若你喜歡怪人，其實我很美 - HG扭蛋狄沙軍團

森記

今次來分享些偏門物。

HG扭蛋，我想拉打迷當年應該也有接觸過。其中怪人是整個系列中的核心部分，不過大家想要的，應該還是該期的注目拉打。

我兒時也抽過數次，當然抽中的還是怪人居多，雖然上色一般，但雕功是絕佳的。

現在大了回看數隻陳年扭蛋，發現有幾隻都是Stronger的對手。然後屎忽痕去收集了餘下的幹部成員，造了個地台又重塗了所有角色，接著狄沙軍團便重生了。

狄沙軍團的設定還真有趣的，明明位位實力高強，要打敗Stronger絕對不是難事，可惜常常搞內訌，結果整團滅了。

如今在Spirits漫畫的重新描寫下，又增添一番魅力了。

手機拍攝，玩具又太細了，傷眼請見諒。

泰坦

影子將軍

鋼鐵參謀

荒鷲師團長

凱特博士

骷髏少佐

岩石男爵

狼長官

布蘭克隊長

蛇女

機械大元帥

磁石團長

鎧甲騎士

其實兒時看拉打，拉打的造型固然吸引，但小弟會為每集的怪人造型感到期待。我會讚嘆設計師的想法，特別的造型和上色。

早排終於入手了《完全超惡》，這滿有心思的設計，只出場一兩次便被打倒，不是太可惜了吧。

森記

地台製作小分享

其實怪人的腳底都放進了磁石，度好位後在擺設台上黏上鐵片

然後用AB畢地印腳印

再加上石膏

最後上色便完成了

玩具Joe

難得現在仲有人玩扭蛋, 仲要整個咁有心意思既地台, 又為佢地拍左咁多靚靚既照片, 實在值得一讚！小弟都仲有好多扭蛋玩具, 但好多都連膠袋都未拆, 真係對佢哋唔住！

chhnpng

出晒油點上色？

森記

玩具Joe 發表於 27-5-2023 04:22 PM
難得現在仲有人玩扭蛋, 仲要整個咁有心意思既地台, 又為佢地拍左咁多靚靚既照片, 實在值得一讚！小弟都仲有 ...

多謝師兄
有時睇到D收藏，就好想整理好佢地，好似一件作品咁展示，唔好浪費佢地嘅價值。
不過大大擺膠袋都係一個好好嘅保養方法，有時攞出嚟又望下，玩下佢地。

森記

chhnpng 發表於 27-5-2023 04:39 PM
出晒油點上色？

之前出油嘅公仔，我會用橙水嘅。
不過今次收返嚟嘅，都係得一兩隻有少少黏手，我冇點理，直接用塑膠彩上色。

mushroom

看來stronger套劇都唔錯，咁多不同怪人

師兄整地台花了不少功夫

完全超惡想入但無入，怪人設計暫時我最喜歡rider W, 不過係整套計

谷口nozomi

以四十多年設計,造型算有水準,讚!只可惜沒有推出岩石大首領,怪B社總有保留

森記

mushroom 發表於 29-5-2023 11:17 AM
看來stronger套劇都唔錯，咁多不同怪人

師兄整地台花了不少功夫

亞馬遜時期，劇本開始成熟。喺人物設定方面，stronger嘅怪人幹部係幾特別。
地台係愛，花多多心機都係開心嘅。
超惡我都襯特價先買，設計圖mark咗好多設計師嘅心思細節，個人比較鍾意劍系列。

森記

谷口nozomi 發表於 29-5-2023 03:11 PM
以四十多年設計,造型算有水準,讚!只可惜沒有推出岩石大首領,怪B社總有保留 ...

扭蛋嘛，我諗當年應該未有限定扭蛋、超大size等等嘅痴線諗法住⋯⋯

mushroom

森記 發表於 2-6-2023 11:49 PM
亞馬遜時期，劇本開始成熟。喺人物設定方面，stronger嘅怪人幹部係幾特別。
地台係愛，花多多心機都係開 ...

有機會都入手先，但近來少見