千值練 METAMOR-FORCE “BARI”ATION 超重神GRAVION (48# updated)

neo.L

└佳→┐ 發表於 14-8-2018 01:11 AM
玩得預左爛，好似係我講既？
“如果”係小弟講個句既，麻煩你收返，因為我一早報稱左我冇買過千記，只係 ...

應該唔係講你.........但我覺得玩具一 變/合體 就爛,好難開心.....

追風

預定是不會，因為不放心。等實體出了之後，還要再觀望觀望，要很小心小心，仔細仔細確定大家都說不錯時，才會考慮購買這家的產品的。{:1_208:}

└佳→┐

neo.L 發表於 15-8-2018 11:24 PM
應該唔係講你.........但我覺得玩具一 變/合體 就爛,好難開心.....

咁我都明，未玩就爛又的確係會影響心情。

不過我真係唔太明白，買左又鬧，未買都鬧，又何苦呢？
玩具日報係大家開心討論既地方，鬥互插，人身攻擊咁款，有咩謂？

undoy

└佳→┐ 發表於 16-8-2018 02:10 AM
咁我都明，未玩就爛又的確係會影響心情。

不過我真係唔太明白，買左又鬧，未買都鬧，又何苦呢？

其實...你爬左文未? :(

neo.L

└佳→┐ 發表於 16-8-2018 02:10 AM
咁我都明，未玩就爛又的確係會影響心情。

不過我真係唔太明白，買左又鬧，未買都鬧，又何苦呢？

首先對話唔係針對呢隻超重神……如果間廠出得好好我哋生安白造，咁就係我哋唔啱啦。但偏偏佢每件貴價野都有問題，但係又唔準人鬧，咁樣好難頂喎~玩具日報尋開心之餘其實都有分享消息既作用，間廠賣得貴既時候想要對等質量其實好正常，冇玩過就插係唔啱，但我唔知點解會有人覺得"買既人都知道一向係差，點解要插?"係咩思路黎!佢設計係靚，我地咁樣鬧，只係希望有一日千記會聽到，唔好再收得貴，造得細，結構耐用d咁大把~~我響td咁多年，唔係會幫襯我癈事嘥口水啦～

CPY_2001

首先，呢個世界邊個規定所有野都應該對等？再加上你話貴啫，其實根本而家大多玩具都上千，一隻合體合金玩具2千幾話貴其實真係等俾人笑，如我之前講既再貴啲既雕像都會有一啲簡單野出大問題，其實買野只能取決自己覺得值唔值，而唔係等人去遷就自己既

hinaoi

都講得出買野只能取決自己覺得值唔值，覺得對唔對等或認爲個世界d野應唔應該對等係每個人自己既感受吧？定係討論區唔比講感受o既？

hinaoi

└佳→┐ 發表於 16-8-2018 02:10 AM
咁我都明，未玩就爛又的確係會影響心情。

不過我真係唔太明白，買左又鬧，未買都鬧，又何苦呢？

買左鬧係因爲冇預計會中伏o既情況下中左伏，未買都鬧係因爲之前中過伏，之前中過伏但今次都仲去馬係因爲想比多次機會間廠，有幾難明？

└佳→┐

undoy 發表於 16-8-2018 05:34 PM
其實...你爬左文未?

爬唔爬文又點？
鬧間廠既，我覺得都仲可以理解，我見到既似鬧人多過鬧間廠姐。

└佳→┐

hinaoi 發表於 17-8-2018 01:22 AM
買左鬧係因爲冇預計會中伏o既情況下中左伏，未買都鬧係因爲之前中過伏，之前中過伏但今次都仲去馬係因爲 ...

閣下既分析都好精景。

未買都鬧呢下咪攪笑囉。
買玩具求十全十美？
無奸不成商應該都明掛？
定係香港人壓力真係咁大？

反而似你唔明我想表達啲乜，不過我見有師兄已經get到

└佳→┐

neo.L 發表於 16-8-2018 11:32 PM
首先對話唔係針對呢隻超重神……如果間廠出得好好我哋生安白造，咁就係我哋唔啱啦。但偏偏佢每件貴價野都 ...

或者咁諗囉，你明知呢間廠野貴，設計係咁。
又要買，又要鬧，貼錢買難受咋喎。
唔係話你俾左錢買都喎鬧得咁屈就，但係而家攪到個氣氛似為鬧而鬧多過想間廠改善，件事好似變左質咁。

凡高

neo.L 發表於 16-8-2018 11:32 PM
首先對話唔係針對呢隻超重神……如果間廠出得好好我哋生安白造，咁就係我哋唔啱啦。但偏偏佢每件貴價野都 ...

師兄講得太好。

原來依家啲人只係想係度講啲讚好嘅嘢，其他嘢唔可以講。咁駛乜討論。直入式廣告咪掂晒囉。

廠商出問題又可以合理化，出現問題係玩具都有架啦，唔係要我就你地買家呀嘛，我係咁架啦。你咪唔好買囉，又唔係我迫你買。有爛你都預咗架啦，你比幾千我咋唔係幾萬呀大佬，你唔係以為我會交足戲呀嘛。
原來買嘢唔好期望可以得到好質素...真係長知識（世界變到咁真係可悲）


其實買家都要負責任，因為係買家養到佢地咁鳩C。

neo.L

└佳→┐ 發表於 17-8-2018 01:48 AM
或者咁諗囉，你明知呢間廠野貴，設計係咁。
又要買，又要鬧，貼錢買難受咋喎。
唔係話你俾左錢買都喎鬧得 ...

因為我會幫襯,先會想佢變得更好!!

講外型係千記獨步天下,呢樣服佢!!MB賣緊千8,佢賣鐵機巧坦克2千6,唔係佢貴,係我窮啫!但真31上色變膠原色,仲要斷腰,入得佢數啦吓?.......咁插兩野想佢改善都唔算好粗魯啦........如果有人中過招懷恨在心,唔買都走去都鬧,都係間玩具公司招惹番黎......

"貼錢買難受"係真既,呢個年代,玩得玩具都有呢個病,當年搶訂神話,今日搶訂MB,左左腳,開盒成隻野花曬,斷件.......,大部分版友都試過"貼錢買難受",除非有一日唔玩!!再唔黎呢度!!

CPY_2001

成日都要話真三一斷腰，又要扮晒最受害咁，冇買唔明，買咗冇問題既唔明，有問題既搵到解決方法唔理，繼續無視，之後就變咗講無上色，總之自己永遠受害.隻超重神唔延期2星期就會出，根本唔急在一時，講感受？隻黑真三一冇問題有冇人講下呀？有心討論咩有人？好多野心照啦

└佳→┐

neo.L 發表於 17-8-2018 02:38 AM
因為我會幫襯,先會想佢變得更好!!

講外型係千記獨步天下,呢樣服佢!!MB賣緊千8,佢賣鐵機巧坦克2千6,唔係 ...

所以話，為買左而鬧，定係為鬧而鬧，
其實都睇得出好多人係邊一類。