hBus -- 混能雙層巴士登陸香港 (長文, 多圖注意)

SuperBus

(麻帆良市時報記者鹿目まどか報導)
2014 年, 香港公共巴士進入 Hybrid 混合動力新年代!
自英國嘅 Alexander Dennis (ADL) 由 2008 年起,
發展混能版本嘅 Envrio 400 雙層巴士開始,
混能雙層巴士慢慢喺英國本土開枝散葉並且取得成功,
香港作為 ADL 嘅最大海外用家, ADL 自然亦冇放過呢個重要市場,
為香港市埸打造首批共六部混能版本嘅 Enviro 500 雙層巴士。
其中九巴引入共 3 架 Enviro 500 Hybrid 雙層巴士,
呢批混能雙層巴士都係由環境保護署嘅資助下引入,
皆因一架混能雙層巴士嘅造價不菲, 尤其電池製造成本高昂,
電能變換組件複雜, 無法以廉價製作等因素,
都令佢地嘅身價比純用傳統柴油引擎驅動嘅同款巴士為高。
但係混合動力巴士嘅好處, 在於比純用傳統柴油引擎驅動嘅巴士,
減少達 30% 嘅耗油量之餘, 喺減少二氧化碳排放方面亦有一定嘅成績,
以達到淨化空氣、低噪音同低排放嘅理想目標。

ADL Enviro 500 Hybrid 使用容積較小嘅 Euro 6 標準 6.7 公升 Cummins ISBe 280 匹馬力引擎,
連接由英國 BAE System 提供嘅 TB200 型 Hybridrive 驅動系統,
空調系統亦屏棄以往使用嘅日本電裝 Nippondenso 岀品,
破天荒使用由美國冷櫃專家 Thermo-King 提供嘅空調系統,
而且係純依賴電力操作, 同以往由主引擎驅動操作嘅方式有别。
至於車廂格局方面, 由於佢地比原來嘅 Enviro 500 NG 需要更多額外嘅車尾空間,
去安放儲電池同空調機等相關機組, 所以載客量被削減至 123 人
(Enviro 500 NG 為上59 + 下31 + 企47 =137, 而 Enviro 500 Hybrid 則為上51 + 下29 + 企43 =123。)

九巴喺 2014 年 9 月 1 日發出新聞稿, 顯示左佢地首架 E500 H 嘅獨特車身圖案,
並且命名為 "hBus"。首部新車就喺 2014年 9 月 6 日晚上到港, 成為香港首部混能雙層巴士。
九巴更喺一個禮拜後於九巴月輪街車廠舉辦記者招待會,
ATH1 同 2 喺同年 10 月尾正式岀牌, 而本文主角 ATH2 就喺同年 11 月 11 日首航 1A 線,
成為首架正式投入載客服務嘅 E500 H 巴士,
而其餘兩架 ATH1 同 3 則分別被安排行走 104 同 619 線,
以試驗佢地嘅性能同喺香港嘅行車表現。

今日, 麻帆良市正式歡迎九巴 ADL Enviro 500 Hybrid 雙層巴士登場!!
作為 E500 粉絲嘅市長 Super Bus, 知道香港將會有首批嘅混能版 E500,
自然亦興奮不已, 但係同時亦對呢批巴士存有一個接一個嘅問號,
Super Bus 話, 混能版嘅 E500 巴士其實早喺 2008 年已經出現一架,
係一架全長 12.8m 版本, 比加拿大卑斯省嘅 BC Transit 使用,
之後就再冇第二架嘅岀現, 到底係咪佢喺加拿大嘅行車表現未如理想呢?
Super Bus 話佢都不得而知啦, 不過佢話, 呢架巴士曾經有一次喺 San Diego 參展,
令佢有機會上車一睹呢架 E500H 嘅車廂格局, 佢話因為混能版比普通版要搭載更多機械組件,
所以下層車尾要佔去整整一隻車窗嘅空間, 因而犧牲左可載客嘅空間,
而今次香港嘅呢幾架 E500H 巴士, 雖然係 12m 版本,
但係由佢下層嘅車廂格局睇, 已經係有一點改進,
但係由於車重同組件佔位關係, 載客量亦不可避免地要作出犧牲,
至於佢地嘅性能同行車表現如何, 特別係喺好似香港呢啲特別嘅運作環境運作,
仲要驅動空調系統運作, 會唔會影響巴士嘅運作表現,
相信亦會係好多人都關心嘅問題, 另一個令 Super Bus 諗到嘅問題,
就係呢批 E500H 巴士造價同身價亦不菲, 今次呢批混能巴士之所以有機會引入香港,
完全係靠環保署嘅資助先至可以成事, 事實上喺英國本土,
混能巴士之所以可以喺當地開枝散葉, 背後亦因為有政府嘅巨額資助,
要令混能巴士可以喺香港呢個地方得以普及, 除非繼續有政府資助,
否則要巴士公司自掏腰包買新車似乎亦冇可能, 當中仲未計日後嘅維修成本,
所以呢批 E500H 日後有冇可能成為巴士中嘅豐田 Prius 呢?
唯有拭目以待啦, 不過 Super Bus 亦話, 今次呢批混能巴士喺香港落地,
未嘗唔係一個新嘗試, 亦為遍地都係 E500 嘅香港帶來一點新鮮感,
不過最重要嘅, 都係希望呢批混能巴士喺香港嘅表現良好,
令巴士公司可以引入更多混能巴士為市民服務, 令混能雙層巴士可以喺香港得以普及,
同埋更重要嘅, 係有政府嘅大力資助, 共同為環保出一分力量。

隆重歡迎! 九巴 ADL Enviro 500 Hybrid 雙層巴士, ATH2, 見參!!










證書編號 0121, 全球限量 2000 架


正式落地!!








成架車其中一個最注目嘅地方應該就係呢個機件箱位啦~








如果冇政府環保署嘅資助, 混能版 E500 雙層巴士相信亦冇乜可能有機會喺香港出現








And......

Back to 2008

ADL 早喺 2008 年就已經有第一架混能版本嘅 Enviro 500 出現,
並且喺當年嘅 APTA Expo 2008 @ San Diego 展出,
之後就交付用家 -- 位於加拿大卑斯省嘅 BC Transit,
呢架巴士全長 42 呎, 或者 12.8m, 但係由於車尾要搭載更多機械組件,
所以下層車尾要佔去整整一隻車窗嘅空間, 因而犧牲左可載客嘅空間






留意後輪上嘅窗位已經被闢作要放機件嘅位置, 取而代之係兩邊可以打開嘅機件蓋










留意下層車尾嘅座位佈局






上層






最後...

VIIV 26, 毋忘六四


Thanks for reading~

isonchung

非常詳盡, 多謝分享!!!{:1_377:}{:1_377:}

leoleolaw68

{:1_377:}{:1_377:}

mfleo2010

造型不錯，多謝分享。{:1_226:}

huiharvey

Thank you for your photos, I get the model also after seeing your photos.

hksun0921

造型不錯，多謝分享。