冇樓屬於自己空間係甘買玩具係咪病態？

laiken

raiderjack 發表於 7-8-2020 05:11 PM
有樓冇樓，只買不玩都係病態。但住在城市已經係一種病。要做到同病做朋友，唔好比佢控制。 ...

只買不玩嗰d人唔係病態，係因為佢哋以為keep住全新就可以升值，他朝一日就可以貴一貴賣返出去賺一大筆

Amelinda

也好像整一个来玩啊幸运飞艇

Lau

laiken 發表於 8-8-2020 07:10 PM
只買不玩嗰d人唔係病態，係因為佢哋以為keep住全新就可以升值，他朝一日就可以貴一貴賣返出去賺一大筆 ...

真係有人只買不玩架！！

好多時為左買黎儲，好多時只開盒睇一眼，check 下件，就長期封印喇...

TransformCube

其實係可以升值嘅,不過要等好耐囉,要等到件玩具絕版重要市面流通非常少,物以罕為貴,但係要等幾十年囉,好似依家啲鐵皮玩具咁 :(

Lau

TransformCube 發表於 8-8-2020 08:52 PM
其實係可以升值嘅,不過要等好耐囉,要等到件玩具絕版重要市面流通非常少,物以罕為貴,但係要等幾十年囉,好似 ...

如果一直都無新玩具出既話，都可能會升值既！！

是嗎？？

TransformCube

Lau 發表於 8-8-2020 09:02 PM
如果一直都無新玩具出既話，都可能會升值既！！

是嗎？？

要產量少又受歡迎,如果無新出,都可能會升值,日本啲大路嘢就好難,因為成日再版 :he:

laiken

TransformCube 發表於 8-8-2020 08:52 PM
其實係可以升值嘅,不過要等好耐囉,要等到件玩具絕版重要市面流通非常少,物以罕為貴,但係要等幾十年囉,好似 ...

重點都係，你要好彩遇到有買家會高價同你收
就算依家你攞d七八十年多絕版鐵皮玩具去d玩具舖，佢哋都唔會肯用幾千同你收，最多俾你擺低寄賣，但之後要等幾耐先有人買就冇人知

mpp025

我覺得師兄要停手買玩具或減少買了，另外我也認同之前有師兄提到，要俾家用家人，無論是否同住，當然同住便要給予較多，但當然要睇自己負擔方面的問題，另外負擔重，便不太應該在外住，因個使費真的大很多了，但如果已經有小孩，那便真的沒有辦法，明白住屋問題，有迫切性的般出外住，但我覺得，除非自己、伴侶及孩子沒有餘錢娛樂，如不是也必須給予倆邊的父母家用，如果真的要再分餘錢分發的優先順序，我會覺得是孩子，倆邊的父母，再來便是伴侶（我個人覺得，如倆人決定成為伴侶，應該是甘苦與共的決定），最後才到自己，希望大家有緣看到這段留言的，也能好好的對待身邊的人、父母、伴侶及孩子，也希望大家能愛護家人，之後才應該是自己（愛護自己應只是生命，健康及待人處事，娛樂個人認為是很次要，也是奢侈品）

Terryuhk

我覺得師兄要停手買玩具或減少買了，另外我也認同之前有師兄提到，要俾家用家人，無論是否同住，當然同住便要給予較多，但當然要睇自己負擔方面的問題

絕對贊同。不過呢D嘢好多時要等到個人有咗家庭，子女，父母年紀大了，人也成熟了，才識得咁唸。

joveinhk

Terryuhk 發表於 9-8-2020 05:22 PM
絕對贊同。不過呢D嘢好多時要等到個人有咗家庭，子女，父母年紀大了，人也成熟了，才識得咁唸。 ...

呢個討論區介紹的都不是兒童玩具, 黎得看, 玩得起既大多數都應該夠"成熟":78:

大凱撒

玩玩具唔代表唔成熟，成熟展現出自覺性、自制力，唔少CHING玩玩具都好忍得手，反而有唔少「好專業」嘅人完全冇自覺性、冇自制力，鍾意做咩就咩真係成熟極都有限。比唔比家用已經有好多CHING提咗意見，在下唔多講。回說樓主個情況，其實真係應該要返父母家好好做一次盤點，目標係決定邊啲保留，邊啲斷捨離，然後一次過全部搬離舊屋。結婚搬出去住係合理，自己有自主空間，亦還返個空間比父母家人。留舊嘢响父母家，除非係細個攞獎啲杯，定係大學畢業啲相，否則父母每次見到都係覺得你未獨立，要佢哋擔心。
至於斷捨離嘅問題，相信唔只在下，亦有好多CHING好頭痛，但問題唔係响有冇自己物業。在下置業嘅時候都以為有大把地方放玩具，但最後一道道嘆息之牆反而令自己返到屋企更心煩，最後都係租咗個倉。最可怕係，其實倉內大多數係玩具盒，之前有CHING計返條數，1個月用接近1000租倉，1年就係12000，多幾年就幾萬。咁即係每年用成萬蚊招呼玩具盒？在下見到都覺得好恐怖，真係要去倉大執一次。保值問題有CHING講過，唔多講。留盒會覺得件玩具先完整，但今日廠商成日加大個盒屈錢，咁仲係咪用呢個方法理解件玩具？但掉盒其實係治標，重要係斷捨離，玩夠皮真係放咗佢。那些年仲有YAHOO拍賣時代，曾經遇過一個高人。我當時同佢買咗件出咗唔係好耐嘅玩具，交收時問佢，唔係出咗好耐，點解咁捨得玩咁短時間（2個月左右）就放？佢話玩夠咪放咗佢LOR，唔想留太多。跟住佢講咗唔少玩過快放嘅例子，真係好佩服佢嘅斷捨離態度。玩具唔埋身的確同冇左冇分別，不如將至愛果啲放返响身邊，唔太愛嘅搵愛佢嘅人要咗佢，唔係件玩具會傷心（「反斗奇兵」理論）。
唔好意思！太長氣，斷捨離呢條漫漫長路，大家都一齊努力。

mpp025

大凱撒 發表於 10-8-2020 01:26 PM
玩玩具唔代表唔成熟，成熟展現出自覺性、自制力，唔少CHING玩玩具都好忍得手，反而有唔少「好專業」嘅人完 ...

斷捨離的確係好重要的方法，也認同般離了便不該留舊嘢响父母家，佔用父母住屋生活的空間，除了是細個攞獎啲杯或係大學畢業相，這些成長過程與父母有特別記念性質的物品

laiken

大凱撒 發表於 10-8-2020 01:26 PM
玩玩具唔代表唔成熟，成熟展現出自覺性、自制力，唔少CHING玩玩具都好忍得手，反而有唔少「好專業」嘅人完 ...

咁你當時係以炒價/原價/折舊價去同嗰個高人買(例如初出官方原價係$1,000，你係用大概咩價錢去同佢買)

laiken

大凱撒 發表於 10-8-2020 01:26 PM
玩玩具唔代表唔成熟，成熟展現出自覺性、自制力，唔少CHING玩玩具都好忍得手，反而有唔少「好專業」嘅人完 ...

結婚搬咗出去係咪要完全清晒喺父母屋企d嘢，呢樣家家唔同，好難話點做先係啱。而其實最重要係有冇同父母溝通同有共識。
例如，你父母本書身住過千尺大屋三房，你本身間房，就算你搬走咗佢哋其實都冇諗過改動，與其掉吉，不如原封不動，等你有時返去食飯可以喺間房玩下。
但如果佢哋只係住幾百尺，本身只係勉強間出間房俾你，或者係倆兄弟瞓同一間房。咁你搬咗出去，當然應該清咗你d嘢，等佢哋多返d空間住得舒服d。

至於斷捨離，有幾多Ching可以做到玩完就算，唔理價錢七八折甚至半價以下放返出去就算，好多人都諗住至少要平手放返出去，呢個先係做唔到斷捨離嘅主要原因。

Agito

laiken 發表於 10-8-2020 06:36 PM
結婚搬咗出去係咪要完全清晒喺父母屋企d嘢，呢樣家家唔同，好難話點做先係啱。而其實最重要係有冇同父母 ...

甘我屬於前者,單位七佰幾尺,我D玩具牙左一間房,還有兩間房,同埋我最少每十天返去1次,因為仲有一缸大魚帶唔走要返去換水,順道見下父母睇下玩具;
至於捨難離真係好難抉擇,我同其他師兄一樣,冇甘愛果D都想起碼當年價原價放出去,未計通貨膨脹,但事實上淨係想以當年原價放出去都好難放,同埋依家D玩具真係貴左好多舉例以前D shf百零二百蚊可以買到,現在D yen價定價很進取又下下魂限,貴左好多好多。