2019年4月 SHF 真骨彫 幪面超人 KIVA 月騎 Kiva Form (官圖P2)

booxxer

真係唔知真假，一出就甘噶價，上次係油麻地見到有個講煲冬瓜的去間鋪談合作，照道理真係大陸人買貨都唔使自己掃，傾掂數直接找數寄翻大陸ok，使咩甘重皮自己落來掃貨。

Agito

罷買，少玩隻有乜所謂，我不是死硬派全部要儲齊；今晚逛旺角見最平都要$98X。

newnov

真係好想知有幾多師兄有用過千買呢隻，係咪真係靠炒就可以令人瘋狂入坑呢？Y拍已經跌價中，大家堅持唔買，睇佢跌到幾多

bunnyyau

笨大出貨少，才是近期熱門瘋狂熱炒既主因。
笨大/睡橫行唔會再玩「囤貨」呢招。

你諗下，一個月後，如果隻KIVA真係囤存貨多到插晒水。
下次隻OOO仲有幾多人高追？

早一兩年，SHF死貨多到瀉，人人等插水。
班龍頭大佬係商人，唔係蠢人。減少貨量，就會升值(供求問題)。
一件貨賣貴一倍，即日清貨，制造人氣，何樂不為？

好多GROUP話玩家高追，導致炒賣既惡性循環。
其實不然。有人介意500，要插水99先買；亦有人唔在乎500，炒貴一倍面不改容。
何況香港地500蚊大家都俾得起，你唔買，大把人買。
笨大一日唔增加貨量，呢個炒賣風氣一日都唔會停止。

THOUTHER

newnov 發表於 27-4-2019 09:31 PM
真係好想知有幾多師兄有用過千買呢隻，係咪真係靠炒就可以令人瘋狂入坑呢？Y拍已經跌價中，大家堅持唔買， ...

但係聽聞姑蒸兩大行今日仲做緊「三條狗」，如果姑蒸企硬，個價短期內應該好難跌。

newnov

bunnyyau 發表於 27-4-2019 10:01 PM
笨大出貨少，才是近期熱門瘋狂熱炒既主因。
笨大/睡橫行唔會再玩「囤貨」呢招。

咁我就等了，貨遲早都要散出來的，
到時幾平都無人買，好似亞馬遜咁，我就可以買黎玩，
而家係考驗玩家定力，我就死都唔會咁敗家，當幾百蚊唔係錢咁掉出去。

c.ryo

笨大出貨量唔似有變，清貨快唔快亦只係原於個別角色需求，但行貨就好明顯係蒸菇會分到最大貨量而小店隨時只派得幾盒，就算全成公價賣都只會係大拆家最好賺。

玩具唔係必需品，新品只會不停咁出，部分角色又有其它廠牌選擇，玩家原本都唔會買得晒，而家一出就變天價正常人就算超喜歡都唔會隻隻狗衝，之後個個都會減買，店家真係有無限倉囤貨?

mushroom

bunnyyau 發表於 27-4-2019 10:01 PM
笨大出貨少，才是近期熱門瘋狂熱炒既主因。
笨大/睡橫行唔會再玩「囤貨」呢招。

炒價唔會令笨大賺多些

JAYLAU2024

呢D野係苯大造成 想呢個系列抄熱 就比少貨人或跟本唔夠貨而cut單再提高批發價錢 而大熱產品因供求問題零售要賺錢就要將價提高 但依家零售做法已經改變 訂收少咗 收左現貨直接加一倍䁠錢 MB, SHF已經咁做緊,以後亦都會咁做  

bunnyyau

mushroom 發表於 28-4-2019 08:55 AM
炒價唔會令笨大賺多些

起碼會增加話題性。

之前W系列(綠黑W、ACCEL、SKULL)插水無人要
笨大好自然會減少產量，防止囤貨虧蝕。
何況真骨彫和METAL BUILD生產工序多，生產量較其他LINE慢和少。

市場就係咁奇怪，插水99無人要，熱炒1000爭崩頭。
供求問題，加上羊群心理，EVA和KIVA理所當然高炒。

現實說明係策略成功。

9月EVA再販、8月真骨OOO，大家一樣會搶開訂/首發。WHY?
因為玩家無可能知真實貨量有幾多。
1.貨量多->遲買平幾舊。衝首發，食炒價既玩家捱左貴貨
2.貨量少->遲買貴幾牛。等99果班玩家無奈高追。

遊戲規則就係咁。你可以棄坑唔追，但大把人會繼續搶。
正如你可以唔去賭場，但賭場照樣會有生意。

THOUTHER

bunnyyau 發表於 28-4-2019 11:20 AM
起碼會增加話題性。

之前W系列(綠黑W、ACCEL、SKULL)插水無人要

小弟唔太認為係B社造成今日呢個局面，因為開發產品有一定成本，佢要有合理利潤，就一定要生產到某個數量，師兄您話產品無人要好自然會減少產量，呢個情況可能有，但應該唔會太離譜，而且佢一早定咗建議零售價，件貨炒到上天理論上唔會令B社賺多咗，而B社而用呢種手法增加話題性有機會嚇怕一班真正玩家(例如小弟)，長遠來講未必係好事。
小弟反而認為睡橫行可能先係始作俑者，因為發貨俾邊個，發幾多貨應該係由佢決定，如果佢決定將大部份貨交俾蒸菇兩大行，而蒸菇又大打默契波造市，就有機會造成今日呢個局面。
其實講來講去都係B社D產品出事，其他例如孩記或者Marxel旗下產品唔見炒風，其實會唔會係因為佢地係唔同公司代理有關？(呢點小弟唔太清楚，有錯請指正！)

Lcdman

問過某大玩具行職員點解冇開訂，佢話代理都講唔實批到幾多貨比佢哋，所以索性唔開訂，費事唔夠貨比人，佢話就算開訂都係十隻八隻，佢有話開訂秒殺又比人X，唔夠貨又比人X，反正到時實比人X點解現貸會買咁貴，咁起碼賺可以賺多D。咁點解代理講唔實攞到幾多貨，就真係要問吓B記。

THOUTHER

如果日本本土同台灣果邊都出現炒風，應該就真係B社出得貨少，但如果淨係香港呢邊炒得起，應該就係香港代理有問題，斷估B社唔會玩「厚此薄彼」，特登派少D貨俾香港卦？

W900

唔使估,今天(28號)有朋友在秋葉原,有幸見到一盒,就係電氣街出口對面,黃色那棟會館4樓,賣15980日元,很無言........

yugi

THOUTHER 發表於 28-4-2019 01:21 PM
小弟唔太認為係B社造成今日呢個局面，因為開發產品有一定成本，佢要有合理利潤，就一定要生產到某個數量， ...

的確正如你所講, 日本的都只係BANDAI出事, 人地其他果D都可以做到按訂單量出貨