佢可能係自 Tomica 推出以來最長嘅 Long Tomica (?)

SuperBus

心水清嘅應該知道我講緊邊架...

冇錯, 就係佢! 第四代 127, 2018 年 12 月重投戲 --
日通平治 4850 240 型鉗夾重運車,
呢種重運車主要用於運送大型變壓器等重量達二、三百噸嘅重型貨物,
呢架鉗夾車嘅最大特色, 除左用嚟夾住貨物嘅鉗夾之外,
仲有兩架拖頭一架向前一架向後咁拖住, 好似兩頭車咁,
睇到佢有咁多車轆用嚟承重已經夠哂重量級,
有咁嘅長度仲要兩架重拖一前一後咁拖就更加大陣仗!!
而且呢款平治重拖使用四軸設計之餘仲用 8x8 全輪驅動,
喺街度行走就更覺好大嘅迫力感!!
Takara Tomy 官網早前公佈會推出呢款重運車,
初時睇相以為可能要入兩架, 不過喺 YouTube 睇人地開盒,
見佢咁樣入盒法真係怕會整爛入面嘅車同啲件,
總之呢架 127  可能係 Tomica 出車仔咁耐以來最長嘅 Long Tomica!



兩架拖頭要咁樣迫入盒法真係可憐...


兩架同款拖頭, 一個變壓器加一份貼紙, 就係呢盒 Tomica 嘅全部










成架車有少少失望嘅地方就係兩個鉗夾嘅轆車啲轆係唔郁得,
而係靠車底嘅兩對連軸轆摧搭救, 而轆車同變壓器之間嘅轉折位亦唔可以轉向
而且係成舊膠一件過, 不過上官網睇相都已經預左,
而且呢啲 Tomica 車仔, 你想對佢有幾高期望?




三款 127





加片, 留意除左前後車上兩個司機之外, 亦有多名人員喺路口彎角控制前後兩個轆車轉向






Thanks for reading~

kennbeat

Thanks for sharing