2022年11月 SHF 幪面超人BLACK SUN

布拉度

我鍾意怪人形態多點，感覺型過世紀王造型

玩具Joe

今日剛剛睇到第4集, ok好睇, 故事前後交替未覺得混亂, 反而更加了解每個角色既背景, 加入政治元素今故事更加寫實, 打門場面唔算太多但亦覺足夠, 會努力睇埋餘下既集數。

lostintv

Black sun 731...........

mpchi

lostintv 發表於 2-11-2022 06:09 AM
Black sun 731...........

The name and theme of the show is surprisingly fitting for 黑太陽731.

nela

布拉度 發表於 2-11-2022 09:17 PM
你想看完十集首先你要拋開你是系看著拉卡片依個框，清空你心嗰杯水，看導演編劇想和你講什麼。我個人觀感 ...

有人like rider 要幾重變身/ 五顏六色 / 誇張演技 / 有靚女穿插  .

暫時睇了一半 但我like 呢套有真實感覺多D

熱狗OO

綜合幾個回POST喇, 我又不妨拉長個討論

喂我知咩叫做黑暗同寫實風格, 我根本無拉打底因為壓根兒就不是拉打迷, 咁作為日系ACG老粉都會睇過下拉打喇

所以我係完全無甚麼包袱或期待的

觀看前都知係講怪人與人類共存事宜, 無乜打, 主角好頹, 與原著無關, 呢D我開機前全部有晒預期的了

講怪人與人類共存嘛, 我直頭心理上當係強殖裝甲外傳咁睇好吧 (跟住肯定有人說: 呸, 咁物你問題囉)

喂大佬, 表現出來我覺得係柒兼悶喎, 悶都未至於悶, 因為係柒到悶唔死果隻囉

有說較跟漫畫, 我唔理喇, 怪人與人類共存的故事拉打555講過喇, X-MEN都算係探討呢種, 唔係新野囉

要食飯有機會再說

yugi

鍾意佢唔似依家特攝咁多特效多到走火入魔咁

另打鬥佢真係會受傷而唔係依家咁比人斬中都只係戰隊式有d火花出黎就算

玩具Joe

其實同一套戲有人喜歡有人唔喜歡好正常, 大家都係講出自己既睇法同感受, 無乜問題, 最緊大家互相尊重, 開心sharing。

acefung2012

第一次睇幪面超人係覺得變得動作型

Garycharm

睇完10集。
好好睇就唔講得，追看性唔高，
起碼我每次唔係真係好期待下一集。
又，雙線發展，我個人好唔鍾意。

但係亦唔爛……的確間中係有啲戇居嘢，
以特攝邏輯算係可接受範圍。

打鬥、設定我鍾意，還原番當年漫畫感覺。
諷刺方面，好過新咸蛋好多。另外一句「怪人出產地」我笑到hi咗～

整體收貨啦。不過我份人膚淺，我鍾意當年the first 多D。

newnov

故事就算啦，好似睇龍珠劇場版咁，有啲情懷就夠啦，
只在乎啲玩具正唔正，講真腰帶都完全唔夠而家啲拉打咁多道具好玩，得個自動變形，但就真係好型
Shf 就太細又貴，都睇唔清，掌動有戰蝗幾好，但真係未玩過呢種盒蛋，都唔太高質咁
以前都話有M記rah，而家真係無咩好玩，可能一番賞出隻figure會有啲睇頭，但又得個擺字

玩具Joe

今晚終於睇完, 最尾個集都幾精彩, 兩位主角結局算做合理同完滿, 反而肥妹仔最後做個D就有D奇怪同無必要, 可以用其他方式去表達佢既信念, 另外想知個警察阿頭是什麼人來？每次出場都幾刻意影佢咁既？

Donerkebab

玩具Joe 發表於 4-11-2022 12:14 AM
今晚終於睇完, 最尾個集都幾精彩, 兩位主角結局算做合理同完滿, 反而肥妹仔最後做個D就有D奇怪同無必要, 可 ...

我覺得套片係想突顯出警察阿頭作為人類嘅刻盡己任吧，不論要執行嘅嗰啲任務係幾咁埋沒良心都好，佢都係使命必達嘅。

kennethli

睇完10 集, 完全係可以解毒止咳...
型係型, 但係同套明日戰紀一樣, 劇情九流, 再好人設機設都無用
吐糟一下:

1. 怪人係因為軍事改造而來呢點無問題, 但可唔可以解釋下D 平民怪人係咩事, 一街都係wor , 個個都好以天生係怪人咁, 對個政府完全一D 恨意都無? 定係佢地係被洗腦既怪人? 下一代? 咁上一代唔會話你知係俾人迫去改造嫁咩?
2. 堂堂一名怪人, 要屈膝係一個得把口既垃圾首相面前? 仲要50 年wor 你講到D 怪人好似無戰鬥力咁, 呢點真係好反感, 仲要明知做怪人慘過乜咁, 仲係咁改造人來做怪人來做乜, 你又唔係想增加兵力, 就係要滿足條低能首相拎去拍賣?
3. 呢頭比魯吉尼亞先改造完人地老豆同個女, 嗰頭見到博士好似啱啱先知原來怪人係改造出來既, 大佬, 你失憶呀?
4. 二兄弟改左做二個朋友, 完全無哂FEEL
5. 開頭見住佢二個咁痛苦咁俾人塞粒帝王石入肚, 嗰頭條女問佢地拎就可以拎個銀包出來咁易, USB 呀?
6. 創世王係做怪人奶媽, 影月你明明話要怪人統治世界, 嗰頭自己搶住做奶媽? 奶媽救地球呀?
7. 一個o靚妹當住聯合國宣戰, 之後大家可以當無事發生咁, 繼續你有你生活, 咁大量?? 仲要條o靚妹係度召集其他細路搞聖戰wor , 真係由得佢???
8. 搞完成場大龍鳳, 之後怪人繼續被歧視, 換個首相就當乜事都無發生過? 雖然我估佢一定有RX 但係睇唔到仲有咩動力...

講住咁多先, 原本我一路睇一路心諗佢會有D好爆既劇情, 點知.... 唔好話呢套野係兒童向呀, 佢又爆頭又扯條腸出來, 好成人嫁, 但係我完全睇唔出有咩好睇, 係得最後嗰集個OP 叫睇得有D 興奮, 無啦

lostintv

有色眼，留一手，可能另外出版本! ？