文哥雜談

Garycharm

農曆新年靜悄悄的過去了，大家好嗎？
這陣子過得不容易，
朋友之中，收入受影響的不用說，
就是部份在逆市中有收入增加的，也表示賺得不會開心。
祝願逆境早日過去。


有版友問起變形金剛，
我答了幾句，然後看看自己的相簿，
驚見原來以角色計，自己收了好多文哥。僅次於 Ironman 。
其實論喜歡的動漫角色，有排都未到佢兩個~~:38:
就順手出下 post，同大家吹下水。

文哥係機械人玩具史上一個奇蹟，
一個貨車頭變人，同一個人物同一個設定，三十多年來可以有數十個不同詮釋。

官方產品之中，
我個人最鍾情 MP10，外型、變形、配件、價錢都最平衡。

電影版呢？我仍然係最鍾意 Movie 1 日版手刀文---外型或未忠於電影，但變型方式有趣，
而且、而且、而且，佢個變形步驟係最接近電影版，玩上手好有 feel。



第三方（非官方受權產品）的柯柏文相對不多，
去年的 TE 卡通文口碑極佳，
事實上由外型到變形方式，TE 文也真的比 MP44 好太多。
有說 MP44 文哥的優點在其可動性，
不過，多關節唔等如可以擺得有型，MP44 的關節位置好怪，
你真正擺得出o既順眼pose 唔會多。

有時很難啟齒......講近年文哥玩具，
我覺得老翻品-----威哥、黑老爸產品表現都非常好。
放大、加金屬、加細節、改良，蔗渣價錢燒鵝味道。
當然，如果冇官方投資設計開發，
我地都冇呢D 野玩。
所以我原則係，一定會先買隻正版，然後先買隻老翻。

同樣情況亦出現在千記身上，而且更嚴重......頂你個肺，
隻超獸我真係直到有老翻先至放心玩放心扭！
二三千蚊玩具，其他公司會唔會咁o丫？！




就算唔計超神仁萊、火焰文、銀河文之類，柯柏文玩具都多到數唔晒。
版規所限，我不能貼出非官方產品。
以下我剩係貼出 「G1樣」文哥與及五集電影文收藏，
大家認唔認得晒佢地？

根本英俊

真心, mp-01當年入手, 玩果陣真係喊左出黎, 好感動! 果個震撼真係記憶由心, 到佢出埋個櫃, 我都一直1516買唔買, 之後mp-10, 除左手有小小長, 其他都好開心, 至於隻mp-44, 真心買唔落手.......我成日覺得佢個背脊太大舊野, 好怕角度限定, 第三方反而小玩, TE文原色未有機會買到, 最近圍城文係我覺得性價比最好既文哥, 當然如果可以大隻小小就100分啦! ^^ 電影版我只買左第一套果隻, 之後就無再入手, 因為硬係同我心目中既柯柏文唔同, 最起碼唔會咁暴力同佢個攻擊力點會衰個地球人, 接受唔到!

Garycharm

根本英俊 發表於 4-3-2020 01:59 PM
真心, mp-01當年入手, 玩果陣真係喊左出黎, 好感動! 果個震撼真係記憶由心, 到佢出埋個櫃, 我都一直1516買 ...

MP01絕對經典！
仲記得當年只賣$400 {:1_374:}

你講MP10 比例、同圍城 size 問題，
......嗯，威記黑記就解決o左，可以留意下。

camara

小弟mp01好似係$5××,成舊鐵 ,抵玩到爆

紫月葵

呢次真係好麻煩，有唔少朋友工作都受影響，我番大學就叫做工作唔算太受影響，不過都有幾個朋友好彩d，經營網上生意，都係負責落單，送貨公司處理埋，就算唔做嘢都有糧出

講番玩具，文哥可能真係有主角威能，點出都又唔會真係出得太過差，我都覺得TE比MP-44正，真要話MP-44贏嘅地方，或者係幾乎每個變形關節都有個邏輯性喺度，扭到盡就得
威將黑蘋果嘅改模每次都神來之筆，雖然唔係太中意佢隻隻都放都咁大(太重同冇咁多位放)，但又唔足以成爲佢嘅缺點，總之就係好正

根本英俊

Garycharm 發表於 4-3-2020 02:21 PM
MP01絕對經典！
仲記得當年只賣$400

威記黑記 好難有呢方面資料, 又無跟開....去到深水埗次次都這個機會不是我... ^^

laiken

估唔到有Ching開呢個post去暢談文哥，真係要大大力支持唔好沉

當年MP-01出嘅時候真係好震撼，以當時玩具產品質素嚟講，呢隻MP-01真係完全超水準。就算比當時所出嘅超合金魂，都係有過之而無不及。
但可能自己固執嘅關係，覺得G1文變貨櫃車拖頭係要連返個貨櫃先似樣，而又覺得T記點都會補出返個貨櫃，所以就唔入手住。終於等到MP-04就係連貨櫃，就二話不說去入手。返到屋企開箱，真係喊出嚟咁濟。

到之後佢出隻MP-10，由於自己冇打算儲成個MP系列，所以就冇視冇入手。直到佢出MPM-4電影文，見個比例同MP-10接近，所以先入埋。當兩隻放埋一齊，個人覺得真係襯到絕。
如果有Ching可以教下點post相，我都想分享下。當然，有好多Ching都可能已經一直有咁樣兩隻擺埋一齊企

Vince

Optimus Prime 我自已最喜歡 MP-01/04 > MP44 > MP10 ...
喜歡 MP44 多少少 係因為 MP44 多野玩 d (effect，人仔，等)。

不過如果計 第2廠，我自已就喜歡 Action Toys 幾年前出既 Ultimetal 版 ...

gslmback

我見到有黑色版，我諗可以將個目標收窄。
上面咁多位師兄既分享，真係開眼界

Garycharm

多謝各位師兄支持！

大家都好鍾情MP01，記得MP01我最平見過4舊，當時我錯過o左，後o黎用5舊水追隻美版。
不過，大家有印象的話，就記得美版除o左唔同色之外（偏橙），肩上煙通亦短左一截。我又要用多三十蚊去買對新煙通。
後黎追隻MP04，可惜MP04有個問題------胸甲歪，我都係想要隻01。
然後一波三折，我最後先得老友出讓一隻 MP01俾我。對佢，我仍係大愛，只係個人喜好，會鍾意mp10多少少。


MPM 電影文評價一般，大家都係鬧佢個變形系統唔夠準，我就覺得可接受。
不過後來坊間出腹肌文，我自己冇腹肌，都開始對電影文o既腹肌有執著，於是就開始睇佢唔順眼......{:1_373:}



Vince ，AT隻大文當然係靚，不過有得揀之下（事實上真係太多好選擇），我都係鍾意可以變形既文哥多d。

shinecll

文哥係我最喜愛既角色之一

以可變玩具黎計
當年出MP-04係超感動
玩具Size夠大
拎上手份量十足
最緊要有貨櫃！



走佬文係另一個好喜歡既玩具設計
四方拖頭既老味道
又平衡到充滿電影感既人形



最近既SS-38大黃蜂電影文都好正
現代化得黎保存到G1既Style



最後希望T記出番隻似樣既超神仁萊
(呢隻LG-EX唔係太滿意)

TKCanthony

未買過變型金剛玩具
但一直有追真人電影(雖然真係拍得麻麻 大量鄰國殖入式廣告)
之後特登睇返動畫大電影 比G1造型吸引了
所以最近想買返隻文哥玩下
暫時睇中最新出既圍城Earth Raise文
又有貨櫃又有Matrix
玩具定位冇MP系列咁高級 比較捨得拎上手玩
新入抗想瘋狂變形應該係唔錯選擇

S2000AP1

有冇師兄玩壞咗mp01條腰？原本係格格格360可轉關節，俾我玩到得番空轉冇咗格格聲同鬆鬆{:1_201:}

laiken

繼續講下我個人對MP文嘅睇法。MP應該係變形金剛玩具嘅最top系列，尤其以日本仔一向追求極緻嘅心態，MP-01同04喺當年嚟講真係完全達到呢個層面。但MP-10，坦白d講，唔算係MP文2.0，因為佢係將MP文1.0縮細咗同簡化咗，反而冇咩地方係做得更精緻。而當時好多其他機械人玩具都已追求極緻，所以呢隻MP-10已經比下去。

到近年，大量3廠都出一d設計精緻嘅變形金剛產品，而笨大高達系列係講緊MEarl Build(甚至後d嘅解体匠機)，但T記偏偏要整隻還原40年前卡通片入面個樣嘅MP-44...其實要做呢樣嘢，喺Legend Series(LG)出已經可以，老變MP系列，應該係將G1嘅各角色去追求真實感同極緻細膩

根本英俊

shinecll 發表於 4-3-2020 10:11 PM
文哥係我最喜愛既角色之一

以可變玩具黎計

呢隻我買錯左美版, 要後追番日板, 到出齊合體, 真係接受唔到, 之後買左FANS果隻, 到而家都未敢大合體....希望有一隻平平地可以攞上手玩既超神仁萊啦!