Pose+ 宇宙戰士Baldios 一個小缺點

hinaoi

玩咗兩日，都幾滿意，直到今晚終於搵到一個幾有潛力嘅缺點

就係兩隻腳中，用嚟鎖住膝頭關節，位於小腿嗰個彈弓鎖
原來裡面只係一條好細好幼嘅彈弓，拉得多會慢慢拉鬆，我嗰隻都鬆咗少少，我最後係拆開咗佢，再將條彈弓翹多個圈去拉番緊一d
其實真係冇乜可能咁樣設計呢個位，呢點買咗嘅ching需要留意一下

Hawk

其實都唔只哩啲位，佢啲摺摺下既位，摺多幾次都驚爛，灰色大脾屈180度果度，屈膝頭時有時都會走位，哩啲變形玩具都係買果陣變1，2次就算穩陣啲……

hinaoi

Hawk 發表於 5-11-2023 12:55 AM
其實都唔只哩啲位，佢啲摺摺下既位，摺多幾次都驚爛，灰色大脾屈180度果度，屈膝頭時有時都會走位，哩啲變 ...

比較牙煙一定係上身飛機對薄薄嘅紅色摺疊翼
灰色大腿嗰度其實佢應該再加多個扣，造成維度鎖扣型式就唔會咁易甩開

taifat

無咗條弹弓，個扣位會唔會自動鬆開？

hinaoi

taifat 發表於 5-11-2023 10:13 AM
無咗條弹弓，個扣位會唔會自動鬆開？

會，因爲佢主要就係靠條彈弓去拉住個扣去將條大腿hold in place

馬仔

昨晚上網睇到一位香港人拍片，玩完呢隻野後，成張枱面都有很多玩具身上掉出來既顏料或可能係膠料，似乎呢隻問題效多，是否出貨太準時就會出事？！？

hinaoi

馬仔 發表於 6-11-2023 10:05 AM
昨晚上網睇到一位香港人拍片，玩完呢隻野後，成張枱面都有很多玩具身上掉出來既顏料或可能係膠料，似乎呢隻 ...

其實都唔準時嫁啦，由1月拖到10月，期間仲比其他打咗尖

不過甩色我就唔係好覺，可能有個體差吧。反而除咗1樓嗰個設計問題之外，我嗰隻有右邊黃色胸甲易甩，同埋雙腿側邊紅色炮關節鬆嘅情況

另外仲有右腳飛機機翼唔啱位d膠互相頂住嘅問題

整體設計係好嘅，當然講還原反而唔夠moderoid嗰隻黎，但喺完全變形嘅前題黎講算有心思，不過你講得啱，qc或者精進度仲有改善空間

fallout8

馬仔 發表於 6-11-2023 10:05 AM
昨晚上網睇到一位香港人拍片，玩完呢隻野後，成張枱面都有很多玩具身上掉出來既顏料或可能係膠料，似乎呢隻 ...

條開箱片我都有睇，好同意果位師兄既睇法，就係說明書無變型步驟，P+真係懶到一個點....

Vince

fallout8 發表於 6-11-2023 12:43 PM
條開箱片我都有睇，好同意果位師兄既睇法，就係說明書無變型步驟，P+真係懶到一個點.... ...

其實睇片變形我覺得 ok 既，有時真係清楚過說明書。

Hawk

睇片ok但說明書有埋變形步驟就方便啲囉，唔駛下下開電視或電話睇，其實佢係條片度cap番啲重點圖咪得，可能間公司根本唔夠人做嘢

redfish

Hawk 發表於 6-11-2023 02:13 PM
睇片ok但說明書有埋變形步驟就方便啲囉，唔駛下下開電視或電話睇，其實佢係條片度cap番啲重點圖咪得，可能 ...

根本就係懶得整，上次銀河旋風已經有人提出唔好只得影片，就算你要環保，好似千值邪虎咁整份下載版本都好過完全無圖文說明書，相信pose+以後產品都唔會有圖文說明書

fallout8

Vince 發表於 6-11-2023 01:34 PM
其實睇片變形我覺得 ok 既，有時真係清楚過說明書。

我家中小霸王默書時都係咁講：「我用口串個英文字出來咪得囉，洗咩默係本簿到咁麻煩姐！」

taifat

上次旋風條片，都唔知做乜要快鏡，攪到又要暫停褪後，幾鬼煩，明知旋風變形幾鬼複雜，正常速度唔得咩？！都唔知係邊個意思，今次條片就有d改進

遊俠

Hawk 發表於 6-11-2023 02:13 PM
睇片ok但說明書有埋變形步驟就方便啲囉，唔駛下下開電視或電話睇，其實佢係條片度cap番啲重點圖咪得，可能 ...

因為冇說明書, 上隻旋風已經冇買

Vince

作為玩家，我當然明白大家都想 why not both，又要有說明書，又要有片睇變形。說明書仲要有 設定 同 故事介紹 等等等。不過 現實 就係 印刷成本 現在真係好貴，d d 冷門機體 (宇宙戰士、銀河系列、等等)，可能預左蝕住出，所以成本一定會有咁低壓咁低，而未來方向我估都會係咁 ….


帶頭盔：我只係普通玩家，都同大家一樣想要一本靚靚說明書 ga。