2月 魂限 HI-METAL R 太陽之牙 DOUGRAM Real Type Color 40th Anniv.

AYJ

無睇過動畫，但個 design 好正

熱狗OO

AYJ 發表於 5-3-2023 10:02 PM
無睇過動畫，但個 design 好正

第一集起首畫面係主角機鬥軍的殘骸坐在地下, 從而倒叙個故事:

鄉廣星球係一個比支麻星球壓迫的國家, 反亂處處
主角仔仔的老豆係支麻的高官, 負責去鎮壓鄉廣人
仔仔由於自小在建制內被TRAIN, 自古以來係識揸高達

一天被調去鄉廣進行任務, 發覺根本唔係支麻的大外酸所講一回事
於是反轉槍頭去幫鄉廣人, 鄉廣人見佢難得識揸高達, 亦委以重任

仔仔老豆其實知自己國家的行為好PK, 在建制內暗中協助阿仔去做抗爭
故事推進下觀眾甚至覺得爸爸先係整套劇的主角
而兩國陣營內都有人玩自私及勾心鬥角, 好人壞人難分, 亦各自有自己立場的奶油;

所謂太陽之牙, 係指鄉廣陣容內的一隊尖兵, 仔仔當然就係其中主要成員
此作品內的機械人比高達內的機動戰士更無主角威能, 基本上太陽之牙存在否對整個戰局係無乜影響

故事去到最後鄉廣都係唔夠支麻打, 太陽之牙解散, 強敵在前各人決定不作無謂犧牲,
暫時各走各路留待有用之身作日後時機成熟再抗爭

其實我無睇過, 上述係本討論區聖人WALKER窿接受TCM TOYSCHANNEL介紹本作品時說出的大剛
果兩個國家名係本人自己創作以方便各位入腦 (有關主持們的價值觀都明架喇)

hong1971

日本既故事好睇就係人性 同正邪難分 有現實感
唔似當時的美漫 奸就要做壞事 忠就只可以做好事 比較失真

玩具Joe

我都係近年先睇返套劇, 發覺內容都幾複雜, 好多人性軟弱同邪惡面, 另外軍事部署及作戰方法都幾精彩, 小朋友睇可能會有D吃力, 總結係一套不錯既作品。

大丈夫

熱狗OO 發表於 5-3-2023 10:25 PM
第一集起首畫面係主角機鬥軍的殘骸坐在地下, 從而倒叙個故事:

鄉廣星球係一個比支麻星球壓迫的國家, 反 ...

玩具同政治没有关系。

熱狗OO

玩具Joe 發表於 7-3-2023 04:26 PM
我都係近年先睇返套劇, 發覺內容都幾複雜, 好多人性軟弱同邪惡面, 另外軍事部署及作戰方法都幾精彩, 小朋友 ...

我果時睇完裝甲騎兵, 本來都找到太陽之牙條LINKE想接住睇

睇左五分鐘個頭有點赤, 一放低便放低到依家, 無十年既, 都肯定超過五年

我都好記得個時間性太陽之牙係高達同超時空要塞之間出現, 唔係80就係81

當高達岩岩先帶起真實系的頭, 幾乎作為真實系的第二作太陽之牙一踩便踩得咁深, 可想而知當時絕對唔會太多知音

而太陽之牙的機設仲無高達般令小孩易入口, 亦難以吸引當年的死小孩像追高達般就是睇唔明故事都可以睇靚仔機械人打鬥

就是今日看回鬥軍等的機設, 其真實及軍事風也遠勝近年的真實系, 只是昭和味重些

熱狗OO

hong1971 發表於 7-3-2023 02:39 PM
日本既故事好睇就係人性 同正邪難分 有現實感
唔似當時的美漫 奸就要做壞事 忠就只可以做好事 比較失真 ...

都唔係, 日美都各有幼兒向或成熟向作品

變形金剛的美漫都可以很複雜及政治黑暗向的

但成熟向或幼兒向跟好不好看無關, 一套出色的劇本可以俾導演做得好爛及好悶, 一套不出色的劇本也可以俾導演造得好有追看性

好簡單, 比你再睇, 你會揀頂一次ZZ高達定GUNDAM SEED? D廢老一定話ZZ架, 掩住良心為了對得住UC系道德高地把口都一定話唔鍾意SEED, 惟市場上話比你知大部份人的心裡答案囉

bigbigfriend

熱狗OO 發表於 8-3-2023 03:28 PM
都唔係, 日美都各有幼兒向或成熟向作品

變形金剛的美漫都可以很複雜及政治黑暗向的

兩套比我楝會揀Seed，原因不是劇情，而是作畫、畫質和故事節奏，太古早味就算UC老鬼都頂唔順…
如果係Seed和OO，我就會揀OO，Seed嗰啲過多兼用戰鬥畫面又係頂唔順⋯⋯

eddiem249

bigbigfriend 發表於 8-3-2023 05:40 PM
兩套比我楝會揀Seed，原因不是劇情，而是作畫、畫質和故事節奏，太古早味就算UC老鬼都頂唔順…
如果係See ...

Seed 都好少少，Seed D 簡直係災難

bigbigfriend

eddiem249 發表於 8-3-2023 06:08 PM
Seed 都好少少，Seed D 簡直係災難

頭十幾集還可，自從Freedom被”主角”吉爆咗之後完全失控，當時OP標題突然轉咗用”突自”做背景，我睇到呆左

DenloX

大丈夫 發表於 8-3-2023 10:59 AM
玩具同政治没有关系。

動畫同政治好有關, 玩具自然有關, BTW呢個世界乜都同政治有關, 你唔like就唔好做人了

DenloX

熱狗OO 發表於 8-3-2023 03:23 PM
我果時睇完裝甲騎兵, 本來都找到太陽之牙條LINKE想接住睇

睇左五分鐘個頭有點赤, 一放低便放低到依家, 無 ...

裝甲騎兵緊揍好多, 太陽之牙真係好L悶, 同埋最騎呢係一個可以造出巨形機械人同warp travel嘅時代, 但重用有線電話...

HighLamb

DenloX 發表於 8-3-2023 09:55 PM
裝甲騎兵緊揍好多, 太陽之牙真係好L悶, 同埋最騎呢係一個可以造出巨形機械人同warp travel嘅時代, 但重用 ...

用"有線電話"，呢個可能同技術問題有關，因為太陽之牙個故事係發生在地球以外的星球(迪萊亞星)，可能該星球上面有干擾無線電波的自然現像發生；就如"高達"都有"米諾夫斯基粒子"一樣。

熱狗OO

說回玩具本身, 已有原色喇, 插水時買的, 唔記得係$480定$580;

好好玩的, 可動性好高, 顏色實淨, 再買就唔喇

再販對於已有者唔係無意義既, 對住D新相片擺番新相片的POSE囉, 搵下借口溫習下隻舊作

玩具Joe

HighLamb 發表於 9-3-2023 09:32 AM
用"有線電話"，呢個可能同技術問題有關，因為太陽之牙個故事係發生在地球以外的星球(迪萊亞星)，可能該星 ...

記得故事事裡面有提到個星球上面有種唔知乜乜電磁波之類既野, 相信係會影響通訊或者一D電子設備, 所以有D機體既設計係針對呢方面既影響而開發或改良的, 主角機就好似係其中之一, 如有錯請指正。