轉載：Y拍買嘢小心這個賣家"collection323"

luciferdark

第一, 四十幾個負評, 真係唔應該冒險。
第二, 人地寫明交收時間地點, 你就唔到, 可以係問答問, 大家就唔到就唔成交。
BID左後即係你同意佢條款, 再要求改, 樓主你單單係呢點上, 都啱唔晒。

mansz

luciferdark 發表於 15-9-2015 01:50 PM
第一, 四十幾個負評, 真係唔應該冒險。
第二, 人地寫明交收時間地點, 你就唔到, 可以係問答問, 大家就唔到 ...

第一點我同意，只能話誤信佢啲好評，第二點一半，佢係有寫地點，有寫星期六日唔交收，但佢無話平日有時限，如果佢寫明幾點至幾點我諗果位師兄都唔會中伏，
下次bid嘢真係要提早問清楚，
但對我黎講最大問題係佢對客既態度，好似我阻住佢咁樣，咁唔耐煩就咪鬼賣野啦！

stagebbg

我同情你改唔到時間交收既遭遇
只不過你埋怨人地唔改時間就你交收 點解你唔改自己時間就人交收呢?
你一樣會話自己有唔可以早既原因
雙向既 大家就對方半個鐘囉 你同樣企硬既話 其實冇咩資格可以嘈

holam

Y

holam

Y

andrewchan0079

stagebbg 發表於 15-9-2015 02:15 PM
我同情你改唔到時間交收既遭遇
只不過你埋怨人地唔改時間就你交收 點解你唔改自己時間就人交收呢?
你一樣 ...

其實睇返成件事, 樓主並冇企硬, 係個賣家企到好硬
限時限刻限地方
樓主都有講直接去賣方住處樓下交收, 係個賣家唔肯
同成件事係講緊賣方態度問題
雖然平小小買到想買既野, 但就要受人一肚氣

mr123

我同依條友交收過. 真係唔會再同佢買野.

10號完BID 16號先肯交收. 自己個POST 有一大渣 港鐵站 可以選. 但係問佢其他站 就只回 "油麻地鐵站客戶服務中心交收"  

留個電話只係交收個陣先打得通.

唔去其他站交收. 就唔好打出黎LA

luciferdark

mansz 發表於 15-9-2015 02:15 PM
第一點我同意，只能話誤信佢啲好評，第二點一半，佢係有寫地點，有寫星期六日唔交收，但佢無話平日 ...

咁我都認同你, 佢唔寫清楚時間又催人, 咁無得講了, 係佢問題。
我SET晒東涌交收寫住時間就人, 我食緊飯都會落去交收, 責任感問題。

avatarj

我都同佢交收過，
當時bid緊佢三樣嘢，第一樣完左，第二三樣未完，
問佢可唔可以等埋先一齊交收
居然答我件貨等唔到我咁耐...話佢地唔會hold咁耐......下？兩三日咋喎...有幾耐呀？
好在後尾果兩件野俾其他人bid左，
真係以後都唔會同佢買嘢，咁ge人都有，離晒譜...

其實Y拍成日有咩最好賣家選舉，可唔可以都整個投訴箱俾我地幫佢清理門戶呀？

takeshi

avatarj 發表於 15-9-2015 04:12 PM
我都交收過，
當時bid緊佢三樣嘢，第一樣完左，第二三樣未完，
問佢可唔可以等埋先一齊交收

除非完結日子好近爭2,3日，吾係我就覺得都正常，你又吾一定win，肯等只係人情 。

【占仔】

y拍好多奇怪買/賣家..
要真係睇下負評係點先

avatarj

takeshi 發表於 15-9-2015 04:20 PM
除非完結日子好近爭2,3日，吾係我就覺得都正常，你又吾一定win，肯等只係人情 。

其實真係差三日左右，如果佢唔係咁講我會再落BID，so far我見後尾end bid 個價兩件都只係高我一個價位........但呢兩件嘢過後又佢又再放返出來......well....

其實我好聲好氣問佢可唔可以等埋,得到ge答案係"喂唔等得咁耐喎,我地點知同你hold到幾時呀？我地唔留貨架" <---佢講果句大致上係咁，無都有八九成，總之極無禮&#35982;，如果佢客氣D話唔得，我都唔會咁激氣:74:

takeshi

avatarj 發表於 15-9-2015 04:44 PM
其實真係差三日左右，如果佢唔係咁講我會再落BID，so far我見後尾end bid 個價兩件都只係高我一個價位... ...

甘冇禮貌又衰D.....理解...

點解我隔太耐都吾會等，係試左有2次一等，買家見到有其他平左就luck我底(我見佢之後同其他賣家成交左同一件貨品)，所以依架我都寫明要幾日內完成交收..

avatarj

takeshi 發表於 15-9-2015 05:13 PM
甘冇禮貌又衰D.....理解...

點解我隔太耐都吾會等，係試左有2次一等，買家見到有其他平左就luck我底( ...

明白既，買家賣家都應該負返責任，bid左就係bid左，就算外面跌價都應該交收埋佢

gominggo

唔駛講啦 幾十個負評 一定無幫襯 其實yahoo有冇設負評上限 幾十個負評個acc重用到?