|
|
發表於 1-6-2015 15:29:23
|
顯示全部樓層
細個同依家對「玩具」既理解, 某程度上都影響都「心態」。
依前細個所謂既玩具, 分分鐘只係一舊唔知咩野都玩得好開心;
依家? 首先要有愛, 起碼識果件咩黎、再睇下做得靚唔靚, 精唔精緻、跟住又睇下堅固唔堅固、仲有一大堆野...
愈多準則, 愈嫌三嫌四, 得到既快樂就會愈反黎愈少。
而且愈著技術進步, 玩具愈出愈靚, 愈黎愈精細, 價格亦都因而有所提升。
依家黎講, 分分鐘郁d就幾百蚊咁跳, 買左番黎又點會粗玩?
最多開下盒擺下姿勢放入櫃, 更珍貴既可能連盒都唔拆, 試問又點會「玩」得開心?
當然, 炒家既影響係有, 但唔可以全部推哂係佢地身上。
以前細個文具鋪都有唔少玩具賣, 放學行過望下望下, 都會滿足到一時既欲望;
依家賣玩具既地方愈做愈少不特止, 仲要d貨去得好快, 變成唔係一出就買好多時後追都幾麻煩。
試過有幾次連件玩具我都未見過, 就已經出左兼賣完,
買件玩具好似玩生死時速咁, 樂趣緊係少一大截。
反而炒家問題唔太大, 佢仲令我由「咩都玩一餐」變成「真係好鐘意先買」添。
慳位又慳錢, 真係多得佢唔少。 |
|
樓主
