現時點被收購？(補LINKED)

司馬易

天碼 發表於 11-11-2014 10:33 PM
今次收購既事,我真係覺得好可惜!
香港已經吾多既一個玩具集中場, 什至全世界LEGO FDS 都知既買貨場
如 ...

其實真係好無奈 :49:

呢個玩具場有今日...... 並唔係一朝一夕 :56:

一眾喜愛玩具嘅大大 ~ 都有份打造佢出嚟 :$

一個大炒家 就有機會令佢從此消失 :die:

kyostanley

csysimon 發表於 11-11-2014 10:39 PM
林子峰表示，是次購入商場總樓面約2萬平方呎，每間舖面積由80至200呎不等，出租率理想，以售賣玩具作主題， ...

並預計提供約5厘回報保證?佢保証邊個有5厘回報??

-L-

唉.... 十分無奈..........

點解要咁做呢................. 行咗IN's咁耐..... 由無咩玩具店，做到現在算一個玩具集中既商場... 雖然好少晌這個場買野.... 但勝在集中同行得算舒服... 真係好唔想佢會消失，太多回憶了... 唉...

rayman_cheung

一於約埋一堆, 上晒同一棟工廠大廈!

wilson3a10

香港4大產業
地產, 藥房, 金鋪, 化妝品

ks99113

如果轉移陣地去好景,都有得諗,信和同皆旺都爆爆地,好景多吉鋪,地段都方便,多幾間搬過去,集中返

Agito

這個場由零做到現在甘旺,不是一朝一夕,
一下子畀貪心的地產霸權踐踏,玩完!!!
地產霸權,可恥!!!{:1_236:}

Agito

00_GUNDAM 發表於 11-11-2014 04:11 PM
到時總會有人買呢D劏房舖位, 希望唔好變油麻地版深之都.....

深之都我上了1次已經沒有再上去行,條通道又窄又迫點行!!

csysimon

kyostanley 發表於 12-11-2014 12:14 AM
並預計提供約5厘回報保證?佢保証邊個有5厘回報??

佢保證買劏舖d投資者

我估保投二年5%


講真好少劏舖成功

邊個買劏舖，應該輸收場

大大叔

地產經紀可能有另一商機，聯絡工厦業主，以平租為名，打造新玩具集中地，一手吸晒現時點班租客

hk小文

案件重演

直擊尖沙嘴首都廣場 36呎舖位賣300萬

本報訊】尖沙嘴首都廣場縮水舖，實用36方呎，未計折扣，剛以約300萬元成交，足夠買一個沙田第一城細單位。記者現場直擊，該舖位被一條柱躉頂到應，平面圖呈「凹」形，走進舖內細過劏房，就連伸直雙手也不能。雖然合約訂明，保證買家首兩年獲五厘租金回報，但兩年之後貴客自理。有資深投資者表示，好多例子都變晒死場。　
記者：陳家雄

漆咸道南百樂酒店一帶，近期有一眾代理手持招紙兜客稱：「200零萬可以做舖主！」代理口中的舖，正是投資者尹柏權今年初拆售的尖沙嘴首都廣場（前身是百樂酒店商場），最近劈價兩成賣貨尾，並回贈全部釐印費。

保證首兩年回報五厘

市場消息指，該商場3樓一個單號舖，建築面積72方呎，實用36方呎，售價298.8萬元，買家盡取優惠後，折實約241萬元成交，建築及實用呎價分別為3.3萬及6.7萬元，並可獲印花稅回贈約8.96萬元。據悉，該批逾40伙貨尾截至昨日為止賣剩約12伙。
記者現場直擊，商場內有工人進行埋尾工程，部份舖位未裝趟閘。上述成交舖位在3樓近升降機大堂，平面圖可見呈「凹」形，走進舖內仲細過劏房，完全無法伸開雙手，空間之細，僅夠做掌上壓，相信放張枱也不行。最離譜是，轉角位有個僅夠攝入一個人的位置，想擺貨，貨物可能要好「的骰」，甚或要迷你裝貨架。
根據該商場買賣合約，條款設有售後租回協議，成交日起計，首兩年內，保證租金回報5厘。保證回報期內，買家沒有選擇租客的權利，也不能自用該舖，純粹等收租，兩年後才可收回舖位，決定自用或出租。

csysimon

如果睇返HK 咁多劏舖拆售

合約訂明保證買家首兩年獲五厘租金回報，

記者在上周六現場直擊，一樓舖十室九空，淪為死場，還有地產代理以免租半年宣傳作招徠。

http://hk.apple.nextmedia.com/realtime/finance/20140309/52264781

歪勾

點解唔收埋皆旺皮呢？？ :^

hk小文

經典例子】
拆售商場賣「縮水舖」，好多變死場，經典例子多不勝數，包括佐敦廣場、旺角東京銀座以及深水埗深の都等。
佐敦廣場前身是酒樓，92年改建為商場，翌年業主收樓後，發現舖位是「縮水舖」，實用率僅一半，全部中招，當中包括藝人薛家燕，商場舖位租不出，業主自用又無生意。98年因管理公司撤離，一度丟空十年，成為癮君子和露宿者藏身之所。
2010年，有神秘財團以劃一收購價每個13.8萬元收購佐敦廣場鋪位。薛家燕最終在2010年以約27.6萬元將兩舖賣出，較92年購入價的253.7萬元勁蝕226.1萬元，蝕幅89%，投資18年僅收回一成資金。
同樣有藝人參與，麥長青以推廣人角色夾「商場醫生」沈永年，06年大搞旺角東京銀座商場，搵晒一班藝人包括吳文忻、麥家琪等人開辦明星街，以為明星效應可帶旺個場，殊不知開業不久，場內拍晒烏蠅，大業主一度免租租予福利機構使用。其後，商場經營出現問題，無錢交電費被斷電，最終執笠收場。該商場已賣散，近年有財團試圖整合業權。
深水埗深の都商場是近年列入「死場」行列，前身為酒樓，04年底拆售約150個舖，入場費50萬元起，同樣是幾十呎縮水舖，05年開業。記者最近到訪，樓高三層，每層均有十多個吉舖招租，出租率約五成。舖位月租由1,400至2,000元不等，商店包括時裝、香薰、美容及辦公室等。

fourson

裏面d連鎖店咪大鑊？