吹水：你認為神作的變型/合體機械人玩具

Garycharm

以前笨大隻手遮天，玩具迷乖乖祈禱等合金魂推出大型合體；今日玩界風起雲湧，可以話兩三個月就有一隻重點玩具推出，
玩玩具真係有好多好多選擇。

不過欲望無限，我地既要機械人可以忠實變形、又要佢高可動兼實淨襟玩，
越o黎越嘴刁。
不如問下大家，手上咁多合體/變形機械人玩具，邊一隻可以稱神？

HighLamb

玩具界最神個類變型/合體機械人，應該係"變型金鋼"-Transformers，變型金鋼 最早係由 Takara 開發的玩具產品，最初係無動畫/漫畫配合支持推廣，之後由孩之寶引進到美國再發展。係先有玩具後再有動畫、然後有電影；產品亦有多間不同廠商同時生產。

Garycharm

HighLamb 發表於 9-8-2021 03:59 PM
玩具界最神個類變型/合體機械人，應該係"變型金鋼"-Transformers，變型金鋼 最早係由 Takara 開發的玩具產 ...

變形金剛背後故事的確好傳奇。

係我個人問題，「我呢代」真係對老變冇乜情意結。
老變對我始終冇popy 合金個種烙印，所以玩起o黎會差少少。


單講變形合體，老變又孩記又T記又第三方又高質合金老翻，
平均係好玩過合金魂。所以，變迷是幸福的。

事實上，如果問我一隻可以「稱神」o既變形合體玩具，我會揀電影天火文~~

ZZ-Gundam

超合金魂 Gunbuster
超合金魂 大王者
POSE+ 功夫漢
Halfeye 神魂合體豪旦那
呢幾部係玩到嘩出聲既，設計巧妙

waiwaiwai326

其實評論變形合體機械人,應該分變形金剛類及日系動畫特攝類,因為兩者玩家要求不同,前者無咁要求外形及變形跟足原設,容許玩具有自己的獨特創意,玩家較重視玩的時候所帶來的樂趣;後者對原設定執著,極重視外形及合體過程的還原,最經典例子是合金魂大武士用假頭變形,被無數人嫌棄,但柯柏文用假胸多年,只有少數玩家不接受

fallout8

HighLamb 發表於 9-8-2021 03:59 PM
玩具界最神個類變型/合體機械人，應該係"變型金鋼"-Transformers，變型金鋼 最早係由 Takara 開發的玩具產 ...

同意，求其一隻百幾二百蚊既TT老變已經變得好神，雖然變回機械人時個形態重似唔似一個人樣就另作別論。

另外TT既diaclone有d變型都好有創意，例如將個拳頭收係個車軩入面，個車軩重要識轉

waiwaiwai326

如果要揀變形巧妙同外形都跟到原設,我揀Macross VF

Garycharm

waiwaiwai326 發表於 9-8-2021 04:26 PM
其實評論變形合體機械人,應該分變形金剛類及日系動畫特攝類,因為兩者玩家要不同,前者無咁要求外形及變形跟 ...

當初文哥假胸，一樣有俾人鬧，
直頭依家都有，不過聲音遠比玩日系合金少~~

不過我都好同意，將老變同傳統合金分開比較會好些。
另外，其實塞系都好勁，隨便一隻已經妙絕毫巔，可以輕取大部份合金魂。

Garycharm

waiwaiwai326 發表於 9-8-2021 04:39 PM
如果要揀變形巧妙同外形都跟到原設,我揀Macross VF

同意，菜系真心好勁！

yugi

有部份人玩其他廠原因之一係厭倦笨大那種飢餓式銷售下下要搶

Dancougaproto

我覺得Lego出嗰隻百獸王都算係神作，唔貴，又大隻，身型又唔差，唔使換件合體，我想除了可動性低之外無乜其他缺點

laiken

咁十幾年前笨大嘅超合金魂真係稱得上機械人玩具嘅master piece，由較早期GX-13超獸機神，去到較後嘅GX-40六神合體，都可以話80分以上。就算被近年Pose+比下去嘅GX-38天威勇士，其實當年嘅技術嚟講已經係好好，話曬都係十幾年前嘅產品，就好似你攞部小米去同十幾年前嘅Sony Ericsson P900。不過笨大呢幾年真係不思進取，好似亦因為超合金魂條line嘅team轉曬人，所以d出品質素差曬。就好似幾期隻GX-71百獸王咁，連最簡單嘅方法去遮蓋返紅綠獅四肢嘅機關都唔願做。當年隻六神係收納機體雙手嘅做法真係有heart好多。

lysonlin

我反而会拣Gobots Puzzler 虽然基本无咩可动 但系变形合体方式 真系会令人眼前一亮 除此之外 应该就算系g1 combiner 中意系因为手手脚脚可以互换位置 现在审美标准下 应该会成为过去

yoda大師

哈哈，變形同合體兩邊都好大陣營

百載真純

變型方面可能係呢隻,