2021年11月 超合金魂 GX-99 三一萬能俠 GETTER ARC

G-man

taifat 發表於 22-11-2021 09:55 AM
背脊嗰幾枝筷子真係頂晤顺

放出雷電轟擊!!!!

Dancougaproto

stonekeung01 發表於 29-11-2021 08:00 PM
日本報告
https://hacchaka.net/archives/52075833.html

個頭係咪太大了？

Agito

還以為那隻是機械獸,原來是3號機????????????

Garycharm

三一ARC 生化感強過機械感，本來設計就唔太適合做合金，如果出隻SIC，可能更對味。

說起來，好多三一都有相同問題，一隻水桶三一，由當年首辦時代、山口式、新世紀合金，經歷好多出色製作人修正，才有近年的佳品。
三一ARC 產品尚少，冇乜得抄，加上近年合金魂守舊作風，都冇得期待。

利申，已訂，冇乜心機去拎~~

馬仔

Garycharm 發表於 30-11-2021 10:33 AM
三一ARC 生化感強過機械感，本來設計就唔太適合做合金，如果出隻SIC，可能更對味。

說起來，好多三一都有 ...

我本身都係Getter 迷，但呢隻連30%喜愛都無，所以唔會考慮去定或者一出即買（隻號就一出即買），如果佢跌到8百左右或更底，可能會買隻玩下，到時可能玩得會開心D.

lydiamomo0903

這隻最大問題就是動畫實在做太爛⋯

Vince

lydiamomo0903 發表於 30-11-2021 10:56 AM
這隻最大問題就是動畫實在做太爛⋯

套動畫真係睇得好鬼辛苦。

robotkelvin

當初睇設定真係唔對胃口，諗住睇埋動畫可能改觀，點知套動畫咁爛，畫功差，戰鬥場面唔掂，Getter3其實打得幾好睇，可惜佢個設定實在太重口味。

睇官圖和一些開箱介紹都唔見前臂金刀收納替換配件！HG模型都有喎！

熱狗OO

呢隻野我以為係新設計, 點知原來N年前的漫畫版造落的;

感覺上背脊幾枝野叉出來係方便玩具化, 因為無論翼或斗蓬對於玩具都係好難造或造得好

但Arc呢種表達方或給我的感覺就係懶, HEA

作為真三一的後續, 完全沒有超越真三一的丁點感覺, 先天性注定失敗, 動畫仲想睇下, 點知你地話好難睇就更加擺了

呢隻野從一開始已經唔係 "睇左當買左" 系列, 直頭係 "送都未必要" 系列

無既, 學樓上某回覆, 插到落幾舊水先囉, 樓上話等8舊, 我就覺得佢無理由值得過FIX 紅渣1, 固此, 我排699

Garycharm

見大家講套動畫講得高興，我分享一下幾個月前FB寫o既睇後感：

------------------------------
三一萬能俠終於有新作！！！更係改編自石川賢先生的同名漫畫遺作。漫畫ARC隨著2006年石川先生逝世而夭折，終於可以在動畫補完，是動漫界的大事。就連玩具商Bandai也推出一系列企劃去響應，務求再推動機械人熱潮。

故事接續過往三一萬能俠的世界觀，有「舊三一」、有「三一G」、有「三一號」、有「真三一」（希望你明我講乜）；也有一些舊角色，但細看又總有點不同。所以大家當作平衡世界的新故事好了。

故事講述：地球忽然出現新外敵，流龍馬（舊版男主角）的兒了流拓馬和隊友，受命駕駛早乙女博士最後遺作「三一萬能俠ARC」迎敵！！！

先講感覺：差！

超級機械人故事標準，有外敵有英雄、有巨大機械人，看起來都差不多。今次稍特別在於為甚麼外敵要侵略地球，不過所謂謎底，對今日觀眾而言也缺乏新意。網上有說，漫畫夭折就算了，但動畫的結局也交待不清，罪大惡極。在我看來，動畫結局已交待得相當清楚，也沒有剩下甚麼重要謎團。老實講，以今次的製作水平，佢再整多幾集我都冇心機睇。

真正問題係，角色塑造唔好睇、機械人打得亦唔好睇。至於被吐糟的不成熟3D技術，反而小事。

先講角色，三個主角駕駛員都悶出個鳥，主角流拓馬，支持佢行動只係一股復仇執念；二號機，半人半恐龍神威匠，只係一個乖乖學生，就算後o黎劇情轉變，人物設計都粗糙尷尬；三號機山岸獏，直頭零存在感。只要相比2004年的【新三一萬能俠】（暱稱：打鬼三一）就知分別：流龍馬係窮L道場主人，出場冇耐就將幾個壞人斬開幾碌；神隼人係痴線革命家，出場係襲擊早乙女研究所；弁慶更加勁，直情以屠夫淫僧姿態登場！我不是讚揚暴力色情，而係想比較兩齣劇集的角色魅力，能否和「又惡又強」的三一萬能俠相配。

更大問題係機械人打鬥，首先三一萬能俠ARC o係十三集入面完全、係完全冇發過威！真係一次都冇呀！！！！！冇一次熱血！亦冇一次贏得好睇！對手怪物設計好諗唔諗，用「蟲」做主題，於是，大部份時間都見到三一ARC 拎住枝斧頭電蚊拍o係度拍蚊！仲要每場只係打幾下就收皮。我想睇機械人大戰啊！頂你個肺，我睇緊乜鬼o野？！！！稍為好睇係「黑真三一出場」，不過大家都知只係翻炒舊橋，事實上「黑真三一」造型亦唔夠舊「黑三一」討好，失敗！

本片另一看點會係有各式各樣三一萬能俠登場。除了上述的「黑真三一」，還有「三一D2」、「恐龍三一」、「帝王三一」、「三一天」、有一兩隻夠斤兩大怪獸、也有些肉腳變型機。沒看過漫畫的朋友，對這些角色或曾耳聞，今日算係有機會睇到。

大部份機設都不錯，尤其「三一天」，真係好型。至於舊角色「三一龍」就得個講字，冇出過場。本片另一大惡係：帝王三一及三一天都冇真正打過！……其實帝王三一有打過人，不過完全唔係果回事。而三一天更加係只出一個畫面，我頂你！頂你！頂你呀！！！！！

（利申：已訂GX-99苦主）

Vince

Garycharm 發表於 30-11-2021 05:06 PM
見大家講套動畫講得高興，我分享一下幾個月前FB寫o既睇後感：

------------------------------

其實動畫應要補完返漫畫既不足 ...
但套 ARC 動畫 如果冇睇過漫畫，唔上網睇返資料，咁本就唔會睇得明 ...
由其係最尾 2 / 3 集 ... d 時間又跳前，又跳後 ... 真係食左暈浪丸都嘔住睇 ...
最後幾隻 三一 更加冇交代過點出黎 ... 幾形都冇 feel la ...


佢地係路過既 三一 ...

ming123

Garycharm 發表於 30-11-2021 05:06 PM
見大家講套動畫講得高興，我分享一下幾個月前FB寫o既睇後感：

------------------------------

三一天係邊部 ? serach 完唔肯定 (套動畫未睇晒)

Vince

ming123 發表於 30-11-2021 08:33 PM
三一天係邊部 ? serach 完唔肯定 (套動畫未睇晒)

D 部就係 getter 天

Garycharm

Vince 發表於 30-11-2021 07:12 PM
其實動畫應要補完返漫畫既不足 ...
但套 ARC 動畫 如果冇睇過漫畫，唔上網睇返資料，咁本就唔會睇得明 . ...

你果三張圖-----佢o地係只擺pose  o既三一

btw有件事我唔太同意。
你話「唔上網睇返資料，咁本就唔會睇得明 .」

咩叫睇得明？
要明晒所有人動機？時代、設定背景？
我覺得未必需要。

我之前冇睇漫畫，但我諗我覺得自己睇得「明」套卡通，
亦唔鍾意呢套卡通。
我亦相信，就算我有睇設定有睇漫畫，都唔會鍾意呢套卡通。

Vince

Garycharm 發表於 1-12-2021 04:22 PM
你果三張圖-----佢o地係只擺pose  o既三一

btw有件事我唔太同意。

本身漫畫版入面 ARC 係由
號 > 真三一 > ARC
但動畫就冇做前 2 套 ... 所以好多人物故事/關係係冇交代過。雖然對劇情影響不大，但如果大家知多 d，可能睇得開心 d ...

我覺得如果要做好套 ARC 動畫，第一件事就係換晒班低 ... 唔好再用 3dCG 去做機械人 ... 再由 reboot getter 號 開始，再慢慢 build up 上去 ...