Pose+ Metal 系列新品 集中區

waiwaiwai326

kennethli 發表於 22-3-2021 01:23 AM
我係比較好奇佢點解會連埋本體，唔係剩係影架機同槌

根據銀河烈風做法,可能散裝同box set都會出,但不知散裝貨量多不多

k_dash

waiwaiwai326 發表於 22-3-2021 06:47 AM
根據銀河烈風做法,可能散裝同box set都會出,但不知散裝貨量多不多

我都覺得會咁出，散裝貨量感該唔會太過少，我好相信大多數買咗本體果啲人都會買

k_dash

kennethli 發表於 22-3-2021 01:23 AM
我係比較好奇佢點解會連埋本體，唔係剩係影架機同槌

佢最初出剪影係goldymarg嚟，依家就變成SGGG＋大鎚。再者，佢唔出散裝版一定被班買咗初版的人圍插，所以我都仲會覺得佢會有散裝版

kennethli

k_dash 發表於 22-3-2021 08:22 AM
佢最初出剪影係goldymarg嚟，依家就變成SGGG＋大鎚。再者，佢唔出散裝版一定被班買咗初版的人圍插，所以 ...

我想佢連槌仔同飛機都分開出。。。我只係想要槌仔ja

凡高

馬仔 發表於 21-3-2021 02:00 PM
不做係道理 - 你有你道理，客人可以唔買。

做係人情 - 咩人情，客人用錢買架，送架？

師兄講得好!!!!

依家啲人諗壞腦:ar:

waiwaiwai326

k_dash 發表於 22-3-2021 08:17 AM
我都覺得會咁出，散裝貨量感該唔會太過少，我好相信大多數買咗本體果啲人都會買 ...

但銀河旋風主體機械人散裝貨量就嚴重不足,所以只想買本體的人如我,仍然無望

k_dash

waiwaiwai326 發表於 22-3-2021 09:02 PM
但銀河旋風主體機械人散裝貨量就嚴重不足,所以只想買本體的人如我,仍然無望 ...

我講果個concept同你講的唔同，我散裝係指新出件唔包本體，你講果個係銀河烈風主體機械人少，你只可以話佢做單體再版但預少人後追單本體啫，佢哋方針當然係想你一買就乜都買齊啦

waiwaiwai326

k_dash 發表於 22-3-2021 11:07 PM
我講果個concept同你講的唔同，我散裝係指新出件唔包本體，你講果個係銀河烈風主體機械人少，你只可以話佢 ...

後追無得買單體,這就是不滿的原因,這方面Bandai做得好很多,配件出之前,必會再版剩主體一次,超獸,勇者王如是

馬仔

waiwaiwai326 發表於 22-3-2021 11:44 PM
後追無得買單體,這就是不滿的原因,這方面Bandai做得好很多,配件出之前,必會再版剩主體一次,超獸,勇者王如 ...

就係當日出第一次出銀河烈風時出得小貨，遲遲唔再版，而家出隻未必個個想要隻鳥，夾硬一齊出box set要你硬食，因為唔買就無得買，呢個做法令買唔到第一版既人要硬食，呢個做法好唔好就睇兩面。
從商業角度，賣家當然希望人地買埋，但佢知道出單體鳥銷情未必一定理想，所以出box set係好合理，我係佢都會咁做，應該話係人都會咁做。

但買家角度未必希望硬食地台，但無得選擇下而買。B記當年出合金魂巨靈神都有先出本體，再出parts,後再出box set, 賣家有選擇權利，咁樣做賣家同賣家都win win.

當然，買家都可以唔入set裝，再等本體再版，無謂要買左一件野自己唔想要而一買番來就入盒既玩具。或者真係有大愛既，可以買左set裝番來，平d張隻鳥放番出去。

但我相信佢地一定會再版主體，大家等下。

ToyKnife

POSE+ 和千值，與Bandai嘅Metal Build超合金魂等等好唔同，莫講話秒殺，基本上由開訂到截訂係用「月」嚟計。都買唔到的話，其實係自己想等大貨或等其他玩家報告先落手。

你自己要「穩陣」就有其他「不確定風險」如食炒、無貨、唔再版、再版但出BOXSET etc。Give and Take，自己知啦吓嘛....咁都係廠嘅問題? ? :67:

bigbigfriend

ToyKnife 發表於 25-3-2021 11:57 AM
POSE+ 和千值，與Bandai嘅Metal Build超合金魂等等好唔同，莫講話秒殺，基本上由開訂到截訂係用「月」嚟計 ...

贊同師兄所講，長期開訂都唔去訂，又要等呢樣嗰様，追唔到現貨冇得怨.....

現在玩具商的銷售方式和以前好唔同，控制生產數量好謹慎，如生產太多賣不去積貨會好麻煩，加上版權方也有數量限制，這些大型合金成品，一個計算不好，一個產品就可令公司大損傷甚至倒閉，尤其Pose+這些小型新公司。

fallout8

ToyKnife 發表於 25-3-2021 11:57 AM
POSE+ 和千值，與Bandai嘅Metal Build超合金魂等等好唔同，莫講話秒殺，基本上由開訂到截訂係用「月」嚟計 ...

咁我依d平時無咩留意玩具資訊，無意中上TD見到隻銀河烈風再開訂，點知原來要硬食個基地又點計先:DD

bigbigfriend

fallout8 發表於 25-3-2021 12:26 PM
咁我依d平時無咩留意玩具資訊，無意中上TD見到隻銀河烈風再開訂，點知原來要硬食個基地又點計先
...

咁你以後就多啲留意玩具資訊囉⋯⋯
但呢隻銀河烈風，就算當時唔上網睇、開訂時各大小玩具店都有放sample展示，冇理由睇唔到，除非你唔行玩具店

馬仔

銀河烈風係第一隻pose plus大合體既產品，之前出既黃合俠都未大賣，對佢既作品是否有信心，買得過？所以等人出報告先買銀河係人之常情。

佢又做唔到CCtoys隻天元咁，一出即爆，性價比高，第二隻開始，個個走去定。

就算之後出既勇者王，暫時都未能做到熱爆情況，証明pose plus既產品似然停留在觀望態度。

ToyKnife

fallout8 發表於 25-3-2021 12:26 PM
咁我依d平時無咩留意玩具資訊，無意中上TD見到隻銀河烈風再開訂，點知原來要硬食個基地又點計先
...

老實講真係「日日」睇住TD嘅都係一班中毒太深嘅人，咁呢班人應該有自己買/訂玩具嘅應對方法。

而如師兄你「依d平時無咩留意玩具資訊，無意中上TD見到隻銀河烈風再開訂」嘅，咁唔使煩啦，本是無一物何處惹塵埃? 況且，都話POSE+同千值開訂係以「月」計，以月計你都唔知有呢隻玩具，即係完全無中玩具毒，咁咪skip囉。

我都覺得佢遲早會「真」再版，甚至出別色版，因好多師兄comment過佢隻色，別色版可能都有 market。如果無中玩具毒仲要食件地台又係難嘅，耐心等等啦，有機會你會買到主體單體的。

p.s. LU兄係TD長期讀者，佢會聽到意見ga la