食玩 暴太郎戰隊

hinaoi

nobita16 發表於 28-2-2023 07:33 PM
咁有D人可能睇完套劇先有愛呢, 有得買唔駛食炒又係原罪?

如果真係咁有心照顧玩家，咁點解喺知道唔夠貨，連日本本土都要食炒價或爭餐懵嘅時候都唔一早再販嘅？

bigbigfriend

有乜好鬧，初初買唔到炒起咗，咪唔好買囉，到熱潮過咗再返出，退咗燒嘅，咪唔好買駛乜理佢，又可慳返啲錢，相反如果仲係鍾意嘅，咪開開心心去買囉。作為玩家，理得你笨大點出，攞嚟鬧。
除非你儍仔走去買炒貨啦，呢個係你自己傻嘅問題，關笨大乜事？

yugi

nobita16 發表於 28-2-2023 07:30 PM
咁反轉黎講人人都有得執跳樓價SP2 唔係應該高興咩?

不過如果連01果套都買唔到D人應該唔會只買02

hinaoi

bigbigfriend 發表於 28-2-2023 08:58 PM
有乜好鬧，初初買唔到炒起咗，咪唔好買囉，到熱潮過咗再返出，退咗燒嘅，咪唔好買駛乜理佢，又可慳返啲錢， ...

你接受又覺得冇需要鬧係你嘅事姐
其他ching覺得佢肌餓式行銷嘅手法唔好鬧兩句又唔得嘅？討論區有限人地唔可以鬧廠商？

hinaoi

yugi 發表於 28-2-2023 09:10 PM
不過如果連01果套都買唔到D人應該唔會只買02

可能佢覺得可以跳樓價買到02，就算買唔到01，或者要炒價買番01黎補完，益班炒家已經係要跪地感恩

shallbe

講緊bandai行銷有問題，製造無謂既炒賣市場，結果係只令炒家得益，部份玩家食炒，又令到一般商家要跳樓賣死貨。
上面位人兄就係都要夾硬拗冇問題，是但你啦。

bigbigfriend

如果出到一街都係任你買，咪一樣變死貨/骨頭，依家唔同以前，每個項目製作成本好高，控制數量好緊要，寧缺勿濫。到真係受歡迎有需求再販都未遲。唔好淨係睇自己，暫喺別人角度諗吓啦！

hinaoi

bigbigfriend 發表於 28-2-2023 09:40 PM
如果出到一街都係任你買，咪一樣變死貨/骨頭，依家唔同以前，每個項目製作成本好高，控制數量好緊要，寧缺 ...

所以我就問，第一水已經睇到係受歡迎係唔夠貨，連日本都係咁，點解遲遲都冇再販？反而等到套劇完先再販？

bigbigfriend

hinaoi 發表於 28-2-2023 10:17 PM
所以我就問，第一水已經睇到係受歡迎係唔夠貨，連日本都係咁，點解遲遲都冇再販？反而等到套劇完先再販？ ...

苯大每年對戰隊玩具重點最主要是放在DX玩具/變身道具身上，食玩市場只是次要，食玩買得多不多所得的利潤都是小數目，簡單講就係唔care。
還有食玩是有糖果有食用限期，過了期就不能再賣。所以通常一次過做一批很小再販。依家套戲完咗再出豪華版，算是笨大對此產品受歡迎作一個對應。(近年戰隊都係咁做)

shallbe

bigbigfriend 發表於 28-2-2023 11:25 PM
苯大每年對戰隊玩具重點最主要是放在DX玩具/變身道具身上，食玩市場只是次要，食玩買得多不多所得的利潤 ...

Bandai唔care既話，就唔會同一個模，出三個版本，

用返往時做例子，戰隊食玩係會再販，亦都會出機械人別色版sp，出既時間係劇場版上映當宣傳
今年就直接將鬼退神“定義”係sp，然後原先既食玩系列，就變成出左堆暴太郎武裝；最卑鄙係商品預訂呢個系列箇陣連縮圖都唔提供一張，零售商/玩家以為預訂左鬼退神，訂晒之後先知係另一套野gg晒，箇到已經俾bandai呃左一浸；

回應埋你話我淨係睇自己？
不如你睇清楚，
而家我話bandai卑劣行銷，都從各方去睇佢產生既影響
從玩家角度睇，玩家要食炒價
從零售商角度睇，sp02變蟹貨，同時上面提既暴太郎武裝都蟹埋；話bandai考慮糖果限期所以貨量唔會出得多，唔好玩啦，上面兩款咪多到蟹晒過晒期，要零售suffer囉；
從市場健康睇，咁樣行銷法得炒家受益，同埋bandai自己殺雞取卵式受益；知道今年鬼退神受歡迎，就玩弄手段一模出三次再屈買家買三次；當然玩家有選擇權可以唔買，但唔代表佢咁玩就唔係卑劣喎
上面咁樣睇件事都唔係睇晒唔同受眾角度，反而你不斷幫bandai抬橋，都可以話玩家只睇自己。
都係箇句，應埋你呢轉，你仲有乜高見都是但你了，哈。

hinaoi

bigbigfriend 發表於 28-2-2023 11:25 PM
苯大每年對戰隊玩具重點最主要是放在DX玩具/變身道具身上，食玩市場只是次要，食玩買得多不多所得的利潤 ...

原來唔care，即係唔存在佢係見受歡迎，真玩家又餓咗咁耐，所以佛心再販之說，亦即係話是次再販都係用盡個模賺多筆咁解

shallbe

hinaoi 發表於 1-3-2023 12:31 AM
原來唔care，即係唔存在佢係見受歡迎，真玩家又餓咗咁耐，所以佛心再販之說，亦即係話是次再販都係用盡個 ...

Sp01鬼退神 一套賣2700yen, 賣斷市，日本本土都炒到上一倍價錢，bandai依舊冇再販

點知大半年後，bandai突然佛心，出pb 既鬼退神，盛惠4000yen, 玩家感激bandai出左個平過炒價貴貴過通販既黑仔版，感動流涕；

點估到bandai再次佛心，兩個月唔夠再出個終極pb版，今次收大家7000yen,有齊全套又有金屬性，佛心啦卦

都係提醒各位戰隊食玩老主顧，bandai冇死錯人，真係唔駛同佢買頭一兩套，因為佢永遠都會出一個全套，sp之後都係會有sp既

bigbigfriend

shallbe 發表於 1-3-2023 12:28 AM
Bandai唔care既話，就唔會同一個模，出三個版本，

用返往時做例子，戰隊食玩係會再販，亦都會出機械人別 ...

係先好喎哥仔，寫幾句又忍唔住氣打一大篇野嚟回我，好笑…..

bigbigfriend

shallbe 發表於 1-3-2023 12:49 AM
Sp01鬼退神 一套賣2700yen, 賣斷市，日本本土都炒到上一倍價錢，bandai依舊冇再販

點知大半年後，bandai ...

師兄你呢種態度就啱喇，睇到笨大套路，下次咪知點玩囉。
大家都唔係笨大市場部，人哋大公司有好多計算，冇必要諗人的陰謀論什麼飢餓行銷。
作為玩家，小啲怨氣，開心簡單去玩便可。

bigbigfriend

要了解，不論拉打和戰隊呢啲年番玩具/商品，完全唔同高達模型和收藏成品系列，可以不限時間無上限再販，就算幾十年前的模型都有很大需求。但年番玩具就不同，他們只有一年時間去銷售，過咗一年舊戰隊完結，新戰隊上場，上一年嘅玩具就會變成過氣倉底貨，細蚊仔唔會再要。你可看看日本大型二手玩具店嗰啲過氣戰隊玩具多到嚇死人就知道。
所以笨大對呢啲年番玩具數量控制好嚴謹，不可以有太多賣剩積存，尤其呢啲次要食玩，唔理好唔好賣，出完一批就算，點解我話唔care？因為比起DX玩具利潤比例非常小，唔會為咗嗰一毫子去冒險，相反如再版買剩太多仲麻煩。
其實大家睇吓依家出面市場就知，機界食玩都可能仲見到有小小，魔進和騎士龍呢？

其實今次推出所謂再版都係放喺魂限，俾啲買唔到嘅大細路去補返，成件事其實係好事來，但就俾你班怨婦講咩賺到盡、飢餓行銷負面到爆，講兩句就話我唔俾你討論？你地呢啲唔係叫討論，比我感覺只係一班細路買唔到玩具負面情緒大爆發怨來怨去。

只要簡單諗吓，堂堂一個大型上市玩具公司，有這麼多玩具系列，會唔會為一個小小的食玩系列做飢餓行銷？笑死人。