首发玩评：WorldBox 华纳 真人快打 SUB ZERO

影霞

当年可以同街霸挥的格斗游戏就系真人快打非距莫属了，超酷音乐同配音，超级残忍真实既招式，仲有人物塑造个个都有型有款，只要睇到都会好深印象。
如今，期待已久既WorldBox 1/6 华纳 真人快打 SUB ZERO 绝对零度 蓝忍昨日终于发售。大部分玩家货还在途中或仲系商家个度，等到颈都长的我，有幸率先拿到一盒，拆来玩过以后，发觉亮点可圈可点。
首先，人物塑造系美式漫画同真人之间做左好好既平衡同埋定位，头雕好有电影feel.有型得嚟透露着邪气，整体造型霸气又唔会太夸张。亲测了身高岩好30CM，唔会好似HT一D角色咁，无嗱嗱加长双脚，搞到成个比例都唔符合人体结构。咁既然系12寸，就梗系走真实路线架啦，如果唔系，就变成左“XXX改”了。不过，尼次只蓝忍又好像特别注重可玩性，所以某D部件又不如HT精细，比如手脚护甲，绑绳只系涂装上去，唔系真正的缠绳，而系整片软塑，可能好处就系随意摆POSE，都唔使怕会整坏同埋甩件吧。整个素体可动性算中上，摆好多格斗POSE都No problem，把玩影相过程中跌倒过无数次，不过丝毫无松动同损坏既意思，睇来真系如间公司所宣传咁样，重点就系耐操（之前睇到耐操素体测试片视频，笑到我碌地）亦可能系对素体有十足信心吧，盒里面并未稳到一般12寸玩具都附送既支架同手型连接器，尼个算唔算系小小遗憾呢？毕竟大家都知道手腕地方好鬼脆弱架嘛。
不得不赞赞D附件，虽然少但样样精品，把冰剑晶莹剔透还渗紧血迹，真人快打9游戏中好多连招都会用到距。还有连脊椎既头骨细节上色都十分splendid，配合蓝忍摆出游戏入面既终结杀人技POSE，真系画龙点睛，爽到爆啦！另外附送左一个可以同头雕连接既，被斩断的颈部，将来可以用到新角色上，，，哇，，，变态到，，，
上图先睹为快，中意就帮顶啊各位兄弟！申请加精！

Macross長谷有洋

Thanks for sharing.
Good review and photos. :71:

darknight

Great shots~~~~~~~~~

iamfinethankuuu

龍哥好慘呀............................................