Pose+ Metal 系列新品 集中區

hobbyorbit

laiken 發表於 1-1-2020 11:09 PM
如果日本都未開賣，咁因為生産問題質素再修正而延遲，呢度好多Ching都接受。
但宜家係日本已經賣咗成個月 ...

先利申--我無買過pose+產品亦同佢無任何私下關係
以下純粹從生意角度推測, 可能佢係經日本某一個公司做代理賣去日本, 而遲交貨可能會被罸款所以一做夠日本要的訂單數量就出比佢地先
純屬推測下佢原因, 大家接受與否我就無計了

RX78GP03

其實佢11月突然出貨比日本之後比人知道,即刻FB解話安撫大家. 但重點係話12出貨之後又做唔到亦冇最新消息. 12月出唔到就咪鬼講啦!

遊俠

RX78GP03 發表於 2-1-2020 03:35 PM
其實佢11月突然出貨比日本之後比人知道,即刻FB解話安撫大家. 但重點係話12出貨之後又做唔到亦冇最新消息. 1 ...

重要係要做個有責任嘅供應商, 既然要遲, 咪公開通知大家囉, 大家都係怪佢做嘢冇交帶啫, 此廠一直如是.:!

keroro-1972

遊俠 發表於 2-1-2020 05:04 PM
重要係要做個有責任嘅供應商, 既然要遲, 咪公開通知大家囉, 大家都係怪佢做嘢冇交帶啫, 此廠一直如是. ...

會唔會係為咗討好日本市場連本來留俾香港批貨都出埋去日本? 如果係就真係有排等真係應該出黎講聲交代下!

laiken

hobbyorbit 發表於 2-1-2020 12:35 PM
先利申--我無買過pose+產品亦同佢無任何私下關係
以下純粹從生意角度推測, 可能佢係經日本某一個公司做代 ...

其實如果有接觸過或者就係同廠deal過就知，呢d數量同唔係長期性嘅生產，係同你開機一次過做曬，所以唔可能分開話先做起要交貨日本嗰批先再做另一批for香港售賣。而就算係，例如做10萬件貨，5萬去日本5萬喺香港賣，咁頭5萬件因為會罰錢就跟得足甚至加錢俾人加班去趕起可以按期交貨俾人，之後嗰5萬就由得間廠hea做唔按lead time交貨？厚此薄彼到咁，就唔好再講咩支持本地創作啦

遊俠

laiken 發表於 2-1-2020 06:28 PM
其實如果有接觸過或者就係同廠deal過就知，呢d數量同唔係長期性嘅生產，係同你開機一次過做曬，所以唔可 ...

背後原因唔係玩家課題, 重點係廠方要定時為大眾更新發售日, 唔係講完就算冇跟進, 得過且過。
你話工廠要過年唔肯做都係一個解釋, 唔係單單都係咁, 遲又唔交待。

:!

RX78GP03

keroro-1972 發表於 2-1-2020 05:42 PM
會唔會係為咗討好日本市場連本來留俾香港批貨都出埋去日本? 如果係就真係有排等真係應該出黎講聲交代下! ...

只知參考日本網店定價高過香港.

laiken

遊俠 發表於 2-1-2020 06:40 PM
背後原因唔係玩家課題, 重點係廠方要定時為大眾更新發售日, 唔係講完就算冇跟進, 得過且過。
你話工廠要過 ...

所以我前幾個回應已經話佢哋根本對唔住香港班Ching，厚此薄彼同冇交帶到一個點，就唔好再講咩支持本地創作，佢哋唔配

tower

大部分支持者在意的是态度，钱都比左咯、通俗D講系人品。。。。尼種大细超缩埋唔出声，其賓幾有本地行政特色，大家出咗钱養佢就唔好怨啦，人地就算锺意出埋欧美先出港貨都系态度，有乜问题?祝大家新年进步啦:)

hobbyorbit

laiken 發表於 2-1-2020 06:28 PM
其實如果有接觸過或者就係同廠deal過就知，呢d數量同唔係長期性嘅生產，係同你開機一次過做曬，所以唔可 ...

或者我之前講得唔夠清楚
我唔係話佢分開做, 而係在生產流程上延誤, 例如簡化黎講, 訂單有10000件, 廠產量預算每月1000, 咁就10個月後可出貨, 但因為某d技術上的意外延誤每月實際只做到500件(實際唔會少咁多, 為左好計數我誇大d), 咁即係要20個月先完成到訂單
但因為客係預算你10個月後出貨, 咁咪先partial shipment出住5000先囉, 我唔知你做邊行啦, partial shipment對我黎講就時有發生

開機啤完d部件, 最花時間係裝嵌同上色, 然後係包裝, 重有每個qc點, 呢d全部都係時間, 如果產品係一個膠飯盒, 啤出黎就出得貨咁你既講法就成立
而家呢套銀河烈風, 你認為裝嵌一套要幾多時間? 我相信起碼耐過砌一套super minipla

至於話, 就算廠只能出到一半數量點解唔出比香港先, 或者加班去趕期, 呢個一來係錢既問題, 如果日本罰得重咁梗係交日本先, 如果香港遲交跟本錢都唔駛罰, 咁做咩要花錢黎加班呢

我再利申, 我唔係想同pose講好話, 只係純粹研究下點解佢會遲啫

bigbigfriend

hobbyorbit 發表於 3-1-2020 02:28 AM
或者我之前講得唔夠清楚
我唔係話佢分開做, 而係在生產流程上延誤, 例如簡化黎講, 訂單有10000件, 廠產量 ...

正確，師兄這樣說才對。
要多點站在別人角度想想，廠商心急出貨的心情不會比玩家低，他們也要找數/賺錢的，難道hold住啲貨來玩你？完全不合理。
還有，跟日本人做過生意就知道，真的很麻煩(身切感受），問他們東西不回你就是不回你，或回覆你處理中叫你耐心等候等等客套說話，可能廠商自己都不知道何時可批准出貨，叫他們怎樣跟你們呢班大哥說？說不說都會比你們駡，那就按兵不動睇情況算了。

laiken

hobbyorbit 發表於 3-1-2020 02:28 AM
或者我之前講得唔夠清楚
我唔係話佢分開做, 而係在生產流程上延誤, 例如簡化黎講, 訂單有10000件, 廠產量 ...

講咗好多次佢要交貨比日本先係完全冇問題，亦好明白你同人哋買個版權人哋有呢d條款要日本早開賣過香港係無可厚非。
不過你都講出重點啦，同日本人有合約定咗出貨日子但趕唔到就會罰錢，所以出錢俾廠趕工就冇問題。對香港玩家公布咗出貨但不斷延遲失曬信用都冇問題，就完全懶得理。咁冇良心咁冇責任嘅香港企業就完全唔值得支持啦。所以唔好再話咩要支持本地創作去支持呢啲pk企業

nobita16

老老實實呢度果班系度不斷喊打喊殺果D幾多個真係有訂到? 人地延遲出貨又唔係走左路, 唔知點解有幾位人兄就硬係要將人地上綱上線咁批鬥...
新公司累積到經驗下次就會知道點做好D, 作為新公司來講佢亦都算對玩家有交帶, 睇黎睇去都似係有班人系度欺善怕惡, 係咪要迫到人地好似HT 同千值咁對D客先安樂?

hobbyorbit

nobita16 發表於 4-1-2020 12:20 AM
老老實實呢度果班系度不斷喊打喊殺果D幾多個真係有訂到? 人地延遲出貨又唔係走左路, 唔知點解有幾位人兄就 ...

我自己黎講, 訂野遲咪遲囉玩遲d又唔駛死既, 又無咩實質損失

bigbigfriend

話人PK，甚至去到走狗賣港，這間公司做了甚麼？啊⋯⋯原來只是日本有得玩先，佢無得玩，遲了出貨唔通知佢......幾日而已。