|
發表於 13-6-2010 09:02:36
|
顯示全部樓層
早晨,你o爹o地媽咪唔得閒?等我又講下:
>>>>>>>屠殺 o既野, 全世界都有, 唔明點解 d 香港人係鍾意小題大做, 件事根本係悲劇, 追究無意思, 追究 o既人比機會 d 政客利用, 影響下一代判斷力 <<<<<<<
追究,只因正義。有政客利用,係佢o既事。
成日話,其實想民主派收聲好易,你只要一聲平反六四,佢地就失o左一大半政治籌碼。
你咁鍾意大陸,下次內地反對日本篡改「南京大屠殺」時,你試試上去勸下佢o地~~~
>>>>>>世界上面大把不公義 o既事發生, 又唔見 d 咩咩民主黨, 咩咩支聯會去抗爭 ?
佢地鍾意同大陸對抗, 因為 d 大眾受落 lor, 跟住咪大把政治本錢 lor<<<<<<
因為支聯會唔係 Decade ,定位係一個「愛國組織」。好少去其他世界。
政治本錢,上面答o左。
>>>>>>>最可恨係香港人有一班反骨仔, 對眼淨係見到中國種種不是, 最好自己唔係中國人咁樣, 正一手指咬出唔咬入, 口話 「想你好先鬧你」, 骨子裡就好唔妥中國, 自己明明係中國人, 比人殖民統治左咁耐, 一代一代潛移默化, 以為自己真係咩咩國際化, 忘記左呢個事實, 真係可悲<<<<<
唔知你鬧邊個,係咪你學校隔離班個肥仔?
如果你成日 shift topic ,我o地好難傾,
不如簡單少少,我o地剩係講應否「平反六四」,好冇?
>>>>>>好彩都有好多清醒 o既香港人, 我身邊都有好多人都睇穿佢地 d 伎倆, 不過亦有好多人始終由細到大都係受偏見影響太深<<<<<<
嗯..........唔知點解唔想駁你......
果然物以類聚,最醒係你o地,個個都咁醒。
>>>>你睇 d 人以前驚死咁去移民, 去到外國先清醒, 又回流返香港, 不過當中好多人返黎又係繼續舊路舊思想, 凡係大陸必反, 又話人地老翻, 又話人地唔安全, 自己就用老翻, 用大陸平野, 真係可恥至極 !<<<<<<
又係唔知你想鬧邊個...
....惟有答你..........咁佢o地真係好衰woo..
又鬧人老翻.....自己又用...........
>>>>>>>o個 d 想唔通 o既人一世個腦淨係想住殺人唔o岩, 要人道歉, 咪一世無無謂謂咁繼續落去 lor, <<<<<<
六四事件是事實!
有人敢不畏權、不怕艱辛,爭取平反,這是正義,愛國。
歷史通常對這種態度,稱為「風骨」。
>>>>>是是非非, 歷史係一定有評價 o既, 唔需要咁多此一舉 lor 朋友 <<<<
你是在說我嗎?「朋友」二字太親密了,好開心!
歷史評價,正正需要敢言人去保護。
由春秋起始,你知唔知有幾多人為o左保留歷史而遭當權迫害?......嗯?............死,我都唔知有幾多個.........
國家發展,需要經濟、政治同步向前。
有社會學家都認為,中國現在的發展是長短足,「經」足發育過長,「政」足發育不良。
就算唔講六四,
要講「經、政」新聞,
一個譚作人事件,一個趙連海事件,都叫有識愛國者心寒。 |
|