本帖最後由 根本英俊 於 10-2-2022 01:44 AM 編輯
我有入 合體後無甩出黎, 不過隻野真係太重, 佢下肢唔算太夠力, 妳話佢5000係唔係貴, 咁5000入B記果隻都大有師兄在, 佢既SIZE同B記既DX版一樣可以拍埋一齊玩, 其實見有部份師兄都係無入, 都係睇人開箱就有好多高見, 我覺得好唔好靚唔靚真係好主觀, 覺得抵, 鐘意咪入, 覺得唔抵又有B記果隻其實又唔洗酸人地果隻出得差, 當然妳話佢係唔係出得一流, 我有以下觀點:
1) 黑獅子形態下坐姿唔靚, 因為黑獅子後腿唔可以向前屈, 所以佢跟本就坐唔到響度(有錯請指出)
2) 紅綠獅子著燈真係好奇怪, 我唔會話著燈都係開頭玩下無所謂, 但佢咁大隻一定可以做得好D, 方法太多啦!3) QC真心麻麻, 我隻藍獅後腳一開已經軟骨散, 黑獅子有戰損同有一個位好鬆, 已同代埋申請換, 不過到而家都未有回覆點換
咁我入左佢, 佢合左體又真係好形, 我無入B記, 因為覺得佢身形好奇怪, 同我想入既時候一直都炒價, 到5PRO話出之後, B記先再版, 當然之前有一位師兄係咁話"因為版權所以只可以出一水, 以後每出一水都要申請, 所以有得買好買"呢D言論都係令個價炒到上天既其中原因, 我又唔夠觸覺下下可以狗衝去訂得到, 所以5PRO呢隻係貴, 但我入得好舒服, 而佢合左體之後又真係符合左我對百獸王既印象, 而平心而論佢絕對唔係B記既放大版, 不過佢確係可以出得再好D, 就等於我到而家都未試過可以將佢好自然咁跪響度, 當初訂佢就係想要佢既高可動....唉.....
而家B記二千鬆可以買到, 其實係玩家之福, 我樂得多D廠可以出多D玩具, 而唔洗下下食B記既產品, 呢幾年下下都用"向舊合金致敬", 出黎既質素我就接受唔到, 我自己覺得, 而家既風氣已經係妳唔訂係無得WALK IN買到玩具, 可以咁講妳訂唔到就一定要食炒既年代, 我情願D廠出得好D精緻D高可動D (好似POST+隻勇者王) 反正妳食炒既價都等於人地既訂價, 咁我情願等到有好既產品先入, 而唔係出D用緊20年前既關節加30年前既既外觀, 然後就同妳講係還原動畫/漫畫/原作既產品! 然後加多句向舊合金致敬, 咁想致敬玩番舊時既味道我為乜唔追番舊版喎?
|
樓主: Vince
發表於 2-2-2022 01:54:23
合金魂都係插條獅子尾入隻黑獅子道.... 
但張貼紙啲字唔清晰之餘仲要啤到走晒位喎？要成5千幾蚊嘅高級產品嚟個喎？
