大鐵人17號 玩具進化論

玩具日報記者

http://orientaldaily.on.cc/cnt/lifestyle/20150624/00321_002.html

當南三郎大叫「大鐵人出動！」主題曲隨即奏起，小朋友望住電視跟住唱：「畀你知道，佢係鐵造，力量大到無譜……」唔少70後對《大鐵人17號》都充滿童年回憶，作品自誕生以來大膠、合金等產品不絕，惟獨欠缺一款擺到型格甫士的可動玩具。今次日廠WorldScope推出30cm高的大鐵人17號，大大隻標榜靈活矯捷，連樓上舖Ant Toy老闆Jacky都話收咗唔少訂單，作為粉絲的他都入咗一隻珍藏！



30cm高大威猛

WorldScope版大鐵人17號有成30cm高，Size拍得住1:4 Figure，拎上手極之紮實。Jacky大讚：「最正係佢的比例拿捏準確，充滿特攝味道，而且機體紅色組件如胸甲、小腿前方、腳掌表面均以Die-cast鑄造，令玩具都幾墜手。」此外，為了重現劇中打開腹部使出絕招等離子炮，玩具加入換件玩法，想扮發射Look時可於腹部改裝「開啟形態」，咁就唔怕玩得耐會鬆。

下身關節靈活，單腳踢腿都唔會失平衡。

膊頭設有橫向關節，能夠做到聳肩動作，而格仔雙眼塗裝精準。

以換件方式重現絕招等離子炮的發射狀態。

大膠POPY各具賣點

其實歷年來有關《大鐵人17號》的玩具，Jacky都有收藏，他直言不同時期的玩具都帶來不一樣的回憶。「孩童時拿起大膠大鐵人17號尤其興奮，因為玩具同自己身高差唔多，膊頭仲識發射飛彈，搞到經常丟失配件；POPY合金雖然細隻，但是合金含量最多，玩到甩漆都唔驚氧化變得脆弱。至於超絕可動變形版顧名思義可跟足原著變形方法，一按鍵由飛行要塞變成機械人，可惜易壞問題為人詬病。」

大膠大鐵人17號Figure已經屬天價收藏珍品，這款中古玩具要賣上過萬港元。

Ant Toy玩具店老闆Jacky認為今次大鐵人17號突破可動界限，難怪預訂反應理想。

同場加映：貓店長看舖 Jacky喜歡將自己的心頭好公諸同好，所以Ant Toy布局似博物館多過玩具舖，小記仲可以親身把玩這幾款經典大鐵人玩具，期間還見到貓店長巡舖呢。

背景知多啲

《大鐵人17號》於1977年在日本TBS電視台首播，翌年由香港佳視播映，故事講天才科學家製造出擁有自我意識的電腦，希望藉此保護地球，惟電腦認定人類是地球最大的威脅，故派出機械人四出破壞。而主角南三郎偶然發現大鐵人17號，並啟動它反過來對付機械人軍團。

撰文：廖俊斌

攝影：蔡浩文

網址：https://www.facebook.com/AntToy1996

huiharvey

Thank you. This one is my all time favoritre!

chy123

看到這報導才知Ant Toy還在:x

redzerorz

WorldScope是哪家廠?
好似沒聽過???

ZION

redzerorz 發表於 24-6-2015 07:45 PM
WorldScope是哪家廠?
好似沒聽過???

你睇內文講解件野的口吻，仲有「Ant Toy收唔少訂單」時反而但出面仲冇乜人知，所以先要寫廣告稿。

neoneo

孤扭正在開訂的是這隻嗎？但我見佢寫住「著燈、變形」？

boyosc

大鐵人雖變形簡單,但最唔合理係變"要塞"時對拳頭打側塞返入個肚度
咁又變有位俾佢robot時放原子能死光的零件呢?
不過童年回憶無價, 只要出得靚,總有die hard fans光顧