|
|
發表於 21-8-2020 17:06:17
|
顯示全部樓層
本帖最後由 半田健人_555 於 21-8-2020 05:09 PM 編輯
好同意上面好多師兄咁講, 其實好期待POSE+喺將來繼續出多D好有誠意嘅合金比玩家, 講真3千幾係咪好貴? 我覺得見人見智, 都係嗰句啦, 笨大依家嘅R版, 普遍都挨近2千甚至過2千, 千值練都2,3千啦, 咁樣比較POSE+又係咪貴呢? 只係覺得笨大百足咁多爪, 又不斷咁出新系列, 合金魂呢個系列已經半死不活, 再不可能期待笨大有以前嗰股誠意, 間唔時會比大家驚喜, 所以, POSE+係咪唔買會走寶呢? 大家可以認真考慮
同埋其實都想分享好耐, 依家買可動嘅玩具, 好多玩家都以「爆地」呢個動作去釐定一件可動玩具嘅設計係咪成功, 抵唔抵買, 我自己覺得呢個係一個好奇怪嘅現象, 人哋隻玩具可能成個故事都冇做過「爆地」呢個動作, 點解要求隻玩具要做到「爆地」?又或者做到「爆地」又點?成個玩具櫃都擺「爆地」display? 好似女團跳舞咁一樣動作? 試想, 如果個玩具喺真實世界裡面係一個機械人, 成個身體三尖八角, 如何「爆地」?以前要求做到擘肶就好勁, 依家就要做到「爆地」, 希望大家都會明白設計者喺出品玩具時嘅艱辛, 當然買唔買, 值唔值就大家可以有個人選擇啦
以上純粹小弟感想, 貫徹和平理性討論玩具, 不喜勿插 |
|
樓主: Vince
[複製鏈接]
