冇樓屬於自己空間係甘買玩具係咪病態？

Agito

係甘買,買左大部份都冇玩,自己又冇樓,佔據很多空間會被家人埋怨。

Lau

層樓唔係你...

有無自己一間房先？？

咁你俾幾錢家用先？？

Vince

家家有本難念的經，你覺得唔買玩具就唔會有其他問題???
另外，現在市價黎講 ... 唔買玩具可以買到樓嗎???

Agito

Lau 發表於 7-8-2020 12:18 PM
層樓唔係你...

有無自己一間房先？？

畀左25年家用了,係個"中老",結左婚後冇再畀,搬左出去租樓,自己都未顧掂自己,舊居仍被玩具佔據一間房所以有微言,新租樓太細玩具們無法遷移,所以有樓才可暢快地買玩具。

Agito

Vince 發表於 7-8-2020 12:21 PM
家家有本難念的經，你覺得唔買玩具就唔會有其他問題???
另外，現在市價黎講 ... 唔買玩具可以買到樓嗎???
...

戒唔到,仍有買玩具,舊款的玩具想放出去但在自己心中仍很喜歡和有很高價值,放出去蝕我真係唔想。

kyo353

多成點先?
俾幾百蚊租個迷你倉都放唔晒？

Agito

kyo353 發表於 7-8-2020 04:00 PM
多成點先?
俾幾百蚊租個迷你倉都放唔晒？

係,都擺唔哂,曾經每月仟幾蚊租倉,倉租過4年了用左5萬幾唔值,所以後來冇租,全部搬番舊居。

raiderjack

有樓冇樓，只買不玩都係病態。但住在城市已經係一種病。要做到同病做朋友，唔好比佢控制。

joveinhk

不用怕, 這裡的大家無五成都有倆仨成和你一樣是病態:he:
租倉可能我呢區平D. 自己消費一年才4千左右(兩個大LOCKER)

Lau

Agito 發表於 7-8-2020 03:53 PM
畀左25年家用了,係個"中老",結左婚後冇再畀,搬左出去租樓,自己都未顧掂自己,舊居仍被玩具佔據一間房所以 ...

咁你新買既玩具擺響邊先？？

舊居？？新居？？

如果遷出左仍舊霸住間房，係會有些少微言既...

mushroom

Agito 發表於 7-8-2020 04:04 PM
係,都擺唔哂,曾經每月仟幾蚊租倉,倉租過4年了用左5萬幾唔值,所以後來冇租,全部搬番舊居。 ...

真係只有租倉，同埋租一個另外有枱有位俾你玩的倉

chlycab

恕小弟先小人後君子講一句
香港人都係睇個錢好重，唔係想解決問題...
其實師兄其中一句，"放出去蝕我真係唔想"就已經...:(

當然唔係話完師兄就算，唔提供解決方法
舊居家人都一樣睇個錢好重，微言在於你已經唔俾家用，又霸住間房
都係因為錢，咁師兄咪象徵式俾一千幾百家人當倉租又好，慰勞佢地幫手打掃又好

嘰嘰怪

慢慢met甩佢，
每月逐d減少，
相同角色的賣左去，
沒可能每件都值得保留的！！{:3_148:}

laiken

Agito 發表於 7-8-2020 03:53 PM
畀左25年家用了,係個"中老",結左婚後冇再畀,搬左出去租樓,自己都未顧掂自己,舊居仍被玩具佔據一間房所以 ...

其實你屋企人算好，亦慶幸佢哋冇話你結咗婚搬咗出去就要改動裝修間屋，所以你以前間房先可以保留繼續放你d嘢
但你就算結咗婚都應該繼續俾家用，多少都好，始終係對父母嘅孝心

laiken

chlycab 發表於 8-8-2020 10:55 AM
恕小弟先小人後君子講一句
香港人都係睇個錢好重，唔係想解決問題...
其實師兄其中一句，"放出去蝕我真係唔 ...

同意Ching呀，太多人有個心態話d玩具保值甚至升值，其實係自欺欺人。
講白d，二手玩具(就算全新未開都好)係有價冇市。如果唔係襯第一水返手賺班盲搶嘅玩家錢，過幾個月已經炒唔起，因為冇人接貨。你走去Carousell睇下就知。例如之前萬眾期待嘅超魂15機合1，有幾多放咗大半年都放唔出。全新都放唔出，如果你開過盒玩過，仲想原價放，真係有d發夢。而隨住時間耐咗，如果廠商出過d新嘅，你手上個件自以為古董，就留返俾你自己慢慢懂啦。最近期我所知嘅例子，就係聖鬥士，未有聖衣神話之前，大系個價炒到上天，但依家，監平監賤都未必有人買。另一個例子，恐龍戰隊隻大獸神，未有超合金魂之前，舊合金又係炒到幾千，但超魂一出，舊合金未開盒幾百都唔知有冇人要