有冇師兄覺得其實 secret base 可以摺左佢？

2littlemoney

有版睇但係全部冇現貨冇得訂, 睇完個人偶想買的都只會出
外面買, 其實係益左好時點丶佳旺丶信和 d 玩具店！
其實訂貨到送貨可以全部上網做， 只須要租 d工廠大廈擺貨
就可以了, 比租商業樓平好多, 而家 SB 每月租金我諗都要六十萬以上！
hot toys 而家已經世界知名, 玩人偶嘅都識佢, 其實無需要再咁樣做宣傳,
用坑番嘅錢開發新技術, 用在提升生産質素上不是更好嗎?

catcat

有無師兄覺得IFC Apple Store可以摺左佢？
有版睇但唔係全部有現貨, 試完iphone想買的都只會出
外面買, 其實係益左先達 d 電話店！
其實訂貨到送貨已經全部上網做， 只須要租 d工廠大廈擺貨
就可以了, 比租商業樓平好多, 而家 ifc每月租金我諗都要一百萬以上！
Apple而家已經世界知名, 玩電腦嘅都識佢, 其實無需要再咁樣做宣傳,
用慳番嘅錢開發新技術, 用在提升生産質素上不是更好嗎?

transfarmer

如果唔係想曲線引人插，開 post 位師兄可能仲係小學雞唔識世界。

gargan

這問題真的值得討論嗎?:ar:

RRAAYY

2littlemoney 發表於 24-1-2015 03:10 PM
我只係見到呢度都幾多對 HT 嘅負面評論， 例如話產品水平越來越低,
價錢卻越來越貴！ 又淨係識出 ir ...

師兄，SB有6部收銀，以前兆萬得一部，你真係身在福中不知福! 以前排幾個鐘D辛苦法。

重有龬上訂貨再郵寄，其實亞洲玩家最唔著數，好似3A 根夲一路用亞洲區玩家D郵費貼歐美郵費:53:

ilove12inch

地獄滾球 發表於 24-1-2015 02:41 PM
一日賺咁多錢既公司…如果唔搵地方洗梗d錢…年尾交稅交到訓街呀！

師兄中Point，大公司一定要揾D方法去散下錢，例如裝修，開Showroom，最好方法係賣廣告。

bigtomm

一於搬去吹水區啦 :76:

商場單位每月租金都係萬幾. 廿樓呢D用途似倉多D, 雖則全層但都唔洗咁貴.
SB咁大才可以放到SS D大貨出來, 無辦睇, 點賣得出.
我現在無必要都費時上去, 如果SB搬去工廠區, 真係搵鬼去.

gargan

誰說慳番啲錢, 會用在開發新技術或提升生産質素呢? 更甚老闆從來無話唔夠錢開發及不滿意生産質素, 師兄未免太過一廂情願了吧!:DD

dewback

bigtomm 發表於 24-1-2015 04:12 AM
一於搬去吹水區啦

商場單位每月租金都係萬幾. 廿樓呢D用途似倉多D, 雖則全層但都唔洗咁貴.

:34::34::34::34::34:

haha_muse

好多國際大品牌喺尖沙咀銅鑼灣開鋪收入唔夠比租的
但仍然喺度開鋪
樓主明白呢個道理就唔會問呢個問題

交叉人

其實樓主部分講得啱，睇左又買唔到，焗去出面買炒價
咁正正係佢的目的，告訴大家喺佢度要訂，仲要快點立即現場訂，唔好諗咁多，否則買唔到之後大家又問為什麼這個display only

不過有個問題，來來去去都係display果堆，又確係有點悶

wing1123

catcat 發表於 24-1-2015 07:23 AM
有無師兄覺得IFC Apple Store可以摺左佢？
有版睇但唔係全部有現貨, 試完iphone想買的都只會出
外面買,  ...

cat大呢腳抽得靚....{:1_377:}.理得佢摺唔摺埋?又唔係你交租..........如其摺埋不如望佢港島同新界開分店做收訂派貨好過啦..下下仆出去旺角...最慘係攞完貨喺街同d自由含迫{:1_376:}

ChiuJai

工廠大廈擺貨?.....唔係嗎?仲駛旨意人去?
相反佢依家愈做愈出名,已是行內一哥,更應該喺旺區造勢推高人氣,設立旗艦店;羊毛出在羊身上,改善品質監控同派貨流程,自然就水漲船高....信和店遲吓都怕且唔夠地方擺放,嘿嘿!{:1_220:}
(小弟愚見,吹水吹水,見諒見諒)

ChiuJai

交叉人 發表於 24-1-2015 08:16 AM
其實樓主部分講得啱，睇左又買唔到，焗去出面買炒價
咁正正係佢的目的，告訴大家喺佢度要訂， ...

師兄講得啱,來來去去都係display果堆;根本佢地方有限,每次有新品種都係曇花一現(接受訂貨時擺放),之後都冇哂影蹤,不知去向,好似馬航,下落不明!(係咪去咗兆萬店?){:1_220:}

sac

我就幾enjoy，得閒上去看看，妄想自己間屋有一樣display櫃...，好過冇！

dennis128

表面上.......係個門市.............其實係一個樓上貨倉...................

真惡魔狂人

catcat 發表於 24-1-2015 07:23 AM
有無師兄覺得IFC Apple Store可以摺左佢？
有版睇但唔係全部有現貨, 試完iphone想買的都只會出
外面買,  ...

師兄，請受小弟一拜！

ivykwong1997

我已經當左SB係自己個倉同display櫃，間唔中去睇下就算當買左，況且買左返去又無SB display得咁好， 千祈唔好關門啊。