2025年4月「METAL BUILD」ZETA GUNDAM / Z高達

alien133

gamelife 發表於 9-10-2024 09:40 AM
我自己買玩具10幾年都奉行一個原則
廠商定價多少就多少，如果玩具鋪大範圍多少也只好認
買到手都扔盒disp ...

老友你仲係唔明最大問題所在，誠如你講MB價已經癲到一個地步，MBZ定價4萬円呀，夠狼啩？唔止喎，代理帶炒訂單推到近6萬円，肯為心頭好買貴貨係一回事，畀人從中食夾棍掠水又係另一回事，你問下李首富攞地肯唔肯畀人托價㩒住搶？點解大家唔嘈得呢？

仲未計到時出貨實際貨量波動影響後市價，貨多仄死一班零售商蝕本劈價清倉，貨少又可以進一步斬單呃傻仔繼續追高價，次次熱門款產品就畀總代借題發揮，好難叫玩家唔鼓噪

gamelife

alien133 發表於 9-10-2024 10:12 AM
老友你仲係唔明最大問題所在，誠如你講MB價已經癲到一個地步，MBZ定價4萬円呀，夠狼啩？唔止喎，代理帶炒 ...

呢D鼓燥冇10年都8載，改變過？沒有吧
現在沒有，將來也沒有，但鼓燥持續

買玩具唔夠錢？我會選擇草錢，匠牛都是今年先入手
盤唔盤子？盤
代理深唔深水？深
點解仲買？因為自己草到錢阿
身體力行不買就是最好抵制
但又要身體誠實
唔抽呢D人水仲抽邊個
加上代理食水好過散戶食水啦
起碼人地叫做生意唔係搞慈善

ToyKnife

同意代理抬價有問題，但relax....除咗政府同公營機構，無人可以「㩒住搶」啦。

呢隻Zeta，既然玩到咁，我唔會即入，一係等大貨睇吓會唔會多到買到，一係等別色版，一係玩少隻，其實好多MB我都已經無再入。其實每隻玩具，個價係自己衡量，有人搵好少錢都要入解匠，有人過百萬年薪都嫌一千蚊嘅玩具貴。如果有耐性嘅，就等，因為其實secondary market 個價，反而最公道。p.s.secondary唔係指玩過。

利申: 解匠Nu同Sazabi加所有options我都有入。

alien133

ToyKnife 發表於 9-10-2024 10:40 AM
同意代理抬價有問題，但relax....除咗政府同公營機構，無人可以「㩒住搶」啦。

呢隻Zeta，既然玩到咁，我 ...

secondary market 個價係市場因素綜合影響之後嘅反映嘛，當然公道過代理帶炒嘅預訂價，就算後市炒起都係因為人人參與過，你冇眼光優先入手，自然就要願賭服輸

熱狗OO

ToyKnife 發表於 9-10-2024 10:40 AM
同意代理抬價有問題，但relax....除咗政府同公營機構，無人可以「㩒住搶」啦。

呢隻Zeta，既然玩到咁，我 ...

魂限阿寶色我接受到3380, 果隻拉花模型出作為素組派搞唔掂, 所以貴係OK, 而且講明魂限唔係通販心理上好過D

alien133

gamelife 發表於 9-10-2024 10:36 AM
呢D鼓燥冇10年都8載，改變過？沒有吧
現在沒有，將來也沒有，但鼓燥持續

市場係咁，買唔買點樣買都係自己決定，但話亦分兩頭，老友你冇可能自己搵個舒服位說服自己點買法，又唔畀人嘈喎，討論區就預咗同好玩家上嚟噏三噏四宣洩吓啦

再次申明：代理帶炒就係無良至極，佢食水絕對唔會好過散戶食水，散戶零售開價有高低你仲可以選擇，代理帶炒你就冇得選擇，明冇？

gamelife

alien133 發表於 9-10-2024 11:04 AM
市場係咁，買唔買點樣買都係自己決定，但話亦分兩頭，老友你冇可能自己搵個舒服位說服自己點買法，又唔畀 ...

出得post －向發表自己意見
如果要附和意見不如唔好出post

gamadog

呢隻MB zeta未賣已經攪到滿城風雨，重未講隻玩具原設計的優、缺點.未有實物之下，都可以有36頁的回覆post….. 正呀，經典中的經典

gamelife

gamadog 發表於 9-10-2024 11:40 AM
呢隻MB zeta未賣已經攪到滿城風雨，重未講隻玩具原設計的優、缺點.未有實物之下，都可以有36頁的回覆post… ...

MB都落後設計了，同埋真係3000幾買返嚟，有咩瑕疵都當睇唔到啦
而家大陸啲廠商都搞原創， K.O. MB都浪費時間
10年前就話一鳴驚人姐， 10年後的今日都一成不變
其他品牌，機甲系列都好多進步
奸笑出個T H E，千記riobot出個大讚Ka，鐵機巧都出天元突破，CCS直頭性價比形容
MB如果唔係高達基本上死直，設計同關節好差
真是死淨個名

chlycab

alien133 發表於 9-10-2024 10:12 AM
老友你仲係唔明最大問題所在，誠如你講MB價已經癲到一個地步，MBZ定價4萬円呀，夠狼啩？唔止喎，代理帶炒 ...

師兄無謂再諗住講得明
好多港產片講呢類人，我就唔指明邊套啦
佢地人在江湖嘛，所以咪"唔明"囉

DenloX

gamelife 發表於 9-10-2024 10:36 AM
呢D鼓燥冇10年都8載，改變過？沒有吧
現在沒有，將來也沒有，但鼓燥持續

代理好散戶好, 點解炒得起, 咪就係因為有你呢D人囉

gamelife

所以之前講得冇錯，有信仰戈班真係腦袋不好洗
－個身體力行拒絕做韮菜，就算原價放比人，自己買玩具都拆盒扔垃圾桶，草錢買鐘意的玩具
都會被認為呢D行為都助長炒風
呢個post都咁上下了
下個MB post再看看

sbyk

bunnyyau 發表於 9-10-2024 09:17 AM
講一件炒狗既真人真事改篇

炒狗︰26XX都叫炒價，宜家33XX打晒面。到時四牛我都唔賣俾你

咁就真係唔駛愁。近排出既MB 出邊隻跌邊隻。升得起既真係寥寥可數。尤其通販全部一律跌價。哩隻z肯定多貨多到你驚。唔駛訂等食現一定有so

DenloX

支持高追果D, 成日話"做好自己","自己儲錢"...係呀, 開口埋口都係"自己", 因為剩係諗自己囉

wiswis

其實唱好個市班人(包括代理自己)抬價太高只會一手推冧個市, 依家差不多全部海外網站都冇貨, 好明顯大部分流咗去日本同香港班炒家手上, 班友STRONG HOLD一輪冇問題, 但如果外圍有咩風吹草動, 包括股市波動又或者件貨有SAD, 肯定出現值崩, 到時放血輸錢嘅只會係一班炒狗