JOJO同好黃金體驗之世界(傾劇情，有劇透，慎入！)

Quentin

遲左好多先睇單行本S.B.R。
好睇，點都覺得今輯好睇過第六部。

因為吉良吉影出超像可動，令小弟重溫第四 ...
原罪 發表於 13-11-2010 05:24 PM

最六部最差(比較起一至五部)~~~~
我覺得好縴強, 格硬屈呀迪奧留左骨比神父~~!!

而睇得最少的係第四部, 要重溫~~~~

魯烈火

第四部及第五部簡直是顛峰之作

尤其是第四部, 在平淡的小社區中說故事, 劇情由於康一的出現越來越出人意表

吉良吉影的描寫十分現實和立體, 與東方仗助的描寫手法相映成趣

yui-ling

[quote]下期應該會結局了, 除非又有新敵人...

:45:
還未完結!!!

Quentin

依家從睇東方仗助篇, 睇到鐵塔男之卷, 以前睇得好快無深究, 依家慢慢睇, 覺得好輕鬆, 外星人, 鐵塔男, 好搞笑~~~

原罪

依家從睇東方仗助篇, 睇到鐵塔男之卷, 以前睇得好快無深究, 依家慢慢睇, 覺得好輕鬆, 外星人, 鐵塔男, 好搞 ...
Quentin 發表於 14-1-2011 06:15 PM

我近期都因為超像可動出吉良吉影…從睇第四第五部。
呢兩部真係好正。
翻睇都過癮。

Quentin

我近期都因為超像可動出吉良吉影…從睇第四第五部。
呢兩部真係好正。
翻睇都過癮。
原罪 發表於 15-1-2011 12:09 AM

呵呵~~~~good呀~~~~

Quentin

咿, 祖羅喺第48期, 被箭吉過黃金體驗的手掌, 點解當時無進化嘅 ??

原罪

[quote]咿, 祖羅

呵呵…我都發現呢點…
不過可以解釋為當日祖羅無自覺…同埋當時處於生死一刻，可能有反應佢都唔覺。
銀戰車當日吉親都因為覺得精神力唔夠而選擇唔進化。

呢個算小bug…ok既。

我覺得大既bug應該係那三個死左先發動既替身同自動替身。
例如鐵塔替身…設定都有d奇怪。不過好睇就唔計較咁多啦。

三個死左先發動既替身…如果無計漏。應該有…
1.vs岸邊路伴既背後替身。
2.吉良吉影老豆
3.追蹤逃上飛機祖羅一伙既肥仔

呢三個替身都其實幾有問題。
背後替身係設定得算係最唔違反替身規則既。
替身要精神力去控制…唔係可能失控傷害主體…呢點係第三部承太郎阿媽那時已經提出。

而主體死左…替身應該消失（因為無能量）
咁背後替身會轉主體（需然違反一個人唔可以有兩個替身呢點…但當寄生蟲咁睇可能通…）
所以ok。
而背後替身其實都相當無敵…如果唔係發生於杜王町…無小巷…可能得億泰既替身解決到佢。
（p.s.億泰既設定好正。其實可能勁過所有出過場既角色…不過因為蠢…所以唔太強。呢點真係正爆。）

但係吉良老豆就好奇怪…
佢本身應該唔係替身使者（生前…）
死左先發動替身能力…咁替身能量邊度黎？同埋點打呢？
主體已經死左…替身…其實佢既替身係咩呢？佢本身幽靈既主體？
總之好奇怪…

而最最有問題既…一定係飛機肥仔。
點解佢係替身使者呢？因為佢中過箭唔死得？
咁當佢中箭唔死得…咁點知佢係死後發動呢？同埋點知佢有咩能力？如果佢好似康一咁遲d先發動。
死左咪無羅？
波士點會派佢追蹤祖羅一伙？估佢一定無事？替身能力一定有用？
當時追祖羅一伙咁重要…波士點會揀個咁多迷既角色去追？奇怪？
好啦…佢死左會發動…咁替身力量邊度黎？靠進食？
呢隻永久自動追蹤替身…如果係第二度發動…根本係災禍…都唔知邊個對付到佢。
而且佢應該越食越大…其實係海洋有無窮動力…咁佢咪應該食左成個地球？

呢隻替身應該係歷來最有問題…

Quentin

[quote]咿, 祖羅

呵呵…我都發現呢點…
不過可以解釋為當日祖羅無自覺…同埋當時處於生死一刻，可能有反 ...
原罪 發表於 16-1-2011 04:43 PM

呵呵`~~~~
祖羅篇的替身要再研究, 話晒都n年前睇過, 不過吉影老豆的替身, 真係好離奇!!!
不過我依然好聽故唔好駁故~~
呵呵~~~~~

原罪

咁當然啦！呢d傾下姐。
佢係作者…想點就點啦。
更衰都要硬食。

不過荒木老師已經好勁。佢正既野絕對多過有小問題既野。

Quentin

咁當然啦！呢d傾下姐。
佢係作者…想點就點啦。
更衰都要硬食。

不過荒木老師已經好勁。佢正既野絕對多 ...
原罪 發表於 16-1-2011 09:03 PM

當然~~~

4同5部我睇得最少的, 要慢慢回味~~~~~~~

原罪

當然~~~

4同5部我睇得最少的, 要慢慢回味~~~~~~~
Quentin 發表於 16-1-2011 10:33 PM

其實4同5係寫得最好既。
第三部帶出替身…
第四部講解替身可以點。
第五部唔使解釋咁多。多數時間就係各式替身既決戰。而且小弟重睇第五部…
發覺敵對角色既替身…其實每一個都好難對付。
真係搵承太郎都未必攪得掂那種。

荒木老師真係好勁。

Quentin

其實4同5係寫得最好既。
第三部帶出替身…
第四部講解替身可以點。
第五部唔使解釋咁多。多數時間就 ...
原罪 發表於 17-1-2011 12:52 AM

其實, 睇第4部嗰時, 已經表明承太郎唔係無敵的, 因為年齡問題, 不可停止太長時間, 我好鍾意這setting, 你咁無敵, 鬼同你玩咩, 第6部更被ko, (當時好傷心的~~).

而我佩服老師的, 除了知他的識外, 係戰鬥的藝術, 每場戰鬥都帶出智慧~~~~

第3同5部的替身都好很強~~~~

原罪

其實, 睇第4部嗰時, 已經表明承太郎唔係無敵的, 因為年齡問題, 不可停止太長時間, 我好鍾意這set ...
Quentin 發表於 17-1-2011 09:15 AM

    替身戰真係藝術…
重睇第五部。敵我兩方都搏命得嚇人。
第四部…就吉良吉影玩哂…
吉良吉影雖然話得一個替身…
但佢既三種炸彈…根本就係三種替身。可算史上最屈。

而佢本身亦非常聰明…唔係全鎮替身使者一齊對付佢，加埋唔係替身使者都郁佢…
佢根本無得輸。

但都可以有一個令人心服口服既結局。正！

Quentin

替身戰真係藝術…
重睇第五部。敵我兩方都搏命得嚇人。
第四部…就吉良吉影玩哂…
吉良吉影雖 ...
原罪 發表於 17-1-2011 11:30 PM

呵呵~~~
啱啱睇到"性感手槍"壯烈犧牲!!
敵人啲替身, 果然強中自有強中手, 個個攞命, 好顛!! (係喎, 他們係KILLER黎架喎~~~當然狠~~~!!   
繼續努力先~~~~