2025年4月「METAL BUILD」ZETA GUNDAM / Z高達

ToyKnife

DenloX 發表於 11-10-2024 02:16 AM
首先, 就病die產品嚟講, 病die係有建議零售價, 我講嘅"離地價"係偏離建議價好多, 問題係你覺得值但其實好 ...

好在我係「覺得貴就唔應該買」嘅一群，唔使俾你Diu，上面有位師兄話可以一邊鬧一邊要買，你哋拆掂先。

但我就覺得買嘅都無問題，如果佢自用，佢覺得值又afford到，問題喺邊？你話會影響其他人？唔好再用「大眾利益」去包裝個人利益，呢個我覺得最噁心！呢種唔係公共事務，係商業活動，由供求決定。我只見到有人自己覺得個價唔合理，或超出自己能力，或超出自己預期，而上綱上線，用公眾議題維護自己權益，都幾建制！

買家係用私有財產去買自己喜愛嘅嘢，又唔係用公帑，點解要俾人diu？唔值嗰個價，價錢自然會回落。你話因為佢哋on9嘅知唔值？咁你惡過共產黨，用自己價值觀去覆寫他人價值觀。有個point已經反映你concept有問題，官方建議零售價，最多只可以叫初始價，唔係客觀價，係官方主觀價。真正嘅客觀價係市場成交到嘅價，it’s just Econ 101。

可能你唔係讀經濟，唔明自由市場點運作，所以我都唔去解釋超過你理解能力以外嘅嘢。講啲你明嘅，我都問咗好耐，香港Bandai建議零售價係幾多？唔好意思，我Miss咗，有無link？

go-go321

聯手提高定價都唔係第一次，至於B記的定價都越來越大咬，有MR做參考下，呢隻連大炮都冇

bunnyyau

官方定價44000YEN，所以正價係23XX~24XX。
發售半年內可以正價/跌破招股價入手。
信者得救

gamelife

ToyKnife 發表於 11-10-2024 03:24 PM
好在我係「覺得貴就唔應該買」嘅一群，唔使俾你Diu，上面有位師兄話可以一邊鬧一邊要買，你哋拆掂先。

...

接呢個邏輯, 日圓咁計

2020年EVA賣22000, 2024年Z賣4萬4

港幣EVA之前都是2千左右, 如果跟日本double, 今時今日4千其實都好正路

嘈嘈共2千幾戈班最好去日本打工同生活

我自問有錢買但真係覺得以MB今時今日2千蚊都叫比多佢, 部份人仲覺得2千6可以接受?

平心而論你花2千4買件咁既野我都笑鳩你傻仔啦

Lau

其實講黎講去…

都係價值觀 & 態度問題…

你覺咁好大問題，其他人又覺唔係咁…

不過，討論區就係俾人發表意見的！！

ToyKnife

gamelife 發表於 11-10-2024 04:30 PM
接呢個邏輯, 日圓咁計

2020年EVA賣22000, 2024年Z賣4萬4

又唔可以直線咁樣計，唔同地方代理會計算日圓當時匯價。開始生產同正式開訂嘅時候又有時間差，可參考，但唔係直線計。

我覺得有趣嘅地方係，肯搵嘅我見都有開HKD 3000樓下。鬧咁耐，香港官方真係定咗價啦咩？我又搵極都未搵到。鬧官方建議售價貴同炒埋一份嘅，又冇答我。

p.s. 同埋「合謀定價」呢個terms，唔係咁apply。

DenloX

alien133 發表於 11-10-2024 08:59 AM
係好笑㗎，但獨家代理獨市生意，買同鬧有衝突咩？況且我冇話鬧抬價嘅玩家，只係針對代理同合謀定價嘅經銷 ...

無得話"唔比"人做任何嘢嘅, 唔通搵支槍指住你個頭咩
不過你都知自己只係宣洩就好啦, 齋鬧無用
但我覺得真係好好笑囉, 口就鬧但用行動支持對方囉
講左N次, 合謀定價又好散戶奇貨可居又好, 賣方有利可圖自然會做, 只要一日有你呢D傻7一日就有合謀定價

BTW, 你可以鬧人合謀定價, 咁我可唔可以鬧你呢類嘢買貴哂個市呀請問? 係咪只有你可以鬧人人唔可以鬧你呀?

DenloX

ToyKnife 發表於 11-10-2024 03:24 PM
好在我係「覺得貴就唔應該買」嘅一群，唔使俾你Diu，上面有位師兄話可以一邊鬧一邊要買，你哋拆掂先。

...

不如你答咗呢個問題先啦:
我叫人唔好高追, 唔好買貴D野, 咁對你有咩影響先?

原來大眾利益就係用炒價買嘢呀, 真係天大奇聞喎, 我想駛食炒價, 剩係我自己架咩, 個價落咗剩係我得益架咩你買唔到架咩? 其他人買唔到架咩? 承返上面個問題, 你自己都話"覺得貴就唔應該買", 咁平咗你又唔買呀? 你攪掂你自己D logic先啦, 咁樣將D嘢掉轉黎講完全係中共style, 重話我"建制"?

你講咩D人覺得值幾錢就買冇問題, 呢個係自由市場係成立, 但奇貨可居/合謀定價, 呢D係唔係干擾自由市場呀, 咁D人照買, 係唔係等同支持干擾自由市場呀

至於你話"香港Bandai"建議零售價係幾多, 你言下之意即係話Bandai個建議零售價只適用於日本本土啦, OK, 咁我又問返你, 病die產品係邊度生產? 日本個"零售價", 係唔係已經包括一切成本再加埋合理利潤?
香港行貨呢? 你認為香港返貨價, 會貴過日本好多? 如果個日本建議零售價在香港係irrelevant嘅, 咁請問, 以往其他病die產品係香港嘅開訂價, 係唔係偏離哂病die個建議零售價? 起碼我記得孤仔開訂都會標埋病die建議零售價, 可見Bandai個建議零售價在香港係有指標性

CPY_2001

其實講到而家，我相信再講落去已經冇意思，因為好明顯，唔明既人點講都係唔明，甚至去到典解意思既程度，論落到唔係話自己有錢就係自己讀咩就叻過其他人，笨大果然係銷售方面係勁，呢隻野無論最後係賣3千幾既市場價或係44000既官方日元定價，都成功轉移左視線，加完價再將配件斬件出售呢啲惡劣手法，既然有人覺得冇問題就冇問題，反正我最後買果隻mb都已經係00q,好早之前我已經開始罵笨大銷售有問題，就俾人話打手，而家發展成常態就話不嬲係咁點解而家先開口講，仲要有人用大眾利益包裝個人利益去老屈人，感覺已經同認真討論越走越遠，變得好似為求嗌贏場交咁

CPY_2001

話搵到3千樓下果位，請問係咪行貨尼？可否提供多啲資料好讓其他人知道自己原來錯怪代理呢啲良心企業？

DenloX

Lau 發表於 11-10-2024 05:17 PM
其實講黎講去…

都係價值觀 & 態度問題…

人係互相影響嘅, 價值觀 & 態度, 係會影響整體利益嘅

CD-ROM

頭Log貨可以低過三千得兩個可能，1係水貨、2係俾人呃

bunnyyau

CD-ROM 發表於 11-10-2024 07:23 PM
頭Log貨可以低過三千得兩個可能，1係水貨、2係俾人呃

係㗎，宜家只有等佢個炒價慢慢回落。
44000YEN既通販MB，就算考慮埋食骨+升值，賣33XX都係太over-priced。

ToyKnife

CPY_2001 發表於 11-10-2024 06:55 PM
話搵到3千樓下果位，請問係咪行貨尼？可否提供多啲資料好讓其他人知道自己原來錯怪代理呢啲良心企業？ ...

你問問題有個「回覆」icon，可以直接問，好簡單。我同意你話「唔明嘅點講都唔明」，你幾位講到自己都亂晒。你哋一直話官方定價高合謀定價，我就係一直問「邊度見到香港官方定價？俾條link我睇睇。因我反而見到有人開3000樓下。」即係我想話你知未有官方定價，仲係玩具店自己預先開訂階段。你竟然幫我手，問我係唔係行貨？你攪清楚未？我就係一直問你行貨幾錢囉？

Diu Bandai，我都一直Diu，有興趣可以搵我嘅post，但唔係求其Diu。你俾人話係打手？呢個又係好有趣，又唔係死撐話件貨有幾好去抬價，鬧廠會係乜嘢打手？其他廠嘅打手？你唔識得反駁佢哋啫。下次你鬧Bandai要幫手出聲囉。

minghim927

CD-ROM 發表於 11-10-2024 07:23 PM
頭Log貨可以低過三千得兩個可能，1係水貨、2係俾人呃

G POINT 開咗7分鐘就訂爆, 之後精品同模倉開已經係3千幾