|
|
發表於 16-8-2007 09:06:06
|
顯示全部樓層
滿足下fuut大大了, 講講我對[涼宮春日的憂鬱] (以下簡稱[涼]) 既觀感 :
小弟首次接觸[涼] 既時候, 係0係今年2月中左右, 記得係因為準備溫證券考試時偷懶咁整來睇的[在學中的學生不要學我xddddd] , 當時接觸套野覺得幾得意, 因為呢套野唔係順原本次序播放的, 幸好小弟找到個網站, 知道成套[涼]既順序, 睇起上來容易明白(小弟有唔少識既朋友話睇睇下睇唔明套野就放棄了)。不過我自己睇完套野, 一開頭既感覺係 (麻麻地), 找唔到呢套野吸引既地方, 好像只係平鋪直序咁講一大輪野, 序術完就算, 唔似 [龍珠, 男兒當入樽, hunter x hunter(爛尾><) ] 呢幾類大作有顯著引人追看既元素。老實講, 自己當時真係睇完覺得呢套野有d悶架, 因為唔知道應該用咩類型既角度去睇[涼], 係科幻?搞笑?定係萌? 之後自己買[涼]的小說系列, 漸漸明白[涼]係想表達d咩野了, 我覺得第一本涼宮春日的憂鬱係一個序章, 志在介紹[涼]呢個世界既觀感:
春日: 可以因自己喜好, 制造世界, 搞事, 心想事成, 同埋-------------任性。
虛: 主要係旁白, 但是自己缺乏強硬, 至經常俾春日牵住鼻子走。
有希: 重要人物, 表面無語, 但是往往識得發生大事時挺身而出, 多次幫助虛同sos團脫困(e.g.射手座之日)。
朝比奈: 開頭覺得佢除左可愛同俾春日玩之外就沒有特別的地方了。但是未來版大朝比奈就都係一個重要角色, 她可以在某時空出錯時起重大作用, 幫助虛修正(詳見[消失])
一樹: 超能力者, 可以話同虛最多溝通, 經常了解春日需要而制定出環境去滿足春日的無理要求同春日潛意識希望既事(詳見[憤慨])
之後一直追看小說下, 反思自然身處既世界的確係枯燥無味, 學生每日朝早都要返學聽書(小弟由小一至大專都沒一堂聽過書的), 返屋企做功課, 食飯, 訓教, 打工仔既就返工, 對住日常面對既工作及壓力( e.g.趕期限前交貨, 跑數), 但是呢個世界係沒有一d如春日講既有趣事(e.g. ufo, 外星人, 來自未來的人, 超能力), 自己反思完之後再看下去會覺得比較有趣, 因為學校生活的確會有趣得多(但沒有太大共鳴, 因為d學校日本文化唔同香港), 當自己完全明白人物關係時,看[消失] , 真係非常有趣, 因為突然間dsos團員唔見晒同校園正常化, 而本應不在的女神涼子返左來(好開心, 不過本書封面既涼子太樣衰了><), 令自己心急想知件事會點繼續發展。同埋時空上出現錯亂, 暑假唔會完結( idea太好, 學生一定有共鳴), 重複暑假一個時期1萬幾次等既元素, 的確可以對身處現實世界既讀者有共鳴。[涼]唔似龍珠咁有好強既氣同暴力(都夠春日經常對朝比奈施暴了xdddd), 亦沒有比賽緊張氣氛(仲爭幾球就平手), [涼]係一套接近生活之餘又可以有好多幻想既作品, 所以對小弟來講[涼]係一套可以從現實世界中得到短暫喘息既地方。 |
|
樓主: MAX
樓主
