|
唔知大家有無睇過Buffy呢套美劇?香港係未播過0既,但其實呢套劇響美國好hit,甚面到依家仲有以Buffy the Vampire Slayer 0黎出雜誌,套劇都完0甘多年,依然仲有好多Fans,響美劇0黎講一定係經典,Buffy大約係講每一個世代一定會出現一個Vampire Slayer(吸血鬼殺手),而呢一代0既Slayer就係主角Buffy,而成為Slayer就有一種力量,力大無窮,不易受傷,所以吸血鬼一聽倒Slayer個名就驚,故事就係圍繞捉鬼及身邊朋友親人等關係去展開,我覺得以當時0黎講非常好睇,共做左7季。
而且第4季開始Buffy中0既男主角Angel分拆左出0黎,自己擔正又開多套劇一齊兩線發展,Angel頭兩季同Buffy仲有好強0既聯系,如Buffy果集佢話要去揾Angel商量D 0野,0甘下星期集Angel你就見Buffy出現,即有段時間美國等如一星期睇兩集Buffy系0既故事,由0甘樣你更加明白究竟Buffy呢套劇有幾經典!
首先係主角Buffy長髮style,呢位女演員大家最大機會睇過佢應該係電影狗狗震裡面
呢個係Buffy短髮Look,基本上樣貌算幾神似
跟位就係另一位Slayer,亦係我好鐘意0既Faith(菲斯),佢亦正亦邪,後期仲過左Angel果邊長駐幫手,而佢點解又係Slayer?因Buffy有一段好短時間0既死亡,所以Slayer呢個責任即刻落左響另一個挑選者道,成Buffy後下一代Slayer,但佢亦不幸陣亡,Faith就係繼任者,如果你地見過呢位演員,最大機會係睇過明珠做0既美劇Doll House(千姬變),佢係主角Echo,亦係一套好好睇0既美劇,有興趣可以睇下!
之後係Buffy最好0既朋友Willow(薇絡),佢響後期發見自已原來係女巫,亦開始用巫術幫Buffy,後來直頭發現自己0既法力可以話係最強0既女巫,曾經失控,連Buffy都無法打倒佢,響Buffy入面Willow係相當重要0既角色
Cordelia早期係一個有小姐脾氣0既有錢女,同Buffy唔算係朋友,但後期因知道有吸血鬼關係,期間漸漸建立友誼,由第4季過左Angel果邊做女主角,但呢個角色後期寫得好差,非常唔討好,早年Wonder Woman話拍電影,呢位演員曾經好高呼聲做神奇女俠
Xander(山大)同Willow及Buffy係最早期0既朋友鐵3角,住後友誼亦一直無變,佢最早鐘意0既係Buffy,而Willow鐘意自己就一D都唔知,及後知Buffy只當佢係朋友,竟然同自已經常鬥嘴0既Cordelia成為一對,分手後就同一隻魔鬼Anya拍拖,與Anya相處得非常之唔錯,Xander第7季盲左一雙眼,但Xander呢個角色唔算突出
Giles係Buffy做Slayer時0既導師,佢當Buffy係女一樣,對於古靈精怪0既事佢知識非常博學,為Buffy解決唔少妖怪上0既問題,而做人0既道理上,Giles亦教導左Buffy唔少0野,係一個響Buffy劇集裡面不可缺少0既角色,後期與Buffy媽媽發生過感情,不過最後無開始到,而Buffy母親後期亦因病特發而死去
Angel算係早期0既男主,佢係一隻改邪歸正0既吸血鬼,但一直暗中幫助Buffy殺吸血鬼,後期獲得Buffy信任,雙方亦發生感情,而Angel在第2季中失控,再變成邪惡,被Buffy消滅,第3季回歸後雖恢復理智,但Giles極力反對Buffy同Angel復合,認為Slayer同吸血鬼一齊係無好結果,因經上一次0既事後,同Buffy己無可能再一齊,所以第3季尾Angel離開Buffy去另一地方生活,亦即係Angel自已開新劇擔正做主角,而呢但演員如果大家有睇欲骨查0既話,相信一定唔會陌生,佢就係布斯理布sir啦!
Spike係吸血鬼,Buffy入面早期0既奸角,仇恨前期亦幾深下,但後期鍾意左Buffy,亦曾經同Buffy有一段短時間一齊,但Buffy始終覺得自己接受唔倒Spike而分開,但Spike到最後都無條件幫Buffy,後期0既Buffy裡面Spike好搶鏡,我覺得佢後期似係男主角,Buffy完結後,Spike又過左Angel果邊幫手
Oz(奧斯)響第2季同Willow係一對,但後期發現自已竟然係狼人,因自己接受唔倒及為Willow安全而分手離分左,再番0黎Willow已有左Tara無再接受番Oz
Tara同Willow 0既接近係因為佢地兩個都係女巫,當時Willow因Oz離開傷心呢段期間, Tara闖入左Willow0既心菲,令Willow改變左為同性戀者,但最後都因性格不合分手
Anya個角色幾特別,佢一開始只係Buffy一個故事中一隻妖魔,以為見一集就唔會再見倒果種,但後期因某D原因加入左Buff團隊,更同Xander成為一對,而因為Anya係妖魔,佢有一套妖魔0既價值觀,當要溶入人類社會時,好多人際關係上要Xander提醒,往往攪出好多笑話,但最後都係在大戰中死去,唔能夠同Xander一齊
Drusilla係吸血鬼,早期同Spike一起出場,係Spike0既吸血鬼伴侶,表面好似好柔弱,但其實好狠辣,而無記錯0既話Angel對佢亦好照顧,原因係Druillia所以變成吸血鬼,都係由Angel做成,Angel對此事非常內疚,而當Buffy殺死Drusilla時,Spike誓殺Buffy報仇
Dawn係Buffy 0既妹妹,但其實又唔係真係Buffy 0既妹妹,因Dawn其實係由魔法造出0黎成為Buffy家人,亦因魔法關係Buffy及Buffy母親並唔知Dawn唔係佢地家人(連Dawn自己本身都唔知),就算之後發現後,亦因大家已建立感情,所以仍當Dawn係家人,Dawn亦繼續做Buffy 0既妹,Buffy母
親死後,與Buffy相依為命
Kendra響最後一季裡面係Slayer團隊裡面一份子
Cordelia響Angel果邊0既造型,較為成熟穩重左
當然要整個團隊大合照
我諗呢編係我寫得最多字0既post,而Buffy 0既Figure響HK無知名度,好難揾倒0黎收藏,不過依家我想要0既角色都儲得八八九九,所以寫番編網誌同大家分享,不過我知唔會太多人睇呢編網誌,因有睇過Buffy又玩具仲揾倒我個post 0既人我諗好少,但無所謂,因同知音人分享係我0既喜好,收獲唔重要,不過由於已睇完Buffy有超過7,8年歷史,如上面寫出0黎0既資料有錯,請唔好見怪,觀迎糾正,哈哈!! |
|