生思維唔好講出黎獻丑啦, 無一隻美隊掂得過依隻, 咁又點呢? HT同SHF出手前, 美玩Figure就係ML果種咁既野, 無其他架啦。然後HT出現, 改變左玩具業生態, 再然後標榜3D scan, 你覺得史上最掂既1/12出現, 你諗下ML果個時代有冇諗過會有而家「你覺得史上最掂」既出現? 咁點解我唔可以要求再好D? 因為傷害到你弱小既護主心靈?
你地依D人換一百個ID都係三幅屁, 我都答到好厭, 我一次過覆哂, 你諗到新point再黎同我扔。
[2016年6月5日 後補]
依篇引黎好大迴響, 個個見到我唔鍾意依隻美隊頭雕就peter上身, 煩到甩轆。我而家補充返依段回應俾所有新朋友, 你地見到我覺得隻頭雕唔靚仔就大發雷霆既話, 請睇埋依段。
首先, 我講左不下十次, 我真係講埋最後依次, 我從來, 從來阿!! 從來都無講過6"貨仔再做到HT咁我先肯收貨, 從來無!! ok?!
然後, 你鍾意, 你覺得乜乜物物, 唔關我事架, 你唔洗同我講你覺得點點點, 我無興趣知, 你鍾意講, 你可以開個post講, 我唔會阻你。
鑑賞一樣野不嬲都係主觀, 而家唔係做比賽評審, 唔洗咁公平公正。就算我退一百步, 我真係做一個比賽評審, 自有其評分準則, 但都唔會係你那套準則, 唔好覺得你自已係權威咁大好冇? 我唔洗睇你臉色去決定我既評價。
仲有, 唔係真人樣, 一樣係可以做得好生動好有靈氣, figma同一堆老變三廠做非真人一樣活靈活現, 我想要既係依D, 如果有邊間廠細比例, 唔似真人樣(可能原創或跟漫畫)但做得好好睇睇靚靚仔仔我一樣會買, 清楚啦嘛?
你可以覺得我犯賤, 我亦講過好多次, 我想要細比例, 係無太多選擇下我唯有買依隻。唔好同我講我又要買又要鬧, 你娶老婆都唔會100%滿意啦下話? 唔好講埋D低能野, 你講依句我一樣會話「我鍾意點寫就點寫, 你唔鍾意可以唔好睇, 唔好又要睇又要同我拗」。
仲有, 多人鍾意, 唔代表我就要滿意, 而家唔係投票, ok? 正如我眼見隻黑募婦都係俾人鬧到狗咁, 個個鬧佢似馬明, 一樣有幾個自以為權威覺得「好靚, 好好J, 完全無問題」咁話, 所以依D廢話都可以慳返。
你地鍾意挽回SHF既名聲, ok, 你出一百個post日日歌頌佢, 製造一個全世界都好接受佢既社會現象, 都係無問題既。我唔係peter哥, 我唔會痴線到好似你地咁追擊每一個反對聲音, 但你地日日就係度將你地自以為係權威既觀點套落我度, 要求我迎合你呢, 就唔好發夢。
我好歡迎大家留言既, 尤其資料性既野, 好似我一開始就搞錯左以為係同模只係上色偷工減料, 我查證後認錯兼改文。但你淨係黎同我拗睇法呢, 就算我拜托你了, 唔好再黎煩我, 我盡可能都唔會再回, 我唔想同一番說話loop一百次。
如果有D人話, 驚我唔合理既一家之說, 驚我會誤導到其他人既話: 第一, 眼見為實, 佢見到實物接唔接受佢自己會決定, 我篇文無落降頭, 扭曲唔到佢點諗既, 更加唔會睇完照買就七孔流血咁樣樣。第二, 你想捍衛SHF既名聲, 請你自己發文去歌頌佢, 用你自己既觀點或獨特既拍攝角度, 影到佢無比靚仔個個都覺得「嘩三舊水既價錢HT咁既味道」為止, 隨便你。咁樣先可以做到你想做既野, 而唔係日日係度洗我腦想我認同你, 你愈講我只會愈唔認同你。
最後, 我想講, 年青人, 唔好諗到自己咁大, 唔好以為自己係權威, 唔好以為有九十九個人覺得個橙係甜既, 淨返那一個就會屈服就會改口同意個橙係酸, 唔會架。
依個世界有好多野值得去爭論, 好多大是大非需要去爭論去論判去分清黑白, 但唔會一隻玩具, 仲要只係一個看法。除非, 如果, 你承認你可悲到連一隻玩具個「頭雕靚唔靚仔」都覺得係大是大非要拗到至死方休既, 我只能建議你自盡。
每一樣野都有好多種看法, 唔同人有唔同人生經歷, 亦有唔同既玩具經歷, 甚至唔同方向既期望, 是但一樣唔同個評價已經可以差之千里, 我覺得果隻野唔靚仔, 你留言講一百個理由去支持「你覺得隻野好靚仔」, 我都唔會同意你講既野, 正如我不斷咁話無論點睇都唔靚仔, 你地死都唔肯接受一樣。
|
發表於 19-6-2016 12:33:31
樓主
