當日最初令我認識 Crows X Worst 全賴 10cm
果陣落親皆旺都見到橱窗上陳列住一排排紋左身, 樣串串嘅 "古惑仔"
當時好好奇呢 d 係乜家伙?
憑住鈴蘭兩字上網揾先知喺隻揪班友
揾左套書嚟睇, 追埋 QP, 咁就賴晒嘢中左降頭, 不歸路地瘋狂咁搜羅有關嘅 products
在 10cm, 22cm, 12吋 等人形中, 個人就覺得 22cm 最正
因為 size 適中, 所以能做出幾細緻嘅 details, 衣服紋理及面部表情都雕得好
例如身上反起左嘅皮樓扣同褲皮帶頭嘅形狀個個不同
另外衣服嘅上色同花紋夠幼細, 如九里虎, 芹澤, 阪東, 龍信..........等恤衫上嘅圓點, 格仔, 大小花等都正到暈, 呢 d 喺吸引人買嘅原因之一
至正重係 d 公仔嘅表情, 個個都不可一世串過乜, d 姿勢個個揾交打咁, (好似陣內公平, 新 B版將五, 米崎隆幸, 常吉)
缺點就喺個個 d 輪廓近似, 冇左特性 (如春道及新將五太似好誠), 有時要靠頭髮顏色或髮形, 疤痕才分辨到
d 紋身效果時好時壞, 新鐵生果 d 好假, 龍信果 d 太一 pat 嘢, 冇乜層次感, 反而藤川輝, 公平, 新將五 果 d 小小地重更有效果
10cm 咁細隻做到咁多色彩, 姿勢巳經好好, 而且每個角色神態唔同, 雖然有時第一眼認唔到邊個打邊個, 但就唔會撈亂同一個人
但缺點喺 d 樣太膠, 個個面目模糊, 唔夠 22cm 果 d 咁醒
12 吋果 d 就靚在有衫仔著同可以較姿勢, 但 d 樣太假, 個頭 d 色與身體不太符合, 一睇就知按落去
另佢 d 衫太大路唔精細, d 拉鏈重大過乜, 比起依家出面如 Hot Toys 果 d , 配件與剪裁, 質地真喺 No Fight, 所以唔多值咁貴
反而 Next Label 果 d 換唔到衫嘅人形重正, 單看 好誠 d 手筋巳正到暈, 春道嗰形態更加唔洗講
其實我幾鍾意 Crazy Heads 果 d, 夠哂 cute 同有味道, 淨睇下隻 甲斐泰典, 光政 同 壽仔 巳經好過癮
衰就衰左大隻唔知點擺, 擺一兩隻巳經冇哂位
唉! 講左咁多口水都喺果句, 有銀點買都得, 理鬼佢邊款? 最百佳就喺..............................唉! 唉! 唉!
[ 本帖最後由 周伯通 於 9-5-2009 05:26 PM 編輯 ] |
樓主: Fukuiraptor
發表於 8-5-2009 20:31:43
?v=0