Good Smile Company MODEROID「絕對無敵獅人鳳」

laiken · 發表於 9-8-2019 22:23:37

k_dash 發表於 9-8-2019 09:03 PM
用料唔同好難咁比較, 合金話哂有金屬, 結接點幼啲都OK, 全樹脂模型強度考慮係唔可能一樣, 至於係咪設計者 ...

明白超合金魂嗰d用料成本都高一截，有金屬成份所以實淨d。所以用料方面我都係以高達RG/MG模型去比較。你見RG/MG嗰d都係全樹脂模型，但精細部件同關節，令可動性同變型都係高水準

z21948814 · 發表於 9-8-2019 23:07:15

本帖最後由 z21948814 於 10-8-2019 02:50 AM 編輯

頂佢原來劍王坐住獅王果張圖係唔知拆咗右腳定就位, 根本坐唔到咁靚...至於樓上位師兄真係奄尖咗啲, 我覺得係外型同變形取捨上面呢間廠都叫做算好唔錯

k_dash · 發表於 10-8-2019 06:17:12

本帖最後由 k_dash 於 10-8-2019 06:21 AM 編輯

laiken 發表於 9-8-2019 10:23 PM
明白超合金魂嗰d用料成本都高一截，有金屬成份所以實淨d。所以用料方面我都係以高達RG/MG模型去比較。你 ...

笨大係一間無良公司相信無人會否認, 但有一點係公認的事實: 佢技術力係超前好多, RG/MG呢啲產品係佢咁多年嚟的經驗成果, 其他廠邊有得比? 壽屋果啲機戰模型都係有笨大技術協助先做到, 而且比較之下一啲都唔平, 我好相信好微笑要做到同級質素唔係容易, 就算做到成本都大大增加, 依家好微笑個賣價已經唔係平, 仲要做到咁高質個價一定唔會親民, 做到高質又有可用? 千記就係好好例子, 做得出色啲人又話貴, 模型唔係成品賣太貴好多人都會覺得唔值, 笨大可以用大量生產去降低成本, 其他細廠無可以跟到

k_dash · 發表於 10-8-2019 06:30:54

z21948814 發表於 9-8-2019 11:07 PM
頂佢原來劍王坐住獅王果張圖係唔知拆咗右腳定就位, 根本坐唔到咁靚...至於樓上位師兄真係奄尖咗啲, 我覺得 ...

其實佢獅腳個設計都叫做有心思有諗過, 造型優先腳係裝上變型優先腳度唔洗零件交換, 好微係一間新廠, 要比時間佢哋成長, 一開始就要佢同大魔王同級咁接受評價我覺得好唔公道

yugi · 發表於 10-8-2019 10:10:45

laiken 發表於 9-8-2019 10:23 PM
明白超合金魂嗰d用料成本都高一截，有金屬成份所以實淨d。所以用料方面我都係以高達RG/MG模型去比較。你 ...

既然你係都要用笨大去比點解唔係用熱血最強去比較?

laiken · 發表於 10-8-2019 13:13:30

yugi 發表於 10-8-2019 10:10 AM
既然你係都要用笨大去比點解唔係用熱血最強去比較?

因為我都有d唔滿意隻熱血最強
就好似腕龍條頸同個頭，雖然只係HG級但都冇理由完全一件過...

laiken · 發表於 10-8-2019 13:42:55

k_dash 發表於 10-8-2019 06:17 AM
笨大係一間無良公司相信無人會否認, 但有一點係公認的事實: 佢技術力係超前好多, RG/MG呢啲產品係佢咁多年 ...

我唔係做呢行只係靠表面所見去推論，如果唔啱麻煩修正
玩具就算再精細，都唔係d咩高科技產品，而且只要將一件玩具完全拆件，都可以知道每一部份個功用同原理。而模型就更顯明易見，每一塊模型板都只係壓模出嚟。所以除非係做一隻之前完全冇嘅玩具，或者嗰種做法/技巧係之前冇嘅(例如pose+電單車收起個轆喺車頭入面)，咁先考設計者嘅腦根。如果唔係，已經可以參考甚至抄考市面已經有嘅其他玩具設計。所以出一隻市面已有類似產品但又冇應用一d其他產品都已經應用緊嘅一d好d嘅技術，呢個就係令人最失望嘅地方
出一件得六成質素嘅嘢係因為只收你六成嘅價錢，呢個講法冇可能合理嘛

yugi · 發表於 10-8-2019 18:33:22

初步感想, 都好實淨下, 唯一不滿係張說明書無叫你幾時貼貼紙, 張貼紙要靠自己估貼係邊個位

z21948814 · 發表於 10-8-2019 18:47:20

yugi 發表於 10-8-2019 06:33 PM
初步感想, 都好實淨下, 唯一不滿係張說明書無叫你幾時貼貼紙, 張貼紙要靠自己估貼係邊個位 ...

係囉, 呢點勁白痴, 搞到我砌完鳳王之後又要拆番條尾去痴番貼紙

k_dash · 發表於 10-8-2019 20:14:31

本帖最後由 k_dash 於 10-8-2019 08:19 PM 編輯

laiken 發表於 10-8-2019 01:42 PM
我唔係做呢行只係靠表面所見去推論，如果唔啱麻煩修正
玩具就算再精細，都唔係d咩高科技產品，而且只要將 ...

你似乎無諗過開個金型模同排版件都係設計同技術, 而且用料都係要考慮因素, 有時唔係你知點做就一定做到出嚟, 無技術都係做唔到, 做到都會好貴, 你賣件嘢出嚟出得再好, 太貴都係無咩人肯買, 不過睇咗咁耐so far都好似得你一個人有大不滿, 咁我覺得件產品都算出得幾成功, 好過plamax啲魔神系列, 畢竟無可能滿足全部客人, 我就好期待佢繼續有進步, 等他日大家可以有多個選擇

toyaily3388 · 發表於 10-8-2019 21:09:52

第一次做奸笑社既模型，感覺膠料同組合流暢度差d。
但公平d講，性價比係ok既，小修一修d件，完成品造型都不俗。

利申：有訂百勝龍王

cmy · 發表於 11-8-2019 02:22:51

對比cms,今次模型外形係靚d既，雖然依兩隻我唔會買，但睇過朋友實物，依隻真係不錯，價錢都可接受

布拉度 · 發表於 11-8-2019 10:05:53

我就收货噶喇~不竟造型已经做得很好喇~可动又OK，有變形合體我已经是认为额外送的，赚到噶喇~模型變形以前笨大都做到一撇屎，后来HG咁小都唔太敢玩變形,换件就好，我觉得OK嘎~又实净，外形又好看。好過甩头甩骨啦~变形都系留给金属成品来玩啦~如果不是，膠关节太脆断了又被人閙。。。接受现实啦~膠和金属系不同强度和价格嗰嘢黎噶~。。(=_= ;)

又登入唔到 · 發表於 11-8-2019 11:13:23

六神做到不是喪換件就幾好呢。。。。

laiken · 發表於 11-8-2019 11:27:40

k_dash 發表於 10-8-2019 08:14 PM
你似乎無諗過開個金型模同排版件都係設計同技術, 而且用料都係要考慮因素, 有時唔係你知點做就一定做到出 ...

我都有去過東京台場嗰度睇過高達模型生產過程介紹
但其實邊個產業都好，一個良好生產者嘅責任係盡力去探求更好嘅技術，以合理嘅成本去做最高質素產品，咁先會有進步

Anyway，就係希望市面有更好嘅一隻獅人鳯

		自動登錄	找回密碼
密碼			註冊

[新品消息] Good Smile Company MODEROID「絕對無敵 獅人鳳」

[新品消息] Good Smile Company MODEROID「絕對無敵獅人鳳」